ខេត្តបន្ទាយមានជ័យ៖ នៅព្រឹកថ្ងៃចន្ទ ១២ កើត ខែមិគសិរ ឆ្នាំខាលចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី៥ ខែធ្នូ ឆ្នាំ២០២២នេះ លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ បានអញ្ជើញចូលរួមពិធី បើកវិញ្ញាសារប្រឡងសញ្ញាបត្រមធ្យមសិក្សាទុតិយភូមិឆ្នាំ២០២២ នៅវិទ្យាល័យសិរីសោភ័ណ ក្រុងសិរីសោភ័ណ។
ពិធីនេះត្រូវបានប្រារព្ធធ្វើឡើង ក្រោមអធិបតីភាព ឯកឧត្តម អ៊ុំ រាត្រី អភិបាលខេត្តបន្ទាយមានជ័យ លោក ឈូ ប៊ុនរឿង ប្រធានមន្ទីរ អប់រំយុវជននិងកីឡា លោក ស្រេង សុផល អភិបាលក្រុងសិរីសោភ័ណ លោក លោកស្រី តំណាង អង្គភាពប្រឆាំងអំពើរពុករលួយ តំណាងក្រសួងអប់រំ លោកគ្រូ អ្នកគ្រូ គណៈមេប្រយោគ ជាច្រើននាក់។
លោក ឈូ ប៊ុនរឿង ប្រធានមន្ទីរក្រសួងអប់រំ យុវជន និង កីឡា បានឲ្យដឹងថា ឆ្នាំ២០២២នេះ មានបេក្ខជនចូលរួមប្រឡងសញ្ញាប័ត្រ ទុតិយភូមិ ចំនួន ៥៩៦០នាក់ ក្នុងនោះ ស្រី៣១៥៨នាក់។ មាន៧មណ្ឌលប្រឡង រួមមាន: ១-មណ្ឌលវិ.សម្តេចឪ មាន៣២បន្ទប់ ២.មណ្ឌលបឋម ហ៊ុន សែន សូភី មាន៣០ បន្ទប់ ៣.មណ្ឌលវិ.ហស ខ្លាកូន មាន២៥ បន្ទប់ ៤.មណ្ឌលវិ.សិរីសោភ័ណ មាន៤១ បន្ទប់ ៥.មណ្ឌលសាកលវិ.គ្រប់គ្រង និងសេដ្ឋកិច្ច មាន៤១ បន្ទប់៕
