ហេតុការណ៍នេះកើតឡើងនៅថ្ងៃទី០៨.០៩.២០២២ វេលាម៉ោង០១ម៉៣០នាទី ជនសង្ស័យពីរនាក់ បានឆក់កាបូបស្រី្តជនបរទេស មួយរូប នៅចំណុចមុខផ្ទះលេខ១២អា ផ្លូវលេខ៩០ ភូមិ១១ សង្កាត់ស្រះចក ខណ្ឌដូនពេញរាជធានីភ្នំពេញ។ ជនរងគ្រោះ មានឈ្មោះ ROWLES . LYDIA ERICA ភេទស្រី ជនជាតិអង់គ្លេស អាយុ២៣ឆ្នាំ ជាអ្នកទេសចរណ៍ ស្នាក់នៅផ្ទះសំណាក់ភូផប់ ផ្លូវ៩០ ភូមិ១១ សង្កាត់ស្រះចក ខណ្ឌដូនពេញរាជធានីភ្នំពេញ ។
ជនសង្ស័យចំនួនពីររូប ដែលសមត្ថកិច្ចឃាត់ខ្លួន រួមមាន ៖
១.ឈ្មោះ ទូច តនអាយុ២៧ឆ្នាំ ភេទប្រុស ជនជាតិខ្មែរ មុខរបរមិនពិតប្រាកដ ទីលំនៅបច្ចុប្បន្ន មិនពិតប្រាកដ (ឃាត់ខ្លួនជាក់ស្តែងនៅកន្លែងកើតហេតុ)
២.ឈ្មោះ ម៉ៅ រតនៈ អាយុ២៩ឆ្នាំ ភេទប្រុស ជនជាតិខ្មែរ មុខរបរ មិនពិតប្រាកដ ទីលំនៅបច្ចុប្បន្ន មិនពិតប្រាកដ (ឃាត់ខ្លួនជាក់ស្តែងនៅកន្លែងកើតហេតុ) .
សេចក្តីរាយការណ៍អោយដឹងថា បន្ទាប់ពីជនសង្ស័យបានធ្វើសកម្មភាពឆក់បានសំរេច ក៏បានជិះរត់គេចខ្លួន រួចជ្រុលទៅបុកម៉ូតូកង់បីឥណ្ឌា បណ្ដាលអោយដួល ។ គាប់ជួនពេលនោះ កម្លាំងជំនាញខណ្ឌ-ប៉ុស្តិ៏នគរបាលស្រះចក ដែលកំពុងធ្វើសកម្មភាពល្បាត ក៏បានដេញតាមបង្ក្រាបជាក់ស្តែង ។
វត្ថុតាងត្រូវចាប់យក
១.កាបូបស្ពាយ ពណ៍ខ្មៅ ក្នុងនោះរួមមាន: កាបូបដៃពណ៍សាច់មួយ. ទូរស័ព្ទដៃម៉ាក អាយហ្វូន ១១ ពណ៍ខ្មៅមួយគ្រឿង. លុយដុល្លាចំនួន ១៥០$ លុយដុងចំនួន ៧ ម៉ឺនដុង និង សម្ភារៈមួយចំនួន។ ចំពោះសំម្ភារៈខាងលើប្រគល់ឲ្យជនរងគ្រោះយកទៅរក្សាទុកបណ្ដោះអាសន្ន។
ចំពោះមុខកម្លាំងជំនាញខណ្ឌ-ប៉ុស្តិ៍ កំពុងប្រើប្រាស់វិធានការជំនាញ សាក សួរចម្លើយ និងកសាងសំណុំរឿងបញ្ជូនទៅសាលាដំបូងតាមនីតិវិធីច្បាប់។
ទិសដៅបន្ត អធិការដ្ឋាន ប៉ុស្តិ៍នគរបាលរដ្ឋបាលទាំង១១ នឹងបន្តខិតខំបង្ការ ទប់ស្កាត់បទល្មើសគ្រប់ប្រភេទដោយអនុវត្តន៍តាមអនុសាស ន៍ដ៏ខ្ពង់ខ្ពស់របស់ ឯកឧត្តមស្នងការ និងលោកអភិបាលខណ្ឌ ៕
