ទាន់ហេតុការណ៍
កិច្ចប្រជុំ​គណៈបញ្ជាការ​ឯកភាព​រដ្ឋបាលខ​ណ្ឌ​ដូនពេញ ប្រចាំ​ខែ​វិច្ឆិកា ឆ្នាំ​២០២២ ==> ក្រុមការងារ អាវុធហត្ថ​រាជធានី​ភ្នំពេញ នាំយក​អំណោយ​ចុះសួរសុខទុក្ខ សមាជិក មាន​ជំងឺ​ក្រួស​ក្នុងប្រ​ម៉ាត់​ ==> សម្តេច​តេជោ ហ៊ុន សែន អញ្ជើញ​ជា​អធិបតី​បិទ​ការប្រកួត​កីឡា​ជាតិ​លើក​៣ និង​កីឡា​ជនពិការ​ជាតិ​លើក​ទី​១ ==> ​អភិបាល​ខេត្ត​កំពង់ធំ​អំពាវនាវ​ឱ្យ​អាជ្ញាធរ​រៀបចំ​មធ្យោបាយ​ដឹកជញ្ជូន និង​កន្លែង​ស្នាក់នៅ​ឱ្យបាន​សមរម្យ​ដល់​សិស្ស​ក្រីក្រ ==> ​រដ្ឋបាល​ខេត្ត​ព្រះវិហារ និង​ខេត្ត​អ៊ូ​ប៊ុន​រាជធានី ប្រទេស​ថៃ ប្តេជ្ញា​រឹតចំណង​សាមគ្គីភាព មិត្តភាព និង​ទំនាក់ទំនង​ល្អ ដើម្បី​ការអភិវឌ្ឍន៍​តាម​ព្រំដែន​នៃ​ខេត្ត​ទាំង​២ ==> ​លោក គួច ចំរើន ចុះ​ពិនិត្យ​ដំណើរការ​សាងសង់​គិលានុបដ្ឋាន និង​ផ្ទះបាយ​នៅ​ទីតាំង​តំបន់​ប្រតិបត្តិការ​សឹក​រង​ខេត្ត​ព្រះសីហនុ ==> អភិបាល​រាជធានី​ភ្នំពេញ​៖ ៨​ឆ្នាំ ទៅ​១០​ឆ្នាំ ប្លង់​គោល​រាជធានី​ភ្នំពេញ ត្រូវ​កែប្រែ​ឡើងវិញ ដើម្បី​ងាយស្រួល​ផ្តល់​ប្លង់​កម្មសិទ្ធិ​ដី​ជា​ប្រព័ន្ធ​ជូន​ពលរដ្ឋ​ឱ្យ​បាន​លឿន​, មន្ត្រី​ជំនាញ​ត្រូពិនិត្យ​ឱ្យបាន​ជាក់លាក់​លើ​ប្លង់គោល ==> លោក​អនុសេនីយ៍ឯក ប៊ុន ឆាយ​ដែន នាយ​ប៉ុស្តិ៍​នគរបាល​រដ្ឋបាលស​ង្កា​ត់​អូរជ្រៅ ដឹកនាំ នាយរង​ប៉ុស្តិ៍​និង​មន្ត្រី​ក្នុង​ប៉ុស្តិ៍​ចុះ​ធ្វើ​ការដើរ​ល្បាត ការពារ​រក្សា​សន្តិសុខ សណ្ដាប់ធ្នាប់​សាធារណៈ សុវត្ថិភាព ជូន​ប្រជាពលរដ្ឋ​ ==> លោក លឹម សៀង​ហេង អញ្ជើញ​ជា​អធិបតី​ក្នុង​ពិធី​សម្ភោ​ធ​ដាក់ឲ្យ​ប្រើប្រាស់​ជា​ផ្លូវការ​ផ្លូវ​បេតុង​អា​ម៉េ​មួយខ្សែ​ស្ថិតនៅ​សង្កាត់​បាវិត​ក្រុង​បាវិត​ ==> ថវិកា​មូលនិធិ​មហា​គ្រួសារ​កងរាជអាវុធហត្ថ ត្រូវបាន​ប្រគល់ជូន​គ្រួសារ​សព​សមាជិក​មន្ត្រី អាវុធហត្ថ​រាជធានី​ភ្នំពេញ​!

រថយន្ត​ដឹក​បទល្មើស​ឈើប្រណិត​ចូល​ក្រុង​បាន​លុង​ដោយ​គ្មាន​សមត្ត​ពាក់ព័ន្ធ​មួយណា​បង្ក្រាប​

​ដោយ ៖ គេហទំព័រ «ឆន្ទៈខ្មែរ | Chhan Tak Khmer​» | www.chk-news.com

Tel: 012 82 68 90 / 088 88 26 890 | WhatsApp=012826890

​ខេត្ត​រតនគីរី​៖ រថយន្ត​ធុន​ត្រា​មួយគ្រឿង​ផ្ទុក​ឈើប្រណិត​ពេញ​ដឹក​ចូល​ក្រុង​បាន​លុង​ទាំង​ព្រឹក ពុំ​មាន​សមត្ថកិច្ច​ជំនាញ​ពាក់​ពន្ធ័​ហ៊ាន​អើត​ក្បាលបង្ក្រាប​នោះទេ បណ្តោយអោយ​ធ្វើ​ចរាចរណ៍​តាម​ផ្លូវ​សាធារណៈ​យ៉ាង​រលូន​។​

​ជាក់ស្តែង​នៅ​វេលា​ម៉ោង​៧​និង​៥០​នាទី​ព្រឹក​ថ្ងៃទី​១៥ ខែ​ធ្នូ ឆ្នាំ​២០១៥​នេះ​រថយន្ត​ម៉ាក​ធុន​ត្រា​មួយគ្រឿង ពណ៌​ទឹកប្រាក់​គ្មាន​ស្លាក​លេខ​ផ្ទុក​ឈើប្រណិត​ពេញ​ដឹក​ចូលមក​ក្នុង​ក្រុង​បាន​លុង​តាម​បណ្តោយ​ផ្លូវជាតិ​លេខ​៧៦​ចេញពី​ស្រុក​កោះ​ញ៉ែ​ក ខេត្ត​មណ្ឌលគិរី រួច​បន្ត​ឡើង​មក​កាត់​ផ្លូវ​ជាតិ​លេខ​៧៨​ចូល​ក្រុង​បាន​លុង ខេត្ត​រតនគិរី ដោយ​ឆ្លងកាត់​បា​រ៉ាស់​កងកម្លាំង​ចម្រុះ​ឆែកឆេរ​អាវុធជាតិផ្ទុះគ​ណៈ​បញ្ជាការ​ឯកភាព​ខេត្ត​ត្រង់ចំណុច​ភូមិ​តា​អ​ង ឃុំ​តា​អ​ង ស្រុក​កូន​មុំ និង​កាត់មុខ​ស្នាក់ការ​ផ្នែក​រដ្ឋបាល​ព្រៃឈើ​ស្រុក​លំផាត់ ដែល​ទទួលខុសត្រូវ​ដោយ​លោក​ហុង វណ្ណ​រាន នាយ​ផ្នែក​កាន់​ចំនួន​៣​ស្រុក មានកូន​មុំ ស្រុក​លំផាត់ និង​ក្រុង​បាន​លុង​។​

​តាម​ការសង្កេត​ជាក់ស្តែង​នៅ​ថ្ងៃ​នេះ​ផ្ទាល់​តែម្តង​គេ​ពុំ​មាន​ឃើញ​កម្លាំង​ចម្រុះ ឫ​កម្លាំង​ជំនាញ​រដ្ឋបាល​ព្រៃឈើ​ស្ទាក់​ឃាត់​រថយន្ត​ដឹក​បទល្មើស​នោះឡើយ​គឺ​បណ្តោយអោយ​ធ្វើ​ចរាចរណ៍​យ៉ាង​រលូន​។ ហើយ​ចំ​ព្រោះ​ការដឹក​ឈើប្រណិត​សព្វថ្ងៃ សុទ្ធតែ​មាន​រថយន្ត​ស៊េរី​ទំនើបៗ​មាន​រថយន្ត​ខ្លះ​តាម​កាង​ពីមុខ​ពីក្រោយ មិន​អោយ​ក្រុម​អ្នកសារព័ត៌មាន​ដែល​តាម​ប្រមាញ់​ថត​រូបភាព​បាន​នោះទេ ចំណែក​សមត្ថកិច្ច​ជំនាញ​គ្រប់​ស្ថាប័ន​ដែល​ពាក់ព័ន្ធ​បិទ​ភ្នែក​ធ្វើ​មិន​ឃើញ​ការធ្វើ​សកម្មភាព​របស់​ក្រុម​ឈ្មួញ​ទាំងនោះ​។​

​រីឯ​ការដាក់​កម្លាំង​ឆែកឆេរ​នៅ​តាម​ដងផ្លូវ​នោះ​ទៀត​សោធន៍​គេ​សង្កេតឃើញ​មិន​ដែល​ឃាត់​ទេ​រថយន្ត​ដែល​ដឹក​បទល្មើស គឺ​ឃាត់​រថយន្ត​តាក់ស៊ី រថយន្ត​ក្រុង​និង​រថយន្ត​ប្រភេទ​ទេសចរណ៍​តែប៉ុណ្ណោះ​។ បើ​តាម​ប្រភព​ពត៌មាន​ពី​ក្រុម​ឈ្មួញ​ដែល​រកស៊ី​តូចតាច​គ្មាន​លទ្ធិភាព​បង់​អោយ​សមត្ថកិច្ច ហើយ​បាន​ដក​ខ្លួន​ឈប់​រកស៊ី​នោះ​បង្ហើប​ប្រាប់ថា អ្នក​ដែល​រកស៊ី​ដោយរ​លួ​ន​សព្វថ្ងៃ​នេះ​ភាគច្រើន​តែ​សមត្តកិច្ច​នឹង​អ្នកមាន​អំណាច​អាងខ្នង​អ្នកធំ​នៅ​ពីក្រោយ​ខ្នង​ផង​នោះ​។​

​សូម​បញ្ជាក់​ផង​ដែរ​ថា សមត្ថកិច្ច​ពាក់ព័ន្ធ​នៅក្នុង​ខេត្ត​រតនគិរី បង្ក្រាប​បាន​តែ​រថយន្ត​ខូច រថយន្ត​ក្រឡាប់ រថយន្ត​បែក​កង់​នឹង​រថយន្ត​មិន​បាន​បង់លុយ​ឲ្យ គឺ​ធ្វើ​ការបង្ក្រាប​បង្អួត​យក​ស្នាដៃ​ឲ្យ​ថ្នាក់លើ​ឃើញ​៕
​ឦសាន្ត​

 

2015_12_16ch4 (3)  2015_12_16ch4 (1)

Filed in: ខេត្ត​រតនៈគីរី, ព័ត៌មាន ដែលគួរចាប់អារម្មណ៍

Bookmark and Promote!

© 2022 ឆន្ទៈខ្មែរ | Chhantak Khmer News. All rights reserved. XHTML / CSS Valid.