ទាន់ហេតុការណ៍
ឧត្តមសេនីយ៍ឯក រ័ត្ន ស្រ៊ាង ជួប​សំណេះសំណាល ថ្លែងអំណរគុណ ដល់​កម្លាំង​អាវុធហត្ថ​ក្រោម​ឱវាទ ទូទាំង​រាជធានី​ភ្នំពេញ​!==>​អាវុធហត្ថ​រាជធានី​ភ្នំពេញ ចូលរួម​អបអរសាទរ ទិវា​អន្តរជាតិ​នារី ៨ មីនា ខួប​លើក​ទី​១១៣!==>​ក្រុមការងារ អាវុធហត្ថ​រាជធានី​ភ្នំពេញ នាំយក​អំណោយ​ចុះសួរសុខទុក្ខ​សមាជិក ដែល​ជួប​គ្រោះថ្នាក់ ផ្ទុះ​ចង្ក្រានហ្គាស ធ្វើអោយ​រលាក​ខ្លួនប្រាណ​!==>ឧត្តមសេនីយ៍ឯក រ័ត្ន ស្រ៊ាង ចាត់​ក្រុមការងារ​អាវុធហត្ថ​ខណ្ឌ​ច្បារអំពៅ នាំយក​អំណោយ​ឧបត្ថម្ភ​ដល់​សមាជិក ដែល​បាន​គ្រោះថ្នាក់​ចរាចរណ៍ ពេល​កំពុង​បំពេញ​ភារកិច្ច​!==>នាយទាហាន នាយទាហានរង នៃ​កងរាជអាវុធហត្ថ​រាជធានី​ភ្នំពេញ ចំនួន ៣៧០​នាក់ ត្រូវបាន​ប្រកាស​តែងតាំង​មុខតំណែង និង​បំពាក់​ឋានន្តរសក្តិ​ថ្មី​!==>​ឯកឧត្ដម ថោ ជេដ្ឋា​ រដ្ឋមន្ត្រី​ក្រសួង​ធនធានទឹក ទទួល​ជួប​សម្តែងការគួរសម​ និង​ពិភាក្សាការងារ​ ជាមួយ​ អ្នកសម្របសម្រួលអង្គការ សហប្រជាជាតិប្រចាំកម្ពុជា ​លោក Joseth Scheuer==>ឧបនាយករដ្ឋមន្ត្រី ស៊ុន ចាន់ថុល៖រាជរដ្ឋាភិបាល ចាត់ទុកគម្រោងសាងសង់ផ្លូវ ៥០សេ និងស្ពានវែងជាងគេប្រវែង ៣.៣០០ម៉ែត្រ តភ្ជាប់ពីកំពង់ឆ្នាំង ទៅកំពង់ធំ ជាគម្រោងអាទិភាពដ៏សំខាន់សម្រាប់ឆ្នាំ ២០២៤នេះ==>អំណោយ​ប្រចាំខែ របស់លោក​ឧត្ដមសេនីយ៍ឯក រ័ត្ន ស្រ៊ាង បាន​ប្រគល់​ដល់ដៃ​ពលរដ្ឋ​ទីទាល់ក្រ​១៧​គ្រួសារ​!==>អាជ្ញាធរខេត្តបាត់ដំបង ដកហូតកាំ​ខ្យល់​ជិត​៣០​ដើម​សម្រាប់​លេង​បាញ់​តុក្កតា នៅ​ក្នុង​កម្មវិធី​បុណ្យបញ្ចុះសីមា​នៅ​វត្ត​អូរ​ដូន​ពៅ ស្ថិត​ក្នុង​ឃុំ​ឃ្លាំង​មាស ស្រុក​ប​វេ​ល ខ្លាច​អាច​បង្ក​គ្រោះថ្នាក់​ដល់​មនុស្ស==>លើកទឹកចិត្តគម្រោងចំនួន២នៅខេត្តព្រះសីហនុ ប្រាក់វិនិយោគជិត ៦០០លានដុល្លារ ទទួលការលើកទឹកចិត្តពី ក្រុមប្រឹក្សាអភិវឌ្ឍន៍កម្ពុជា និងត្រូវបានវាយតម្លៃថា នឹងជះឥទិ្ធពលយ៉ាងវិជ្ជមានដល់សេដ្ឋកិច្ចខេត្តព្រះសីហនុទាំងមូល

​ពិធីបុណ្យ​សម្ភោ​ធ​ឆ្លង​ឧបដ្ឋានសាលា របង និង​សម្ពោធ​សមិទ្ធផល​នានា នៅ​វត្ត​មង្គល​គិរី ហៅ​វត្ត​ដូន​មាស​

​ពិធីបុណ្យ​សម្ភោ​ធ​ឆ្លង​ឧបដ្ឋានសាលា របង និង​សម្ពោធ​សមិទ្ធផល​នានា នៅ​វត្ត​មង្គល​គិរី ហៅ​វត្ត​ដូន​មាស​
​ដោយ ៖ គេហទំព័រ «ស៊ី អេច ខេ ញូស៍ | CHK News»
Tel: 012 790 894 | Telegram / WhatsApp : 012 790 894

(​ខេត្ត​ត្បូងឃ្មុំ​)៖ នា​វេលា​ម៉ោង ៨:០០​ព្រឹក ថ្ងៃអាទិត្យ ៥​កើត ខែ​ចេត្រ ឆ្នាំ​ខាល ចត្វា​ស័ក ពស ២៥៦៦ ត្រូវ​នឹង​ថ្ងៃទី​២៦ ខែ​មីនា ឆ្នាំ​២០២៣ ឯកឧត្តម វេង សាខុន រដ្ឋមន្ត្រី​ប្រតិភូ​អម​នាយករដ្ឋមន្ត្រី និង​ជា​ប្រធាន​ក្រុមការងារ​រាជរដ្ឋាភិបាល​ចុះ​មូលដ្ឋាន ស្រុក​តំបែរ ខេត្ត​ត្បូងឃ្មុំ និង​ស្រុក​កំពង់សៀម ខេត្ត​កំពង់ចាម បាន​អញ្ជើញ​ជា​អធិបតី​ក្នុង​ពិធីបុណ្យ​ឆ្លង​ឧបដ្ឋានសាលា និង​សម្ពោធ​សមិទ្ធផល​នានា នៅ​វត្ត​មង្គល​គិរី ហៅ​វត្ត​ដូន​មាស ស្ថិតក្នុង​ភូមិ​ដូន​មាស ឃុំ​គោក​ស្រុក ស្រុក​តំបែរ ខេត្ត​ត្បូងឃ្មុំ​។ ក្នុង​ពិធីបុណ្យ​នេះ ក៏​មាន​ការអញ្ជើញ​ចូលរួម​របស់​សមាជិក សមាជិកា​នៃ​ក្រុមការងារ​រាជរដ្ឋាភិបាល​ចុះ​មូលដ្ឋាន​ថ្នាក់ស្រុក ថ្នាក់ឃុំ ថ្នាក់ភូមិ និង​ពុទ្ធបរិស័ទ​ចំណុះជើងវត្ត សរុប​ប្រមាណ​ជាង ៣០០​នាក់​។

​មានមតិ​សំណេះសំណាល​ទៅកាន់​ព្រះសង្ឃ និង​ពុទ្ធបរិស័ទ ឯកឧត្តម​រដ្ឋមន្ត្រី​ប្រតិភូ​អម​នាយករដ្ឋមន្ត្រី​បាន​ពាំនាំ​នូវ​បណ្តាំ​ផ្ញើ​សាកសួរ​សុខទុក្ខ​របស់​សម្តេច​តេជោ នាយករដ្ឋមន្ត្រី និង​សម្តេច​កិត្តិ​ព្រឹទ្ធ​បណ្ឌិត ដែល​សម្តេច​ទាំង​ពីរ​តែងតែ​គិតគូរ និង​បារម្ភ​ពី​សុខទុក្ខ ជីវភាព និង​ស្ថានភាព​រស់នៅ​របស់​ប្រជាពលរដ្ឋ​យើង​គ្រប់ៗ​រូប​។ ឯកឧត្តម​ក៏បាន​ចូលរួម​អបអរសាទរ​ដល់​ប្រជាពលរដ្ឋ​នៅ​ស្រុក​តំបែរ​ដែល​ទទួលបាន​នូវ​សមិទ្ធផល​ថ្មី​មួយទៀត​ក្នុង​វិស័យ​ពុទ្ធចក្រ​។ សមិទ្ធផល​ថ្មី​នេះ​អាច​កើត​ចេញ​បាន ក៏​ដោយសារ​ប្រទេស​យើង​មាន​សុខ​សន្តិភាព​ពេញលេញ​នៅ​ទូទាំង​ប្រទេស ហើយ​សុខសន្តិភាព​នេះ​បង្កើត​ឡើង​ក៏​ដោយសារ​គណបក្ស​ប្រជាជន​កម្ពុជា ដែលមាន​សម្តេច​តេជោជា​ប្រធាន​។

​ឯកឧត្តម​បន្ថែមទៀតថា ពី​អតីតកាល ប្រទេសជាតិ​យើង​ឆ្លងកាត់​ដំណាក់កាល​ដ៏​សែន​លំបាក ភ្លើងសង្គ្រាម​រាម​រ៉ៃ​ពេញ​ផ្ទៃ​ប្រទេស អសន្តិសុខ​ស្បៀង ប្រជាពលរដ្ឋ​យើង​ប្រាថ្នា​និង​សង្ឃឹម​ចង់​បាន​តែ​ភាព​សុខសន្តិភាព និង​សិទ្ធិ​រស់រាន​មានជីវិត​តែប៉ុណ្ណោះ​។ ក្តី​ប្រាថ្នា​របស់​ប្រជាពលរដ្ឋ​យើង​ត្រូវ​បានសម្រេច​ដោយ​សម្តេច​តេជោ តាមរយៈ​ថ្ងៃ​ជ័យជំនះ ៧ មករា ឆ្នាំ​១៩៧៩ និង​នយោបាយ​ឈ្នះ ឈ្នះ ដែល​បង្កើតបាន​ជា​ម្លប់​នៃ​សុខសន្តិភាព ស្ថេរភាព​សង្គម និង​ការអភិវឌ្ឍ​ជា​បន្តបន្ទាប់​។ ជាក់ស្ដែង​ស្រុក​តំបែរ​បាន​ទទួល​នូវ​ការអភិវឌ្ឍ​ហេដ្ឋរចនាសម្ព័ន្ធ​ជាច្រើ​ន​ដូចជា ផ្លូវថ្នល់ ស្ពាន អគ្គិសនី សាលារៀន មន្ទីរពេទ្យ វត្ត​អារាម វិហារ សា​រ៉ាវ​ជាដើម​។

​រាជរដ្ឋាភិបាល​ក៏​កំពុង​ពង្រឹង និង​ពង្រីក​ហេដ្ឋារចនាសម្ព័ន្ធ​សំខាន់ៗ​ជាច្រើន​ឥតឈប់ឈរ​ដូចជា​ផ្លូវ​ល្បឿន​លឿន កំពង់ផែ​ទឹក​ជ្រៅ និង​ព្រលានយន្តហោះ​អន្តរជាតិ​ខ្នាត​ធំ ដែល​ទាំងអស់​នេះ​គឺជា​សរសៃឈាម​នៃ​កំណើន​សេដ្ឋកិច្ច​របស់​ប្រទេស​យើង​។ ក្នុង​កិច្ច​គាំពារ​សង្គម រាជរដ្ឋាភិបាល​បាន នឹង​បន្ត​ការឧបត្ថម្ភ​ជា​សាច់ប្រាក់​ដល់​គ្រួសារ​ក្រីក្រ និង​ងាយ​រងគ្រោះ ដើម្បី​រក្សា​លំនឹង​ជីវភាព​របស់​ពួកគាត់​។ ក្នុងន័យនេះ ឯកឧត្តម​បាន​ណែនាំ​ដល់ ក្រុមការងារ និង​អាជ្ញាធរ​មូលដ្ឋាន​ត្រូវ​បន្ត​បង្កើន​សកម្មភាព​ចុះ​ជួយ​ដល់​ប្រជាពលរដ្ឋ​យើង​តាម​គ្រប់​រូបភាព ធ្វើយ៉ាងណា​ចូលរួម​ជាមួយ​រាជរដ្ឋាភិបាល​ជួយ​សម្រួល​ការលំបាករ​បស់​ប្រជាជន​នៅ​មូលដ្ឋាន​។ មួយវិញទៀត អាជ្ញាធរ​មូលដ្ឋាន​ពាក់ព័ន្ធ​ត្រូវ​ធ្វើ​ការត្រួតពិនិត្យ និង​វាយតម្លៃ​ឱ្យបាន​ល្អិតល្អន​បំផុត​ចំពោះ​ក្រុម ឫ​បុគ្គល​ណា​ដែល​វាយប្រហារ និង​ផ្សព្វផ្សាយ​ព័ត៌មាន​មិន​ពិត ប៉ះពាល់​ដល់​កិត្តិយស និង​សមិទ្ធិផល​របស់​សម្តេច​តេជោ និង​គណបក្ស​ប្រជាជន​កម្ពុជា ដើម្បី​កសាង​សំណុំរឿង​បញ្ជូន​ទៅ​តុលាការ ចាត់វិធានការ​តាម​ផ្លូវច្បាប់​។

​មុន​នឹង​បញ្ចប់ ឯកឧត្តម​បាន​អំពាវនាវ​ដល់​ប្រជាពលរដ្ឋ​យើង​ទាំងអស់​នៃ​ឃុំ​គោក​ស្រុក និង​ទូទាំង​ស្រុក​តំបែរ ខេត្ត​ត្បូងឃ្មុំ​ត្រូវ​បន្ត​គាំទ្រ និង​បោះឆ្នោត​ជូន​គណបក្ស​ប្រជាជន​កម្ពុជា ដែលមាន​សម្តេច​តេជោ​ហ៊ុន សែន ជា​ប្រធាន​គណបក្ស ក្នុង​ការបោះឆ្នោត​ជ្រើសតាំង​តំណាងរាស្ត្រ នីតិកាល​ទី​៧ នា​ថ្ងៃ​ទី​២៣ ខែកក្កដា ឆ្នាំ​២០២៣ ខាងមុខនេះ កុំបី​ខាន​ទាំងអស់គ្នា​។​

​ជាមួយនឹង​ការ​ដាក់​សម្ពោធ​ឆ្លង​ឧបដ្ឋានសាលា​នេះ ឯកឧត្តម​បាន​នាំយក​បច្ច័យ​ជា​ថវិកា​របស់​ឯកឧត្តម និង​លោកជំទាវ ព្រមទាំង​សប្បុរសជន​សរុប ២៤,២​លាន​រៀល​ប្រគេន​ដល់​ព្រះសង្ឃ ព្រះចៅអធិការ​វត្ត​មង្គល​គិរី ហៅ​វត្ត​ដូន​មាស​សម្រាប់​បន្ត​ការកសាង​វត្ត​។ ពុទ្ធបរិស័ទ​ចំណុះជើងវត្ត​ដែល​បាន​អញ្ជើញ​ចូលរួម​នា​ព្រឹក​នេះ​ចំនួន​ជាង ៣០០​នាក់ ក៏​ទទួលបាន​ការឧបត្ថម្ភ​ក្នុង​ម្នាក់ៗ​ចំនួន ២០ ០០០ រៀល​ផង​ដែរ​។​

​ឯកឧត្តម វេង សាខុន ក៏​បាន​ប្រគេន​ថវិកា​ដល់​វត្ត​សេរី​មង្គល ចុង​ជា​ច ឃុំ​ចុង​ជា​ច ស្រុក​តំបែរ​នូវ​បច្ច័យ​ចំនួន ១០​លាន​រៀល ដើម្បី​ទិញ​ក្បឿង​ប្រក​ឧបដ្ឋានសាលា​៕

Filed in: ព័ត៌មានជាតិ