ទាន់ហេតុការណ៍
លោកជំទាវ បាន ស្រីមុំ អភិបាលខេត្ត​ប៉ៃលិន បាន​អញ្ជើញ​ចូលរួម​សំណេះសំណាល​ជាមួយ​កងកម្លាំង​ទាំង​៣​ប្រភេទ​និង​ចុះ​ពិនិត្យ​ការដ្ឋាន​សាងសង់ ស្តូប​អនុ​ស្សា​រីយ៍​នយោបាយ​ឈ្នះ​ឈ្នះ នៅ​ខេត្ត​ប៉ៃលិន​ ==> ​សាខា​កាកបាទក្រហមកម្ពុជា រួម​នឹង​អាជ្ញាធរ​ស្រុក ចុះសួរសុខទុក្ខ និង​នាំយក​អំណោយ​មនុស្សធម៌ ជូន​ក្រុម​គ្រួសារ​រងគ្រោះ​ដោយសារ​ខ្យល់​កន្ត្រាក់​ចំនួន​០៦ គ្រួសារ នៅ​ស្រុក​សាលា​ក្រៅ​ ==> ឧត្តមសេនីយ៍ឯក រ័ត្ន ស្រ៊ាង លើកឡើងថា ពាក្យស្លោក "​សាមគ្គី​មិត្តភាព បង្កើត​ចិត្តរ​មនា ចែករំលែក​ជួយ​គ្នា ក្នុង​គ្រា​លំបាក​" ជា​តម្លៃ​ស្នូល​ក្នុង​ក្រុម អតីត​មិត្ត​រួម​ជំនាន់​សាលា​បាក់​ទូក​ក្នុង​ទសវត្ស​ឆ្នាំ​១៩៨០! ==> ​ពិធីបុណ្យ​សម្ភោ​ធ​ឆ្លង​ឧបដ្ឋានសាលា របង និង​សម្ពោធ​សមិទ្ធផល​នានា នៅ​វត្ត​មង្គល​គិរី ហៅ​វត្ត​ដូន​មាស​ ==> នាំខ្លួនជនសង្ស័យ សរុប ០៧ នាក់ ពាក់ព័ន្ធ​ករណី​ប្រើប្រាស់​កាំបិត​ខ្វែវ កាប់​ប្លន់​យក​ម៉ូតូ ==> វរសេនីយ៍ឯក សៀ ទីន ចូលរួម ក្នុង សមយុទ្ធ​នាគ​មាស ២០២៣ រវាង​កងយោធពល​ខេមរភូមិន្ទ ជាមួយ​កងទ័ព​រំដោះប្រជាជន​ចិន ==> ប្រជាពលរដ្ឋ​ចំនួន​០៥​គ្រួសារ​ទទួល​អំណោយ​មនុស្សធម៌ សាខា​កាកបាទក្រហមកម្ពុជា ខេត្ត​ប៉ៃលិន​ដោយសារ​រងគ្រោះ ខ្សល់​កន្ទ្រា​ក់ នៅ​សាលា​ក្រៅ​ ==> ឧត្តមសេនីយ៍ឯក រ័ត្ន ស្រ៊ាង ចាត់​ក្រុមការងារ​នាំយក​អំណោយ ចុះសួរសុខទុក្ខ លោក​មេបញ្ជាការរង អាវុធហត្ថ​ខណ្ឌ​ច្បារអំពៅ ដែល​បាន​ជួប​គ្រោះថ្នាក់​ចរាចរណ៍​! ==> ​សមត្ថកិច្ច​ខេត្ត​បន្ទាយមានជ័យ ឃាត់ខ្លួន​ក្រុម​ក្មេង​ទំនើង ៤​នាក់ ករណី​ប្រើ​អំពើហិង្សា ==> នាំខ្លួន​យុវជន​សង្ស័យ ករណី​វាយ​កញ្ចក់​ឡាន លួច​យក​ប្រាក់​

បទល្មើស​ព្រៃឈើ ក្នុង​ខេត្ត​មណ្ឌលគិរី ដឹកជញ្ជូន​ឆ្លងដែន​ទៅ​វៀតណាម យ៉ាង​គគ្រឹក​គ្រេង​

​ដោយ ៖ គេហទំព័រ «ឆន្ទៈខ្មែរ | Chhan Tak Khmer​» | www.chk-news.com

Tel: 012 82 68 90 / 088 88 26 890 | WhatsApp=012826890

មណ្ឌលគិរី ៖ ក្រោយ​ពី​គណៈកម្មាធិការ​ជាតិ​ដើម្បី​ទប់ស្កាត់​និង​បង្ក្រាប​បទល្មើស​ធនធាន​ធម្មជាតិ ប្រតិបត្តិការ​បង្ក្រាប​ប​ទ​ល្មើស​ព្រៃឈើ​នៅ​ក្នុង​ខេត្តមណ្ឌលគិរី​កន្លងទៅ​នេះ​បាន​ចាប់ខ្លួន​លោក​សឹង សំអុល មេ​ឈ្មួញ​ឈើ​និង​បក្ខពួក​៣​នាក់​មិន​ទាន់​បាន​មួយ​ដង្ហើម​កូនក្មេង​ផង​។​ឥឡូវនេះ​បទល្មើស​ព្រៃឈើ​ប្រភេទ​ស្រឡៅ កំពុងតែ​ត្រូវប៉ាន់​ឈ្មួញ​ជនជាតិ​វៀតណាម​ធ្វើ​ជំនួញ​យ៉ាង​អនាធិបតេយ្យ​ដឹក​ចេញពី​ខេត្ត​មណ្ឌលគិរី ទៅ​លក់​នៅ​ប្រទេស​វៀតណាម​តាម​ច្រក​ដាក់​ដាំ​យ៉ាង​ពេញបន្ទុក ។​

​បើ​តាម​ប្រភព​ពី​ស្រុក​អូររាំង​បានឲ្យដឹងថា នាយ​ប៉ុស្តិ៍​នគរបាល​អន្តោប្រវេសន៍​ច្រកដាក់​ដាំលោក យូ សុធា ជា​អ្នក​មាន​សិទ្ធ​ធំជាងគេ​ក្នុងការ បើក​បា​រ៉ា​ស់​ឲ្យ​ឈ្មួញ​ដឹក​ជញ្ជូន​ឈើ​ចេញ​ទៅ​ប្រទេស​វៀតណាម​ដោយ​រលូន​។​ដែល​ឈើ​ឈ្មួញ​ទាំងនោះ​ត្រូវបាន​គេ​ស្គាល់​ឈ្មោះ​ម៉ាប់ ឈ្មោះ តា​ឌី និង​ឈ្មោះ ឃុន​ជាដើម​។ ដែល​ពួកគេ​កំពុងតែ​បញ្ចេញ​សកម្មភាព​ដឹកជញ្ជូន​ឈើ​ចេញ​ពី ព្រៃ​ក្នុង​ខេត្តមណ្ឌលគិរី​ឆ្ពោះទៅ​លក់ នៅ​ប្រទេស​វៀតណាម តាម​ច្រក​ដាក់​ដាំ​និង​ច្រករបៀង​កង់​ឡ​ង់ ។​

​គេ​អះអាង​ថា ព្រៃឈើ​ដែល​នៅ​សេសសល់ ក្នុងស្រុក​កែវ​សីមា ស្រុក​កោះ​ញែក ស្រុក​ពេជ្រា​ដា និង​ស្រុក​អូររាំង បន្ទាប់​ពី​ឈើ​ប្រភេទ ក្រញូង នាងនួន បេង និង​ឈើ​ធ្នុង រង​នូវ​ការវិនាស​ស្ទើរតែ​ផុត​ពូជ​ទៅហើយនោះ ឈ្មួញ​ក៏​ចាប់ផ្ដើម​បន្ត​សម្រុក​កាប់​ឈើ​ប្រភេទ ក​កោះ សុ​ក្រំ ជាពិសេស ឈើ​ស្រឡៅ កំពុងដំណើរការ កាប់​ធ្វើ​អាជីវកម្ម​យ៉ាង​គគ្រឹកគគ្រេង​។​

​រីឯ​លោក ស្វាយ សំ​អ៊ាង អភិបាល​នៃ​គណៈ​អភិបាលខេត្ត​មណ្ឌលគិរី បើ​មិន​មាន​វិធានការ​បង្ក្រាប​ទាន់​ពេលវេលា​នោះ​ទេ​ព្រៃឈើ​ប្រឈម​ទៅ​នឹង​ការ​សេចក្តី​វិនាស​ចៀស​មិន​ផុត​ឡើយ​។​

​សេចក្ដីរាយការណ៍​បានឲ្យដឹងថា សព្វថ្ងៃនេះ​មាន​ឈ្មួញ​ធំៗ​នៅតែ​បន្ត​កាប់​និង​អារឈើ​ដឹកជញ្ជូន​ឈើ​ចេញ​ពី​ព្រៃ​តំបន់​អភិរក្ស​ជីវៈចម្រុះ​កែវ​សីមា​ចូល​ទៅ​ស្រុក​ស្នួល ខេត្ត​ក្រចេះ និង​ចេញ​ទៅ​លក់​នៅ​ប្រទេស​វៀតណាម តាម​ច្រក​ទ្វេភាគី​ឡា​ប៉ា​ខេ​យ៉ាង​ពេញបន្ទុក​ផងដែរ​។​

​ដោយឡែក ប្រភព​ពី​មន្ត្រី​ពាក់ព័ន្ធ​នៅ​ច្រក​ទ្វេភាគី​ឡា​ប៉ា​ខេ ក្នុងស្រុក​កែវ​សីមា​ឯណោះ​វិញ បានឲ្យដឹងថា រយៈពេល​ប្រមាណ​២​សប្តាហ៍​កន្លងទៅ​នេះ មាន​ក្រុម​ឈ្មួញ​បាន​សម្រុក​ដឹកជញ្ជូន​ឈើ ឆ្លងដែន​ទៅ​លក់ នៅ​ប្រទេស​វៀតណាម តាម​ច្រក​ទ្វេភាគី​ឡា​ប៉ា​ខេ នោះ​ពិតប្រាកដ​មែន ។​

​គេ​អះអាង​ថា នៅ​ចន្លោះ​ថ្ងៃ​១៧​ដល់​ថ្ងៃ​ទី​២១ ខែ​សីហា កន្លង​ទៅ​ថ្មីៗ​នេះ មិន​ធម្មតា​ទេ ឈ្មួញ​ជាច្រើន​នាក់ បាន​សម្រុក​ដឹកជញ្ជូន​ឈើ តាម​រថយន្ត​កែឆ្នៃ ចេញ​តាម​ច្រក​ទ្វេភាគី​ឡា​ប៉ា​ខេ យ៉ាង​ពេញបន្ទុក លក់​ឆ្លងដែន​ទៅ​ប្រទេស​វៀតណាម​។ ជាពិសេស​ដឹក​ចេញ​នៅពេល​យប់ៗ​តែម្ដង ។​

​បើ​ដូច​ប្រភព​ខាងលើ​នេះ​មែន​សំណូម​ដល់​ឯកឧត្តម​នាយ​ឧត្តមសេនីយ៍​សៅ​សុខាអ​គ្គ​មេបញ្ជាការរង​កង​យុទ្ធ​ពល​ខេមរៈភូមិន្ទ​និង​ជា​មេបញ្ជាការ​កង​រាជ​អាវុធ​ហ​ត្ត​លើ​ផ្ទៃ​ប្រទេស​និង​ជា​ប្រធាន​គណៈកម្មាធិការ​ទប់ស្កាត់​និង​បង្ក្រាប​បទល្មើស​ធនធាន​ធម្មជាតិ មេត្តា​បញ្ជូន​ក្រុមអធិការកិច្ច​ចុះមក​ស្រាវជ្រាវ​និង​ពិនិត្យ​ការដឹកជញ្ជូន​ឈើ​តាម​ច្រក​សំខាន់ៗ​ផង​ដើម្បី​ទប់ស្កាត់​ទាន់ពេលវេលា​។​

​ពាក់ព័ន្ធ​និង​ការលើកឡើង​របស់​ប្រជាពលរដ្ឋ​ខាងលើ​នេះ​នៅ​ព្រឹក​ថ្ងៃទី​៦​ខែ​កញ្ញា​ឆ្នាំ​២០២០​បាន​ទាក់ទង​សុំ​ការបកស្រាយ​និង​ការពន្យល់​ពី​លោក អ៊ុំ​វណ្ណ សុភក្ត្រ័ នាយ​ខណ្ឌ​រដ្ធបាល​ព្រៃឈើ​ខេត្ត​មណ្ឌលគិរី​និង​អ្នកពាក់ព័ន្ធ​តាម​ច្រក​ខាង​ល​លើ​នេះ​តាម​ទូរស័ព្ទ​ពាក់​ពន្ធ័​និង​ដឹកជញ្ជូន​ឈើប្រណិត​តាម​ច្រក​ដាក់​ដាំ​និង​ច្រក​ឡា​បា​ខេ​ដែរ​ តែ​មិនអាច​ទាក់ទង​បាន​នោះទេ​។​

Filed in: ព័ត៌មានជាតិ, ព័ត៌មានសំខាន់

Bookmark and Promote!

© 2023 ឆន្ទៈខ្មែរ | Chhantak Khmer News. All rights reserved. XHTML / CSS Valid.