ទាន់ហេតុការណ៍
ជនពិការ​ក្រីក្រ​ក្នុង​សហគមន៍ ចំនួន ២៩៤​នាក់ នៅ​ឃុំ​ស្ទឹង​កាច់ ទទួល​ប្រាក់​របប​គោលនយោបាយ​ពី​រាជរដ្ឋាភិបាល​ ==> ឃាត់ខ្លួន​ជនសង្ស័យ​ចំនួន ៤ នាក់ ពាក់ព័ន្ធ​ក្នុង​បទល្មើស និង​សមគំនិត ករណី​ហិង្សា​ដោយ​ចេតនា បណ្តាល​អោយ​យុវជន​ម្នាក់ទៀត ពិការ​ម្រាម​ ==> ការប្រកួត​បាល់ទាត់​ពានរង្វាន់​មិត្តភាព យុវ​និស្សិត​ខេត្តបន្ទាយមានជ័យ​ដែល​រៀន​នៅ​រាជធានី​ភ្នំពេញ ចាប់ផ្តើម​បើក​ជាថ្មី បន្ទាប់​ពី​អាក់ខាន​អស់​៣​ឆ្នាំ​! ==> អរគុណ​សន្តិភាព ជយោ​!​នយោបាយ​ឈ្នះ ឈ្នះ​ ! ​កីឡា​រស់​ក្នុង​សន្តិភាព ប្រជាពលរដ្ឋ​ម្នាក់​លេង​កីឡា​មួយ​ប្រភេទ លេង​កីឡា​ដើម្បី​មិត្តភាព សុខភាព និង​ចៀសផុត​ពី​បញ្ហា​គ្រឿងញៀន​ ==> ​ឯកឧត្ត​រដ្ឋមន្ត្រី​ក្រសួ​ងក​សិកម្ម អញ្ជើញ​ទទួល​ជួប​ក្រុមហ៊ុន ដូវទី សាយ​ហ្គ​ន​-​ប៊ិញ​ហ្វឿក (​អេស ប៊ី ខេ​) និង​ក្រុមហ៊ុន ភូ​រៀង ក្រចេះ អភិវឌ្ឍន៍​កៅស៊ូ​ ==> ​ក្រុម​គ្រូពេទ្យ​ស្ម័គ្រចិត្ត​សមាគម​សុខាភិបាល​ខ្មែរ​អាមេរិក ចុះ​ពិនិត្យ និង​ព្យាបាល​ជំងឺ​ទូទៅ និង​ផ្តល់​វ៉ែនតា​ដោយ​ឥតគិតថ្លៃ ជូន​ដល់​ប្រជាពលរដ្ឋ នៅ​ស្រុក​មង្គលបុរី ខេត្ត​បន្ទាយមានជ័យ ==> តំណាង​ឯកឧត្តម ឌី វិជ្ជា បាន​នាំយក​ទេយ្យទាន និង​បច្ច័យ ចូលរួម​រំលែក​ទុក្ខ​ក្រុមគ្រួសារ​សព​លោក សួស ភិរុណ​ ==> ​លោកជំទាវ​បណ្ឌិត ម៉ែន សំអន អញ្ជើញ​ប្រគល់​សញ្ញាបត្រ​ជូន​និស្សិត​ជ័យលាភី​ជា​ង ៣​ពាន់​នាក់ នៅ​សាកលវិទ្យាល័យ​ស្វាយរៀង ==> ​នាយសេនាធិការ​បញ្ជាកា​រដ្ឋា​ន​អាវុធហត្ថ​ខេត្ត​កោះកុង ប្រជុំ​ត្រួតពិនិត្យ​ការអនុវត្តន៍​តួនាទី​ភារកិច្ច​របស់​កងកម្លាំង ==> ​លោកជំទាវ ប៉ាង រ៉ាវី អភិបាលរង​ខេត្ត​ព្រះវិហារ អញ្ជើញ​ជា​អធិបតី​ក្នុង​ពិធី​ប្រកាស​ចូល​កាន់តំណែង​អភិបាលរង​ក្រុង​ព្រះវិហារ​២​រូប​, អភិបាលរង​ខេត្ត​ព្រះវិហារ

អភិបាល​រាជធានី​ភ្នំពេញ​៖ ៨​ឆ្នាំ ទៅ​១០​ឆ្នាំ ប្លង់​គោល​រាជធានី​ភ្នំពេញ ត្រូវ​កែប្រែ​ឡើងវិញ ដើម្បី​ងាយស្រួល​ផ្តល់​ប្លង់​កម្មសិទ្ធិ​ដី​ជា​ប្រព័ន្ធ​ជូន​ពលរដ្ឋ​ឱ្យ​បាន​លឿន​, មន្ត្រី​ជំនាញ​ត្រូពិនិត្យ​ឱ្យបាន​ជាក់លាក់​លើ​ប្លង់គោល

អភិបាល​រាជធានី​ភ្នំពេញ​៖ ៨​ឆ្នាំ ទៅ​១០​ឆ្នាំ ប្លង់​គោល​រាជធានី​ភ្នំពេញ ត្រូវ​កែប្រែ​ឡើងវិញ ដើម្បី​ងាយស្រួល​ផ្តល់​ប្លង់​កម្មសិទ្ធិ​ដី​ជា​ប្រព័ន្ធ​ជូន​ពលរដ្ឋ​ឱ្យ​បាន​លឿន​, មន្ត្រី​ជំនាញ​ត្រូពិនិត្យ​ឱ្យបាន​ជាក់លាក់​លើ​ប្លង់គោល

​ដោយ ៖ គេហទំព័រ «ឆន្ទៈខ្មែរ | Chhan Tak Khmer​» | www.chk-news.com

Tel: 012 82 68 90 / 088 88 26 890 | WhatsApp=012826890

(​ភ្នំពេញ​)៖ លោក ឃួ​ង ស្រេង អភិបាល​រាជធានី​ភ្នំពេញ បាន​លើកឡើង​ថា ការអភិវឌ្ឍ​រាជធានី​ភ្នំពេញ ត្រូវ​ធ្វើឡើង​ទៅ​តាម​ប្លង់​គោល​រាជធានី​ភ្នំពេញ ឆ្នាំ​២០៣៥ ទាំង​ការអភិវឌ្ឍ​ប្រឡាយទឹក និង​សំណង់​ផ្សេងៗ ជាមួយ​នឹង​ការកែប្រែ (Update) ប្លង់​គោល​នេះ​មួយ​ចំនួន​ឡើងវិញ ដើម្បី​ងាយស្រួល​ក្នុង​ការផ្តល់​ប្លង់​កម្មសិទ្ធិ​ដីធ្លី​ជា​លក្ខណៈ​ប្រព័ន្ធ ជូន​ប្រជាពលរដ្ឋ​ឱ្យ​បាន​លឿន​។ ដូចនេះ មន្ទីរជំនាញ អភិបាល​ខណ្ឌ​ខណ្ឌ​ទាំង​១៤ ត្រូវ​ពិនិត្យ​ឱ្យបាន​ជាក់លាក់ លើ​ប្លង់គោល ចៀស​ឱ្យបាន​ពី​ការរំលោភ​ទៅលើ​ប្លង់គោល ឆ្នាំ​២០៣៥​នេះ​។​

​ការលើកឡើង​បែប​នេះ​របស់​លោក ឃួ​ង ស្រេង បាន​ធ្វើឡើង​ក្នុង​ឱកាស​ដែល​លោក​បាន​ដឹកនាំ​កិច្ចប្រជុំ​ពិភាក្សា ស្តីពី​ការកែសម្រួល និង​ធ្វើ​បច្ចុប្បន្នភាព​ប្លង់គោល​រាជធានី​ឆ្នាំ​២០៣៥ និង​លើក​ទិសដៅ​អនុវត្ត​បន្ត នៅ​រសៀល​ថ្ងៃ​ទី​២៩ ខែវិច្ឆិកា ឆ្នាំ​២០២២​នេះ នៅ​សាលា​រាជធានី​ភ្នំពេញ​។​

​លោក ឃួ​ង ស្រេង បាន​ថ្លែងថា នៅ​រាជធានី​ភ្នំពេញ បាន​បង្កើតឡើង​នូវ​ប្លង់​គោល​ជាច្រើន តែ​សម្រាប់​ការប្រជុំ​ថ្ងៃនេះ យើង​លើកយក​តែ ប្លង់​គោល​ប្រើប្រាស់​ដី​ថា្នក់​ខណ្ឌ ចក្ខុវិស័យ​ឆ្នាំ​២០៣៥ ប៉ុណ្ណោះ​មក​ប្រជុំ ពិភាក្សា និង​លើក​ទិសដៅ​អនុវត្ត​បន្ត ដើម្បី​ឱ្យ​ថ្នាក់​ខណ្ឌ បាន​យល់​ពី​គម្រោង​អភិវឌ្ឍ​ប្លង់​មេ និង​ធ្វើ​កិច្ចការងារ​នេះ​ឡើងវិញ​។​

​ជាមួយគ្នានេះដែរ លោក ឃួ​ង ស្រេង បាន​ណែនាំ​ថា​សម្រាប់​ភូមិបាល​ខណ្ឌ​ត្រូវ​ក្តាប់​ប្លង់​មេ​ឱ្យបាន​ច្បាស់លាស់ មុន​ផ្តល់​ឱ្យ​គេ​ធ្វើ​អ្វីមួយ ពោល​គឺ ការអភិវឌ្ឍ​ក្រុង​ត្រូវ​ធ្វើឡើង​ទៅ​តាម​ប្លង់​មេ ទាំង​ប្រឡាយទឹក ក៏​ដូច​សំណង់​ផ្សេងៗ​។​

​លោក ឃួ​ង ស្រេង បាន​បន្តថា​៖ «​ខណ្ឌ​មួយចំនួន យើង​រៀបចំ​ប្លង់​គោល​ប្រើប្រាស់​ដី​ថា្នក់​ខណ្ឌ ចក្ខុវិស័យ​ឆ្នាំ​២០៣៥​រួចហើយ នៅសល់​ខណ្ឌ​ទើប​បង្កើត​ថ្មី​មួយ​ចំនួន​ប៉ុណ្ណោះ ដែល​មិន​ទាន់​បាន​រៀបចំ ដែល​យើង​ត្រូវ​សិក្សា​ពី​ប្លង់​មេ​ឱ្យបាន​ច្បាស់​។ ៨​ឆ្នាំ ទៅ​១០​ឆ្នាំ ប្លង់​គោល​រាជធានី​ភ្នំពេញ ត្រូវ​កែប្រែ (Update) ឡើងវិញ ដើម្បី​ងាយស្រួល​ផ្តល់​ប្លង់​កម្មសិទ្ធិ​ដី​ជា​ប្រព័ន្ធ​ជូន​ប្រជាពលរដ្ឋ​ឱ្យបាន​លឿន​។ មន្ទីរជំនាញ អភិបាល​ខណ្ឌ​ខណ្ឌ​ទាំង​១៤ ត្រូវ​ពិនិត្យ​ឱ្យបាន​ជាក់លាក់ លើ​ប្លង់គោល ចៀស​ឱ្យបាន​ពី​ការរំលោភ​ទៅលើ​ប្លង់គោល ឆ្នាំ​២០៣៥​នេះ​»​។​

​គួរបញ្ជាក់​ថា ចក្ខុវិស័យ​ដល់​ឆ្នាំ​២០៣៥ នៃ​ប្លង់គោល​ប្រើប្រាស់​ដី​ថ្នាក់​ខណ្ឌ គឺ​ជំរុញ​ការគាំទ្រ និង​អភិវឌ្ឍ​រាជធានី​ភ្នំពេញ ជា «​បេះដូង​របស់​ព្រះរាជាណាចក្រ​កម្ពុជា ដែល​ស្ថិត​នៅលើ​ចំណុច​ពិសេស នៃ​ប្រសព្វ​ទន្លេ​បួន ហៅថា ទន្លេ​បួន​មុខ ដែល​ជា​អត្តសញ្ញាណ​តែ​មួយ​គ្មាន​ពីរ ជា​មជ្ឈមណ្ឌល​នយោបាយ សេដ្ឋកិច្ច ពាណិជ្ជកម្ម វប្បធម៌ ប្រកបដោយ​សក្ដានុពល ប្រកួតប្រជែង ជាមួយ​ការអភិវឌ្ឍ​មួយ ប្រកប​ដោយ​វឌ្ឍនភាព សមធម៌ និង​ចីរភាព ព្រមទាំង​សំដៅ​រៀបចំ និង​អភិវឌ្ឍ​ខណ្ឌ ជា​តំបន់​ស្នូល​នៃ​រាជធានី​ភ្នំពេញ សម្រាប់​រដ្ឋបាល នយោបាយ វប្បធម៌ សេដ្ឋកិច្ច ពាណិជ្ជកម្ម ទេសចរណ៍ ប្រកបដោយ គុណភាព​បរិស្ថាន​រស់នៅ​ល្អប្រសើរ សុខុ​ដុមនីយកម្ម ភាព​ឆ្លាត​វៃ ចីរភាព និង​បរិយាប័​ន្ន​៕

 

Filed in: ព័ត៌មានជាតិ

Bookmark and Promote!

© 2023 ឆន្ទៈខ្មែរ | Chhantak Khmer News. All rights reserved. XHTML / CSS Valid.