ខេត្តបាត់ដំបង-ស្រុកសំពៅលូន ៖ ប្រភពព័ត៌មានបានអោយដឹងថា សកម្មភាពឆ្លងដែនខុសច្បាប់ បាននិងកំពុងកើតមានយ៉ាងពពាក់ពពូន នៅច្រករបៀងជាប់នឹងច្រកទ្វារអន្តរជាតិគីឡូ ១៣ (ភ្នំដី) ស្ថិតក្នុងភូមិគីឡូ១៣ ឃុំសន្តិភាព ស្រុកសំពៅលូន ខេត្តបាត់ដំបង នាថ្ងៃទី ៥ ខែមិនា ឆ្នាំ២០២៣ ម៉ោង៨,០០នាទី កន្លងមកនេះ ។ សកម្មភាពប្រជាពលរដ្ឋ និងពលករខ្មែរលួចឆ្លងដែនដោយខុសច្បាប់ ហាក់ដូចមានការបើកដៃពីសំណាក់អាជ្ញាធរយ៉ាងដូចនេះដែរ ។
ពីព្រោះថា បើតាមការសង្កេត គេឃើញ នៅទីតាំងច្រករបៀងខាងលើ មានកន្លែងទទួលផ្ញើម៉ូតូ រថយន្ត ជាច្រើនគ្រឿង និងបើកច្រករបៀងឲ្យជីវកឆ្លងដែនខុសច្បាប់ ។ មិនតែប៉ុណ្ណោះ ថែមទាំងអ្នកចាំទទួលក្នុងទឹកដីថៃផងដែរ រង់ចាំទទួលដឹកបន្ត ។
ពាក់ពន្ធ័និងបើកច្រករបៀងខាងលើ មិនឃើញកម្លាំងនគរបាលអន្តោប្រវេសន៍ប្រចាំច្រកទ្វារអន្តរជាតិធ្វើការទប់ស្កាត់នោះឡើយ ។
អង្គភាពយើងខ្ញុំនៅមិនទាន់ការបកស្រាយពីអាជ្ញាធរជំនាញនៅឡើយ ៕
