នៅរសៀលថ្ងៃទី២៦ ខែតុលា ឆ្នាំ២០២២ ឯកឧត្តម ប៉េង ពោធិ៍សាត់ អភិបាលរងខេត្តស្វាយរៀង និងជាប្រធានអនុគណៈកម្មការការពារសន្តិសុខ សុវត្ថិភាព និងសណ្តាប់ធ្នាប់ពិធីប្រណាំងទូក អមដំណើរដោយលោកឧត្តមសេនីយ៍ត្រី ពុត កយ ស្នងការរងទទួលផែនការងារសណ្តាប់ធ្នាប់ លោកវរសេនីយ៍ឯក ប៊ុនថា វិរៈ ស្នងការរងទទួលផែនការងារសេនាធិការ និងលោកវរសេនីយ៍ឯក កេន រិទ្ធី អធិការនគរបាលក្រុងស្វាយរៀង បានអញ្ជើញចុះត្រួតពិនិត្យគោលដៅសំខាន់ៗជុំវិញកន្លែងប្រារព្ធពិធី គោលដៅបិទ និងសម្រួលចរាចរណ៍ ដើម្បីត្រៀមការពារពិធីប្រណាំងទូកនៅទន្លេវ៉ៃគោ ក្រុងស្វាយរៀង នាថ្ងៃទី២៩-៣០ ខែតុលា ឆ្នាំ២០២២ ខាងមុខនេះ។
