ទាន់ហេតុការណ៍
រដ្ឋមន្ដ្រីក្រសួង​ព័ត៌មាន​៖បញ្ជាក់​ថា ព័ត៌មាន​ក្លែងក្លាយ​នៅ​កម្ពុជា ភាគច្រើន​ គឺ​កើត​ចេញពី​ក្រុម​ជន​អគតិ​មួយ​ចំនួន​នៅ​ក្រៅប្រទេស==>ថ្មីៗនេះសម្តេចបវរធិបតី ហ៊ុន ម៉ាណែត ចេញអនុក្រឹត្យកំណត់អំពីទម្រង់ និងព័ត៌មាន ក្នុងបញ្ជីអត្តសញ្ញាណបណ្ណសញ្ជាតិខ្មែរ==>រដ្ឋមន្ត្រីក្រសួងការងារ ជួបពិភាក្សាការងារជាមួយគណៈប្រតិភូនៃទីភ្នាក់ងារបារាំងសម្រាប់អភិវឌ្ឍន៍(AFD) ដើម្បីពង្រឹងកិច្ចសហប្រតិបត្តិការលើវិស័យបណ្តុះបណ្តាលជំនាញបច្ចេកទេស==>PMខេត្តបន្ទាយមានជ័យ ចាប់បញ្ជូនជនសង្ស័យ​៦​នាក់ បទល្មើសធាក់​ប្លន់​យក​ម៉ូតូ​ និង​ប្រើប្រាស់​គ្រឿងញៀន ទៅ​តុលាការ==>រដ្ឋមន្រ្ដីក្រសួងអភិវឌ្ឍន៍ជនបទ ឯ.ឧ ឆាយ ឫទ្ធិសែន ដឹកនាំមន្ដ្រីបច្ចេកទេសថ្នាក់ក្រសួង និងមន្ទីរ ទៅពិនិត្យការដ្ឋានសាងសង់ផ្លូវ ២ខ្សែ និងស្ថានភាពផ្លូវរងការខូចខាតចំនួន ១កំណាត់ នៅក្នុងខេត្តព្រះវិហារ==>រដ្ឋមន្ត្រីក្រសួងធនធានទឹក៖ដឹកនាំគណៈប្រតិភូជាន់ខ្ពស់ក្រសួងអញ្ជើញបំពេញទស្សនកិច្ចផ្លូវការទៅកាន់សាធារណរដ្ឋកូរ៉េ==>ឯកឧត្តម សុខ លូ អភិបាលខេត្តបាត់ដំបង ស្នើភាគីថៃ បន្តជួយបង្កលក្ខណៈងាយស្រួលដល់ពលករខ្មែរ ក្នុងការវិលត្រឡប់មកលេងស្រុកកំណើត នាឱកាសបុណ្យចូលឆ្នាំថ្មី==>ឧបនាយករដ្ឋមន្ត្រី ឯកឧត្តម ហ៊ុន ម៉ានី គូសបញ្ជាក់ថា សន្និបាតប្រចាំឆ្នាំរបស់ក្រសួងមុខងារសាធារណៈខាងមុខនេះ នឹងមានការយកចិត្តទុកដាក់លើរបៀបរបបការងារ និងយន្តការដើម្បីបង្កើនប្រសិទ្ធភាពអនុវត្តការងារកាន់តែប្រសើរ==>បើកការដ្ឋានសាងសង់រមណីយដ្ឋានឆ្នេរខ្សាច់កម្សាន្តសាធារណៈ កម្រិតខ្ពស់ "ឆ្នេរព្រែកត្រែង" ក្រុងតព្រះសីហនុអភិវឌ្ឍរមណីយដ្ឋាន និងលើកកម្ពស់សោភ័ណភាព==>ក្រុមហ៊ុន East Group ស្នើសុំរដ្ឋបង្កើតតំបន់សេដ្ឋកិច្ចពិសេសថ្មី១ នៅក្នុងខេត្ដព្រះសីហនុ

ឯកឧត្តមសន្តិបណ្ឌិត នេត សាវឿន សមាជិកគណៈអចិន្រ្តៃយ៍បក្ស ប្តេជ្ញាចិត្តយ៉ាងមុតមាំ ចំពោះតំណែងថ្មី ជាប្រធានគណបក្ស ចុះមូលដ្ឋានខេត្តកំពង់ចាម

ឯកឧត្តមសន្តិបណ្ឌិត នេត សាវឿន សមាជិកគណៈអចិន្រ្តៃយ៍បក្ស ប្តេជ្ញាចិត្តយ៉ាងមុតមាំ ចំពោះតំណែងថ្មី ជាប្រធានគណបក្ស ចុះមូលដ្ឋានខេត្តកំពង់ចាម
​ដោយ ៖ គេហទំព័រ «ស៊ី អេច ខេ ញូស៍ | CHK News»
Tel: 012 790 894 | Telegram / WhatsApp : 012 790 894

កំពង់ចាម៖ ឯកឧត្តមសន្តិបណ្ឌិត នេត សាវឿន ឧបនាយករដ្ឋមន្រ្តី និងជាសមាជិក គណៈអចិន្រ្តៃយ៍ គណៈកម្មាធិការកណ្តាល នៃគណបក្សប្រជាជនកម្ពុជា បានប្តេជ្ញាចិត្តយ៉ាងមុតមាំ បូជាកម្លាំងកាយចិត្ត ប្រាជ្ញាស្មារតី ជាមួយនឹងស្មារតីទទួល ខុសត្រូវខ្ពស់ ចំពោះការតែងតាំងថ្មី ជាប្រធានក្រុមការងារគណបក្សចុះមូលដ្ឋាន ខេត្តកំពង់ចាម។

ឯកឧត្តមសន្តិបណ្ឌិត បានមានមតិចាប់អារម្មណ៍ និងប្តេជ្ញាចិត្តយ៉ាងដូច្នេះ នៅក្នុងឱកាសដែលលោកអញ្ជើញចូលរួម ពិធីប្រកាសប្រធាន និងអនុប្រធានទី១ ក្រុមការងារគណបក្សចុះមូលដ្ឋាន ខេត្តកំពង់ចាម ក្រោមអធិបតីភាពដ៏ខ្ពង់ខ្ពស់ សម្តេចវិបុលសេនាភក្តី សាយ ឈុំ អនុប្រធានគណបក្ស និងជាប្រធានគណៈប្រចាំការ នៃគណៈអចិន្រ្តៃយ៍ គណៈកម្មាធិការកណ្តាល គណបក្សប្រជាជនកម្ពុជា នៅគណបក្សប្រជាជនកម្ពុជា ខេត្តកំពង់ចាម នាព្រឹកថ្ងៃទី ៧ តុលា នេះ។

ឯកឧត្តមសន្តិបណ្ឌិត សមាជិកគណៈអចិន្រ្តៃយ៍ បានធ្វើការប្តេជាចិត្តថា នេះក្នុងនាមខ្ញុំបាទជា ប្រធានក្រុមការងារគណបក្សខេត្ត ដែលទើបទទួលបានការតែងតាំងថ្មី ខ្ញុំបាទសូមសម្ដែង នូវការប្ដេជ្ញាយ៉ាងមុតមាំ បូជាកម្លាំងកាយចិត្តប្រាជ្ញាស្មារតី ជាមួយនឹងស្មារតីទទួលខុស ត្រូវខ្ពស់ដូចខាងក្រោម៖

១. បន្ដថរក្សាស្ថិរភាពនយោបាយ សន្តិសុខ សណ្តាប់ធ្នាប់ សាធារណៈ និង សុវត្ថិភាពសង្គម ក្នុងខេត្តកំពង់ចាមទាំងមូល ឲ្យបានរឹងមាំ។

២.ពង្រឹង អង្គការចាត់តាំងបក្សដោយគិតលើ គុណាធិបតេយ្យ សមត្ថភាព និងប្រជាប្រិយភាព

៣. សហការជាមួយគណបក្សខេត្ត គណបក្សមូលដ្ឋាន ដើម្បីកសាងពង្រឹងពង្រីកសមាជិក គណបក្សពីថ្នាក់លើរហូតដល់ថ្នាក់ក្រោម និងកំណត់យកសមាជិកបក្ស មានប្រជាប្រិយ ភាពកន្លងមក ធ្វើជាគំរូល្អ ដល់សមាជិកថ្មី ។

៤. ជំរុញការអភិវឌ្ឍន៍គ្រប់ហេដ្ឋារចនា សម្ព័ន្ធ និងលើកស្ទួយជីវភាពប្រជាពលរដ្ឋ ដោយជ្រកក្រោមម្លប់សន្តិភាព និងគោល នយោបាយ ភូមិ ឃុំ សង្កាត់ មានសុវត្តិភាព ។

៥. រួមគ្នាដោះស្រាយសំណូមពរ បញ្ហាប្រឈម និងជំរុញការផ្តល់សេវាសាធារណៈឆាប់រហ័ស ជូនប្រជាពលរដ្ឋនៅ មូលដ្ឋាន ស្របតាមគោលនយោបាយ របស់គណបក្សប្រជាជនកម្ពុជា ។

៦.ប្តេជ្ញា ដណ្ដើមជ័យជម្នះក្នុងការបោះឆ្នោតព្រឹទ្ធសភានីតិកាលទី៥ និងបោះឆ្នោតគ្រប់អាណត្តិ នាពេលខាងមុខ ស្របតាមផែនការយុទ្ធសាស្ត្ររបស់គណៈកម្មាធិការកណ្តាល ។

៧. ពង្រឹងធ្លុងសាមគ្គីភាព ឯកភាពផ្ទៃក្នុង ក្នុងជួរក្រុមការងារ ជាមួយគណបក្សគ្រប់ថ្នាក់នៅ មូលដ្ឋាន ពង្រឹងទស្សនៈគោលជំហរ សកម្មភាព និងរបៀបរបបធ្វើការងារ ជាកត្តាចម្បង ឈានទៅ សម្រេចជោគជ័យកាន់តែប្រសើរ ។

ឯកឧត្តមសន្តិបណ្ឌិត បានបន្តថា ជាថ្មីម្ដងទៀត លោកសូមសម្តែងនូវអំណរគុណយ៉ាងជ្រាលជ្រៅ ចំពោះ សម្តេច ឯកឧត្តម លោក លោកស្រី ដែលមានវត្តមានដ៏ឧត្តុង្គឧត្តមក្នុងឱកាសនេះ ៕

Filed in: Uncategorized, ព័ត៌មានជាតិ, ព័ត៌មានថ្មី