ទាន់ហេតុការណ៍
រដ្ឋមន្ត្រីក្រសួង​ការងារ ឯកឧត្តម ហេង ៖ក្រសួងសួរ​ស្វាគមន៍​រាល់​កិច្ច​សហប្រតិបត្តិការ​ជាមួយ​គ្រប់​ដៃគូ​ពាក់ព័ន្ធ ជា​ពិសេស​សហជីព ដើម្បី​ផ្លាស់​ប្តូរ​បទ​ពិសោធន៍ ចំណេះដឹង មតិយោបល់ និង​ស្វែងរក​ដំណោះស្រាយ​ទាន់​ពេលវេលា==>រថយន្តក្រុង​រាជធានី​ភ្នំពេញ City Bus ដំណើការដឹកជញ្ជូនអ្នកដំណើរពី​អាកាសយានដ្ឋាន​អន្តរជាតិ​តេ​ជោ==>លោក គួ​ច ចំរើន អភិបាល ខេត្តកណ្តាល ​ដឹកនាំ​កិច្ចប្រជុំ​សម្រួល​ចរាចរណ៍ សណ្ដាប់ធ្នាប់ និង​របៀបរៀបរយ ក្នុង​អាកាសយានដ្ឋាន​តេ​ជោ​==>រដ្ឋមន្រ្តីក្រសួងសុខាភិបាល៖ប្រធាន និងថ្នាក់ដឹកនាំអង្គភាព ជាគំរូបម្រើផលប្រយោជន៍ ជូនសហភាតរៈក្នុងវិជ្ជាជីវៈ==>អ្នកសង្កេតការណ៍អន្តរកាល (IOT) ដែលមានប្រទេសចំនួន៧ ដឹកនាំដោយអនុព័ន្ធយោធាម៉ាឡេស៊ី ប្រចាំកម្ពុជាដាក់ទីស្នាក់ការនៅ ក្រុងសិរីសោភ័ណ ខេត្តបន្ទាយមានជ័យ==>លោកស្រី ម៉ាលី សុជាតា អ្នកនាំពាក្យការពារជាតិ ៖ ថៃពង្រាយគ្រាប់បែក ចង្កោមលើភ្នំខ្មោច ជាការបំពានយ៉ាងធ្ងន់ធ្ងរ លើច្បាប់អន្តរជាតិ==>ឯកឧត្តមឧបនាយករដ្ឋមន្ត្រី ស៊ុន ចាន់ថុល៖ គម្រោងព្រែកជីកហ្វូណនតេជោ គឺ ដំណើរការទៅមុខជាធម្មតា មិនថយក្រោយឡើយ ទោះបីកម្ពុជាមានជម្លោះព្រំដែនជាមួយថៃ==>រដ្ឋបាលខេត្តព្រះវិហារ កំពុងជម្លៀសពលរដ្ឋ​ មកកន្លែងសុវត្ថិភាព==>ក្រសួងប្រៃសនីយ៍កម្ពុជា បានចុះផ្តាច់ប្រព័ន្ធអ៊ីនធឺណិតចេញពីប្រទេសថៃ នៅច្រកទ្វារអន្តរជាតិប៉ោយប៉ែត==>តុលាការឃុំខ្លួនអនុប្រធាន​ការិយាល័យ​ភូមិបាល​ខណ្ឌ​សែន​សុខ​ពី​បទ​.​បើកបរ​ក្នុង​ស្ថានភាព​ស្រវឹង​​​ បង្ក​គ្រោះថ្នាក់​ចរាចរណ៍​បណ្តាល​ឲ្យ​ស្លាប់​អ្នក​ដទៃ និង​រត់គេច​ខ្លួន

​ប្រជា​ពល​ក្រីក្រ​ចំនួន​ពីរ​គ្រួសារ នៅ​ភូមិ​ដាស​ស្គរ ឃុំ​បឹង​សាលា​ខាងជើង ត្រូវបាន​អាជ្ញាធរ​ស្រុក​កំពង់ត្រាច​សង់ផ្ទះ​ជូន​ម្នាក់​១​ខ្នង​

​ដោយ ៖ គេហទំព័រ «ស៊ី អេច ខេ ញូស៍ | CHK News»
Tel: 012 790 894 | Telegram / WhatsApp : 012 790 894

(​ខេត្ត​កំពត​)៖ ដោយ​មើលឃើញ​ស្ថានភាព​រស់នៅ​របស់​ប្រជាពលរដ្ឋ​ចំនួន​២​គ្រួសារ ស្ថិតក្នុង​ភូមិ​ដាសស្គរ ឃុំ​បឹង​សាលា​ខាងជើង ស្រុក​កំពង់ត្រាច ខេត្ត​កំពត មាន​បញ្ហា​ខ្វះខាត​ខ្លាំង នៅ​រសៀល​ថ្ងៃ​អាទិត្យ ទី​២៨ ខែមិថុនា ឆ្នាំ​២០២០ លោក ជួន សុភា អភិបាលរង​ស្រុក​កំពង់ត្រាច រួមជាមួយ​អាជ្ញាធរ ភូមិ ឃុំ នៃ​ឃុំ​បឹង​សាលា​ខាងជើង បាន​គៀរគរ​ថវិកា ដើម្បី​ជួយ​សាងសង់​ផ្ទះ​ជូន​ប្រជាពលរដ្ឋ​ចំនួន​២​គ្រួសារ ស្ថិតក្នុង​ភូមិសាស្ត្រ​ខាងលើ​។​

​តាម​ការបញ្ជាក់​ពី​លោក ជួន សុភា អភិបាលរង​ស្រុក​កំពង់ត្រាច បានឱ្យដឹងថា លំនៅដ្ឋាន​ដែល​ត្រូវ​អាជ្ញាធរ​សាងសង់​ជូន​នៅ​រសៀល​នេះ ត្រូវ​ផ្តល់ជូន​ប្រជាពលរដ្ឋ​ទីទ័លក្រ​មួយ​គ្រួសារ ប្តី​ឈ្មោះ ហ៊ុយ ជិន និង​ប្រពន្ធ​ឈ្មោះ នូ ធីតា ស្ថិតក្នុង​ភូមិ​ដាសស្គរ ឃុំ​បឹង​សាលា​ខាងជើង ស្រុក​កំពង់ត្រាច ខេត្ត​កំពត មាន​ទំហំ​៥​ម៉ែត្រ គុណ​នឹង ៦​ម៉ែត្រ ធ្វើ​អំពី​ឈើ​ប្រក់​ស័ង្កសី ជញ្ជាំង​ស័ង្កសី ហើយ​ការសាងសង់​នេះ​ស្ថិត​ក្រោម​ការផ្តួចផ្តើម​ពី​សំណាក់ លោក ជឹង ផល្លា ប្រធាន​ក្រុមប្រឹក្សា​ខេត្ត លោកស្រី យូ សុគន្ធ អភិបាលរង​ខេត្ត ព្រមទាំង​មាន​ការចូលរួម​ចំណែក​ពី​សំណាក់​អាជ្ញាធរ​គ្រប់​ជាន់​ថ្នាក់​នៅ​ក្នុងស្រុក​កំពង់ត្រាច និង​អាជ្ញាធរ​មូលដ្ឋាន​ផងដែរ​។​

​ដោយឡែក ចំពោះ​ប្រជាពលរដ្ឋ​មួយ​គ្រួសារ​ទៀត​ប្តី​ឈ្មោះ ហ៊ុយ រិន ប្រពន្ធ​ឈ្មោះ ហ៊ុយ រី ដែល​កំពុង​មាន​បញ្ហា​ខ្វះខាត​ខាង​ជីវភាព​ដែរនោះ អាជ្ញាធរ​ស្រុក នឹង​គិតគូរ​សង់ផ្ទះ​ជូន​គាត់ គឺ​មាន​ទំហំ​៥​ម៉ែត្រ គុណ​នឹង​៦​ម៉ែត្រ​ដូច​ផ្ទះ​ខាងលើ​ដែរ ដោយ​ការសាងសង់​នេះ នឹង​ចាប់ផ្តើម​នៅ​សប្តាហ៍​ក្រោយ​នេះ​ហើយ​។​

​ក្នុងឱកាស​នោះ លោក ជួន សុភា បាន​មានប្រសាសន៍ថា ជានិច្ចកាល​ថ្នាក់ដឹកនាំ​គ្រប់​លំដាប់ថ្នាក់​ក្នុង​ខេត្ត​កំពត ពិសេស​អាជ្ញា​មូលដ្ឋាន​តែងតែ​រួមសុខ​រួមទុក្ខ​ជាមួយ​បងប្អូន​ប្រជាពលរដ្ឋ​គ្រប់​មជ្ឈដ្ឋាន មិន​ថា​នៅទីណា​ឱ្យតែ​ពលរដ្ឋ​ជួប​ការលំបាក ត្រូវតែ​ជួយ​ទំនុកបំរុង​ដោយ​គ្មាន​ការរើសអើង​។ លើសពីនេះ លោក​ក៏​បាន​ណែនាំ​ដល់​បងប្អូន​ប្រជាពលរដ្ឋ​ទាំងអស់​ត្រូវ​ខិតខំ​ប្រឹង​ប្រែង​បង្កបង្កើន​ផល ចិញ្ចឹមសត្វ និង​ដាំ​ដំណាំ​រួមផ្សំ​ផ្សេងៗ ដើម្បី​ផ្គត់ផ្គង់​ជីវភាព​រស់នៅ​ប្រចាំថ្ងៃ​ឱ្យ​កាន់តែ​មាន​ជីវភាព​ធូរធា ហើយ​ត្រូវ​ចូលរួម​គោរព​ច្បាប់​ចរាចរណ៍ ចេះ​រក្សា​អនាម័យ រស់នៅ​ស្អាត បរិភោគ​ស្អាត និង​បន្ត​ចូលរួម​បង្ការ ទប់ស្កាត់ កុំឱ្យ​មាន​ការ​ចម្លងជំងឺ​កូវី​ដ​១៩ ក្នុង​សហគមន៍​របស់​យើង ដោយ​ត្រូវអនុវត្ត​តាម​ការណែនាំ​របស់​ក្រសួង​សុខាភិបាល​ឱ្យ​បាន​ជាប់​ជាប្រចាំ​៕ សេង ណា​រិទ្ធ​

Filed in: ព័ត៌មានជាតិ