ទាន់ហេតុការណ៍
ឧត្តមសេនីយ៍ឯក រ័ត្ន ស្រ៊ាង ជួប​សំណេះសំណាល ថ្លែងអំណរគុណ ដល់​កម្លាំង​អាវុធហត្ថ​ក្រោម​ឱវាទ ទូទាំង​រាជធានី​ភ្នំពេញ​!==>​អាវុធហត្ថ​រាជធានី​ភ្នំពេញ ចូលរួម​អបអរសាទរ ទិវា​អន្តរជាតិ​នារី ៨ មីនា ខួប​លើក​ទី​១១៣!==>​ក្រុមការងារ អាវុធហត្ថ​រាជធានី​ភ្នំពេញ នាំយក​អំណោយ​ចុះសួរសុខទុក្ខ​សមាជិក ដែល​ជួប​គ្រោះថ្នាក់ ផ្ទុះ​ចង្ក្រានហ្គាស ធ្វើអោយ​រលាក​ខ្លួនប្រាណ​!==>ឧត្តមសេនីយ៍ឯក រ័ត្ន ស្រ៊ាង ចាត់​ក្រុមការងារ​អាវុធហត្ថ​ខណ្ឌ​ច្បារអំពៅ នាំយក​អំណោយ​ឧបត្ថម្ភ​ដល់​សមាជិក ដែល​បាន​គ្រោះថ្នាក់​ចរាចរណ៍ ពេល​កំពុង​បំពេញ​ភារកិច្ច​!==>នាយទាហាន នាយទាហានរង នៃ​កងរាជអាវុធហត្ថ​រាជធានី​ភ្នំពេញ ចំនួន ៣៧០​នាក់ ត្រូវបាន​ប្រកាស​តែងតាំង​មុខតំណែង និង​បំពាក់​ឋានន្តរសក្តិ​ថ្មី​!==>​ឯកឧត្ដម ថោ ជេដ្ឋា​ រដ្ឋមន្ត្រី​ក្រសួង​ធនធានទឹក ទទួល​ជួប​សម្តែងការគួរសម​ និង​ពិភាក្សាការងារ​ ជាមួយ​ អ្នកសម្របសម្រួលអង្គការ សហប្រជាជាតិប្រចាំកម្ពុជា ​លោក Joseth Scheuer==>ឧបនាយករដ្ឋមន្ត្រី ស៊ុន ចាន់ថុល៖រាជរដ្ឋាភិបាល ចាត់ទុកគម្រោងសាងសង់ផ្លូវ ៥០សេ និងស្ពានវែងជាងគេប្រវែង ៣.៣០០ម៉ែត្រ តភ្ជាប់ពីកំពង់ឆ្នាំង ទៅកំពង់ធំ ជាគម្រោងអាទិភាពដ៏សំខាន់សម្រាប់ឆ្នាំ ២០២៤នេះ==>អំណោយ​ប្រចាំខែ របស់លោក​ឧត្ដមសេនីយ៍ឯក រ័ត្ន ស្រ៊ាង បាន​ប្រគល់​ដល់ដៃ​ពលរដ្ឋ​ទីទាល់ក្រ​១៧​គ្រួសារ​!==>អាជ្ញាធរខេត្តបាត់ដំបង ដកហូតកាំ​ខ្យល់​ជិត​៣០​ដើម​សម្រាប់​លេង​បាញ់​តុក្កតា នៅ​ក្នុង​កម្មវិធី​បុណ្យបញ្ចុះសីមា​នៅ​វត្ត​អូរ​ដូន​ពៅ ស្ថិត​ក្នុង​ឃុំ​ឃ្លាំង​មាស ស្រុក​ប​វេ​ល ខ្លាច​អាច​បង្ក​គ្រោះថ្នាក់​ដល់​មនុស្ស==>លើកទឹកចិត្តគម្រោងចំនួន២នៅខេត្តព្រះសីហនុ ប្រាក់វិនិយោគជិត ៦០០លានដុល្លារ ទទួលការលើកទឹកចិត្តពី ក្រុមប្រឹក្សាអភិវឌ្ឍន៍កម្ពុជា និងត្រូវបានវាយតម្លៃថា នឹងជះឥទិ្ធពលយ៉ាងវិជ្ជមានដល់សេដ្ឋកិច្ចខេត្តព្រះសីហនុទាំងមូល

ពលរដ្ឋ​យ៉ាងច្រើន​កុះករ មក​ចូលរួម​ពិធី​ប្រណាំងទូក​លក្ខណៈ​ប្រពៃណី​លើក​ទី​៥ និង​អង្គ​កឋិនទាន នៅ​វត្ត​ស្វាយ​រមៀត ក្រុង​សៀមរាប

ពលរដ្ឋ​យ៉ាងច្រើន​កុះករ មក​ចូលរួម​ពិធី​ប្រណាំងទូក​លក្ខណៈ​ប្រពៃណី​លើក​ទី​៥ និង​អង្គ​កឋិនទាន នៅ​វត្ត​ស្វាយ​រមៀត ក្រុង​សៀមរាប
​ដោយ ៖ គេហទំព័រ «ស៊ី អេច ខេ ញូស៍ | CHK News»
Tel: 012 790 894 | Telegram / WhatsApp : 012 790 894

(​សៀមរាប​)៖ វត្ត​បារាយ​មហានទី​រតនា​រាម ហៅ​វត្ត​ស្វាយ​រមៀត ស្ថិត​នៅ​ប៉ែក​ខាងត្បូង​ជាប់​នឹង​បារាយណ៍ទឹកថ្លា ក្នុង​សង្កាត់​ទឹក​វិល ក្រុង​សៀមរាប បាន​រៀបចំ​ពិធី​ប្រណាំងទូក​លក្ខណៈ​ប្រពៃណី​លើក​ទី​៥ ដើម្បី​រក្សា​ប្រពៃណី​ទំនៀម​ទំលាប់​ក្នុង​សហគមន៍ និង​អបអរសាទរ​អង្គ​កឋិនទាន​។​

​ពិធី​ប្រណាំងទូក​ខ្នាត​តូច​លក្ខណៈ​ប្រពៃណី និង​និង​អង្គ​កឋិនទាន​ឆ្នាំនេះ មាន​រយៈពេល​ពីរ​ថ្ងៃ នៅ​ថ្ងៃ​ទី​៥ និង​ទី​៦ ខែវិច្ឆិកា​ឆ្នាំ​២០២២ មាន​ទូក​ចូលរួម​១៣​គូរ ទូក​នីមួយៗ​ចំណុះ​៦​នាក់​ផង​ដែរ​។​

​អ្នកស្រី កែវ ម៉ូ​លី​ណា ដែល​រស់នៅ​ក្នុង​សង្កាត់​គោកចក ក្រុង​សៀមរាប បាន​សម្តែង​ការសប្បាយ​រីករាយ​ជា​ខ្លាំង​ក្នុង​ឱកាស​ដែល​បាន​មក​ចូលរួម​ពិធី​ប្រណាំង​ទូក និង​អង្គ​កឋិនទាន នៅ​វត្ត​ស្វាយ​រមៀត​។ ដោយ​អ្នកស្រី​បាន​មក​កម្សាន្ត​ជា​លក្ខណៈ​គ្រួសារ​ជាច្រើន​នាក់ ព្រមទាំង​មាន​អ្នកជិតខាង​ជាច្រើន​ក៏​បាន​មក​ចូលរួម​ក្នុង​កម្មវិធី​នេះ​ដែរ​។​

​លោក ទិន ហ៊ឺ ដែល​រស់នៅ​ក្នុង​សង្កាត់​ទឹក​វិល ក្រុង​សៀមរាប ក៏​លើកឡើង​មិន​ខុស​គ្នា​នោះដែរ លោក​ថា​ឆ្នាំនេះ​មាន​ការសប្បាយ​រីករាយ​ជាខ្លាំង ដោយ​កម្ម​វិធី​នេះ​ខកខាន​រៀបចំ​រយៈពេល​២​ឆ្នាំ​មកហើយ ដោយ​ការឆ្លង​រីក​រាលដាល​នៃ​ជំងឺ​កូវី​ដ​-១៩ នៅក្នុង​សហគមន៍ ក៏ដូចជា​នៅ​ជុំវិញ​ពិភពលោក​។ ហើយ​ឆ្នាំ​នេះ មាន​ប្រជាពលរដ្ឋ​យ៉ាងច្រើន​កុះករ​មក​ចូលរួម​ពិធី​ប្រណាំងទូក​លក្ខណៈ​ប្រពៃណី​លើក​ទី​៥ និង​អង្គ​កឋិនទាន នៅ​វត្ត​ស្វាយ​រមៀត​នាឱកាស​នេះ​។​

​ទន្ទឹមនឹងនោះ​ដែរ លោក ក្រូច លួ​ន ដែល​រស់នៅ​ក្នុង​សង្កាត់​ទឹក​វិល ក្រុង​សៀមរាប បាន​លើកឡើង​ថា លោក​ឃើញ​ស្នាមញញឹម​របស់​ប្រជាពលរដ្ឋ​មក​ទាំងអស់ ដែល​មក​ចូលរួម​ក្នុង​ពិធី​ប្រណាំង​ទូក និង​អង្គ​កឋិនទាន មាន​ការសប្បាយ​រីករាយ​ជាខ្លាំង ទោះ​អាកាសធាតុ​ក្តៅ​បន្តិច​ក៏​ដោយ​។ លោក​បន្តថា លោក​ចង់ឱ្យ​មាន​កម្មវិធី​នេះ ជា​រៀងរាល់ឆ្នាំ ដើម្បី​ឱ្យ​ប្រជាពលរដ្ឋ​មាន​ការសប្បាយ​រីករាយ និង​ចូលរួម​ធ្វើបុណ្យ​អង្គ​កឋិនទាន​សាមគ្គី​ផងដែរ​។​

​ជាមួយនេះដែរ ព្រះ​សច្ចា​នុ​បាល នឿម វុទ្ឋី ព្រះចៅអធិការ​វត្ត​បារាយ​មហានទី​រតនា​រាម ហៅ​(​វត្ត​ស្វាយ​រមៀត​) មាន​សង្ឃដីកា​ថា ពិធី​ប្រណាំងទូក​បែប​ប្រពៃណី​នេះ ប្រារព្ធ​ឡើង​ក្នុង​គោលបំណង ដើម្បី​ចូលរួម​ប្រារព្ធ​ព្រះរាជ​ពិធី​បុណ្យ​អុំទូក បណ្តែត​ប្រទីប សំពះ​ព្រះ​ខែ​និង​អកអំបុក​របស់​ជាតិ ដើម្បី​ថែរក្សា​ប្រពៃណី​រវាង​វត្ត និង​សហគមន៍ ដែល​ធ្លាប់​មាន​មក​កុំឱ្យ​បាត់បង់ និង​អបអរសាទរ​ចំពោះ​បុណ្យ​កឋិនទាន​សាមគ្គី​ដង្ហែ​ចូល​វត្ត រំឭក​ដឹងគុណ​ចំពោះ​វត្ថុ​សក្កិសិទ្ធិ ដែល​បាន​ផ្តល់​ឱ្យ​មាន​សុខសាន្ត និង​សម្បូរ​សប្បាយ​ផងដែរ​៕

Filed in: ព័ត៌មានជាតិ