(បន្ទាយមានជ័យ)៖ នៅថ្ងៃទី១៧ ខែ មិថុនា ឆ្នាំ២០២៣ ស្នងការដ្ឋាននគរបាលខេត្តបន្ទាយមានជ័យ បានបើកកិច្ចប្រជុំផ្សព្វផ្សាយផែនការការពារ សន្តិសុខ សណ្តាប់ធ្នាប់ ជូនថ្នាក់ដឹកនាំជាន់ខ្ពស់ និងអញ្ជើញជួបសំណេះសំណាលជាមួយ សមាជិក សមាជិកា ក្នុងខេត្តបន្ទាយមានជ័យ នាពេលខាងមុខ។
កិច្ចប្រជុំនេះ ធ្វើឡើងក្រោមអធិបតីភាពលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ និងមានការអញ្ជើញចូលរួមពីលោក លោកស្រី ឧត្តមសេនីយ៍ត្រី វរសេនីយ៍ ស្នងការរង លោក នាយ នាយរង ការិយាល័យជំនាញ លោក វរសេនីយ៍ អធិការ នៃអធិការដ្ឋាននគរបាល ក្រុង-ស្រុក។
លោកឧត្តមសេនីយ៍ត្រី ផាត ផល្លី ស្នងការរង បានឡើងអានផែនការផ្សព្វផ្សាយដល់កម្លាំង និងបែងចែកការងារ គោលដៅ ទទួលខុសត្រូវការពារ លើកិច្ចការ ការពារ សន្តិសុខ សុវត្ថិភាព សណ្តាប់ធ្នាប់នេះ។
លោកឧត្តមសេនីយ៍ទោ សិទ្ធិ ឡោះ បានណែនាំដល់ថ្នាក់ដឹកនាំក៏ដូចជាមន្ត្រីដែលមានឈ្មោះក្នុងបញ្ជីផែនការត្រូវខិតខំប្រឹងប្រែង អនុវត្តន៍ការងារ តួនាទីភារកិច្ច និងការពារសន្តិសុខ សណ្តាប់ធ្នាប់ តាមផែនការដែលបានគ្រោងទុកឲ្យបានល្អ ដើម្បីធានារក្សាបាននូវសន្តិសុខ សណ្តាប់ធ្នាប់សាធារណៈ សុវត្ថិភាពជូនថ្នាក់ដឹកនាំជាន់ខ្ពស់ឱ្យបាន១០០ភាគរយ៕
