ស្វាយរៀង ៖ ឯកឧត្ដម តូច ប៉ូលីវ៉ា អភិបាលរងខេត្ត តំណាងឯកឧត្ដមអភិបាលខេត្ត រសៀលថ្ងៃព្រហស្បតិ៍ ៩ រោច ខែកត្តិក ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៧ ខែវិច្ឆិកា ឆ្នាំ២០២២បានអញ្ជើញដឹកនាំកិច្ចប្រជុំបន្ទាន់រៀបចំផែនការការពារសន្តិសុខសុវត្ថិភាពសណ្ដាប់ធ្នាប់របៀបរៀបរយសម្រាប់ដំណើរការប្រឡងសញ្ញាបត្រមធ្យមសិក្សាទុតិយភូមិថ្ងៃទី០៥ ខែធ្នូ ឆ្នាំ២០២២ នៅសាលប្រជុំនន្ទី អគារ ខ សាលាខេត្ត។
ដោយមានការចូលរួមពីលោកឧត្ដមសេនីយ៍ ស្នងការរងនគរបាលខេត្ត មេបញ្ជាការរងកងរាជអាវុធហត្ថខេត្ត លោកនាយករងរដ្ឋបាលសាលាខេត្ត លោកនាយកទីចាត់ការរដ្ឋបាល លោកអភិបាលរងក្រុងស្វាយរៀង ប្រធានមន្ទីរអប់រំ យុវជន និងកីឡាខេត្តនិងមន្ត្រីជំនាញ មន្ទីរធម្មការ និងសាសនាខេត្ត មន្ទីរទេសចរណ៍ខេត្ត អង្គភាពអគ្គិសនីខេត្ត មន្ទីរសុខាភិបាលនៃរដ្ឋបាលខេត្ត នាយក នាយិកា វិទ្យាល័យ ហ៊ុន សែន ចេក វិទ្យាល័យស្វាយរៀង សាលាបឋមសិក្សាកន្ទុយវៃ សាលាបឋមសិក្សា២ធ្នូ សាលាបឋមសិក្សាព្រះសីហនុ សាលាគរុកោសល្យខេត្ត៕
