(ខេត្តសៀមរាប)៖ ពុទ្ធបរិស័ទចំណុះជើងវត្តដូនរីកប្រមាណជាង១០០នាក់ ក្នុង ចំណោមប្រជាពលរដ្ឋជាង៤៦០នាក់ មកពីឃុំត្បែង ស្រុកបន្ទាយ ស្រី នៅព្រឹកថ្ងៃទី១៦ ខែកុម្ភះ ឆ្នាំ២០២៣នេះ បាននាំគ្នាមកមុខតុលាការដើម្បីទាមទារអោយមានការដោះលែងអតីតព្រះចៅអធិការវត្តស្រះដូនរីក បន្ទាប់ពីត្រូវឃុំខ្លួនអស់រយះពេលជាង៦ខែរួចមកហើយ ក្រោមបទចោទ រំលោភសេពសន្ធ:វ: លើអនីតិជនអាយុក្រោម១៥ឆ្នាំ។
នៅមុខតុលាការ នាព្រឹកថ្ងៃទី ១៦ ខែកុម្ភះ ឆ្នាំ២០២៣នេះ ពលរដ្ឋក្នុងភូមិបានលើករូបថត អតីតព្រះចៅអធិការវត្តដូនរីក ហើយលើកឡើងថាពួកគាត់មកនេះមិនមែនមកធ្វើបាតកម្ម បង្កអសន្តិសុខដល់សង្គមនោះទេ គឺមកទាមទារសុំអោយតុលាការដោះលែង អតីតព្រះចៅអធិការវត្តស្រះដូនរីក វិញតែប៉ុណ្ណោះ ត្បិតរូបគាត់មិនបានប្រព្រឹត្តដូចការចោទប្រកាន់នោះឡើយ។ ពួកគាត់បន្តថា នៅយប់ថ្ងៃកើតហេតុក្រុមប៉ូលិសបាននិយាយថា គ្រាន់តែនិមន្តលោក ដើម្បីសាកសួររឿងហេតុខ្លះៗប៉ុណ្ណោះ តែក៍បាត់ដំណឹងឈឹង។ចុងក្រោយបែជាជាប់ពន្ធធនាគារ ក្រោមការចោទថា រំលោភសេពសន្ធ:វ:លើអនីតិជនអាយុក្រោម១៥ឆ្នាំ(រំលោភលោកនេន)ទៅវិញ។
ករណីនេះពួកយើងពលរដ្ឋក្នុងភូមិសូមបដិសេធថា លោកតាព្រះជន៧៥ព្រះវស្សាហើយមិនអាចធ្វើដូច្នេះឡើយ អី ចឹងទេ សូមស្ថាប័នតុលាការ មេត្តាពិនិត្យ ហើយដោះលែងលោកតាអោយមានសេរីភាពវិញ ព្រោះថាពុំមែនជាការពិតនោះទេ។ ផ្ទុយទៅវិញអតីតព្រះចៅអធិការវត្តខាងលើ ជាអ្នកជួយសង្គ្រោះពលរដ្ឋក្រីក្រក្នុងភូមិ ក៍ដូចជាកសាងវត្ត និងផ្លូវថ្នល់ជាដើម។
នៅរសៀលថ្ងៃដដែល មេធាវីការពារក្តី អោយអតីតព្រះចៅអធិការវត្តស្រះដូនរីក បានអោយដឹងថា សវនាការត្រូវបានលើកពេល ទៅថ្ងៃទី ២៤ ដោយជនជាប់ចោទបីបទល្មើសទី ១ អំពើទទូលគេខ្មាស់ ២អំពើអាស ៣ រំលោភសេពសន្ថវៈលើអនិកជនអាយុក្រោម ១៥ ឆ្នាំ។ លោកមេធាវី សុំមិនបង្ហាញឈ្មោះ បានអោយដឹងទៀតថា រឿងនេះពិតជាមានបណ្តឹង ពីអាណាព្យាបាលជនរងគ្រោះ។ដូច្នេះបើមានបណ្តឹង គឺត្រូវមានចំណាត់ការហើយ។
លោក ហាប់ ហៀច អាយុ៣៧ឆ្នាំ រស់នៅក្នុងភូមិស្រះខ្វាវ ឃុំត្បែង ស្រុកបន្ទាយស្រី ខេត្តសៀមរាប ដែលត្រូវជាឪពុកបង្កើតជនរងគ្រោះក្នុងអំពើរំលោភសេពសន្ធ:វ:ឈ្មោះហៀច សុភក្រ័ បានអោយដឹងថា ក្នុងពេលចាប់ខ្លួនអតីតចៅអធិការ ប៉ូលិសបាននាំកូនរបស់ខ្លួនទៅសាកសួរ ហើយអោយខ្លួនជាឪពុកផ្តិតមេដៃលើឯកសារ។ លុះក្រោយមកក៍ស្រាប់តែឃើញស្នាម មេដៃនោះទៅជាផ្តិតលើពាក្យបណ្តឹងទៅវិញ តាមពិតខ្លួនពុំបានប្តឹងអ្វីនោះទេ។ លោកបន្តថា រូបលោកមាន ការសោកស្តាយយ៉ាងខ្លាំង ក្រោយពីឃើញស្នាមមេដៃរបស់ខ្លួន ក្លាយជាមេដៃផ្តិតដាក់ពាក្យបណ្តឹង រួមទាំងសាកសួរហើយកូនប្រាប់ថា មិនមានការចាប់រំលោភសេពសន្ធ:វ:អ្វីពីលោកតានោះទេ។
.ឪពុកក្មេងបានបញ្ជាក់នៅរសៀលថ្ងៃដដែលនេះថា រូបលោកមកតុលាការនេះ គឺសុំអោយតុលាការដោះលែងលោកតាវិញ ព្រោះគ្រប់ យ៉ាងពុំមែនជាការពិតនោះឡើយ។
.ចំណែកកុមារា ឈ្មោះហៀច សុភក្រ័ អាយុ១០ឆ្នាំក៍បានផ្ដល់បទសម្ភាសន៍ឲ្យសារព័ត៌មាន ផងដែរដោយបញ្ជាក់ថា ក្នុងពេលប៉ូលិសសួរសំឡេងធំៗ រូបគេភ័យ ក៍ឆ្លើយថា លោករំលោភ តែតាមពិតអត់មានរំលោភអីទេ។ អតីតកូននេនរូបនេះ បញ្ជាក់បន្ថែមថា សវនាការព្រឹកមិញនេះ នៅក្នុងតុលាការ ក៍រូបគេឆ្លើយថា មិនមានការចាប់រំលោភអ្វីនោះដែរ។
សូមបញ្ជាក់ថា អតីតព្រះចៅអធិការវត្តស្រះដូនរីកឈ្មោះទិត្យ យ៉ាន អាយុ៧៥ ត្រូវសមត្ថកច្ចនគរបាលចាប់ខ្លួនកាលពីថ្ងៃទី២៣ ខែសីហា ឆ្នាំ២០២២ បញ្ជូនទៅតុលាការ ហើយត្រូវបានឃុំខ្លួនដាក់ពន្ធនាគារ ក្រោមបទចោទ រំលោភសេពសន្ធ:វ:លើអនីតិជនអាយុក្រោម១៥ឆ្នាំ។
.ទោះបីជាបែបនេះ ក្រុមអ្នកភូមិជាង១០០នាក់ ដែលបានលើកគ្នាមកតុលាការ បានកាន់រូបថតលោកហើយទទូចសុំអោយតុលាការដោះលែង ដោយអះអាងថា គ្រប់យ៉ាងពុំ មែនជាការពិតដូចការចោទប្រកាន់នោះឡើយ។ ក្រុមអ្នកភូមិបង្ហាញក្តីសង្ឃឹមថា សវនាការនៅថ្ងៃទី ២៤ ខាងមុខនេះ នឹងមានការដោះលែងអតីត ព្រះចៅអធិការវត្តស្រះដូនរីកជាក់ជាមិនខាន។
ជុំវិញព័ត៌មានខាងលើអង្គភាពសារព័ត៌មានយើងនៅមិនអាចសុំការបកស្រាយបំភ្លឺពីអ្នកនាំពាក្យតំណាងអយ្យាការសាលាដំបូងខេត្តសៀមរាបបាននៅឡើយ ហើយអង្គភាពយើងគ្មានគោលបំណងធ្វើឲ្យប៉ះពាល់ដល់មន្ត្រីអាជ្ញាធរមូលដ្ឋានឬស្ថាប័នបុគ្គលណាម្នាក់នោះឡើយ ក្រៅពីផ្សព្វផ្សាយព័ត៌មានពិតជូនថ្នាក់ដឹកនាំលោកបានជ្រាបតែប៉ុណ្ណោះ៕
