ទាន់ហេតុការណ៍
ក្រសួងប្រៃសនីយ៍កម្ពុជា បានចុះផ្តាច់ប្រព័ន្ធអ៊ីនធឺណិតចេញពីប្រទេសថៃ នៅច្រកទ្វារអន្តរជាតិប៉ោយប៉ែត==>តុលាការឃុំខ្លួនអនុប្រធាន​ការិយាល័យ​ភូមិបាល​ខណ្ឌ​សែន​សុខ​ពី​បទ​.​បើកបរ​ក្នុង​ស្ថានភាព​ស្រវឹង​​​ បង្ក​គ្រោះថ្នាក់​ចរាចរណ៍​បណ្តាល​ឲ្យ​ស្លាប់​អ្នក​ដទៃ និង​រត់គេច​ខ្លួន==>អភិបាលខេត្តកំពង់ធំ លោក នួន ផារ័ត្ន ពិនិត្យស្ថានភាព ដំណាំស្រូវ ប្រជាពលរដ្ឋរង ផលប៉ះពាល់ដោយជំនន់ទឹកភ្លៀង នៅក្នុងភូមិសាស្ត្រឃុំសាន់គ ស្រុកកំពង់ស្វាយ!==>ក្រសួងធនធានទឹក​៖កម្ពុជា​ អាចមានភ្លៀងធ្លាក់ជាមួយផ្គររន្ទះ និងខ្យក់កន្ត្រាក់​ ចាប់ពីថ្ងៃទី១ ដល់ថ្ងៃទី៣ ខែឧសភា ឆ្នាំ២០២៥==>កម្លាំងនគរបាលរាជធានីភ្នំពេញ បង្ក្រាបនិងដកហូតសាច់បង្កកខូចគុណភាព ចំនួន៦០កេស ស្មើនឹងជិត៣តោន យកទៅបំផ្លាញចោល==>ចិន-កម្ពុជា កសាងសហគមន៍វាសនារួម ចិន-កម្ពុជាក្នុងយុគសម័យថ្មីគ្រប់រដូវកាលនិងការអនុវត្តគំនិតផ្តួចផ្តើមសកលធំៗទាំងបី==>សម្ដេចធិបតី ហ៊ុន ម៉ាណែត អញ្ជើញសម្ភោធបើកឱ្យប្រើប្រាស់ជាផ្លូវការផ្លូវជាតិលេខ៧១សេ ប្រវែងជិត១១៥គីឡូម៉ែត្រ តភ្ជាប់ពីស្រុកត្បូងឃ្មុំ ខេត្តត្បូងឃ្ញុំ ដល់ស្រុកចំការលើ ខេត្តកំពង់ចាម==>ប្រធានសហភាពសហព័ន្ធយុវជនកម្ពុជា ឯ.ឧ ហ៊ុន ម៉ានី អញ្ជើញជូនដំណើរយុវជនស្ម័គ្រចិត្តចំនួន៥៨៦នាក់ នៃព្រឹត្តិការណ៍អង្គរសង្រ្កាន្ត២០២៥ ចេញពីរាជធានីភ្នំពេញ ទៅកាន់ទីរួមខេត្តសៀមរាប==>រដ្ឋមន្ដ្រីក្រសួង​ព័ត៌មាន​៖បញ្ជាក់​ថា ព័ត៌មាន​ក្លែងក្លាយ​នៅ​កម្ពុជា ភាគច្រើន​ គឺ​កើត​ចេញពី​ក្រុម​ជន​អគតិ​មួយ​ចំនួន​នៅ​ក្រៅប្រទេស==>ថ្មីៗនេះសម្តេចបវរធិបតី ហ៊ុន ម៉ាណែត ចេញអនុក្រឹត្យកំណត់អំពីទម្រង់ និងព័ត៌មាន ក្នុងបញ្ជីអត្តសញ្ញាណបណ្ណសញ្ជាតិខ្មែរ

នាំខ្លួន​ជនសង្ស័យ​ចំនួន ០៣ នាក់ ពី​បទ​ធ្វើ​សកម្មភាព​លួច​មាន​ស្ថាន​ទម្ងន់​ទោស និង​បង្ក​សំណុំរឿង​ទៅ​តុលាការ​

នាំខ្លួន​ជនសង្ស័យ​ចំនួន ០៣ នាក់ ពី​បទ​ធ្វើ​សកម្មភាព​លួច​មាន​ស្ថាន​ទម្ងន់​ទោស និង​បង្ក​សំណុំរឿង​ទៅ​តុលាការ​
​ដោយ ៖ គេហទំព័រ «ស៊ី អេច ខេ ញូស៍ | CHK News»
Tel: 012 790 894 | Telegram / WhatsApp : 012 790 894

​នៅ​ថ្ងៃ​ទី​១២ ខែកក្កដា ឆ្នាំ​២០២២ លោក​វរសេនីយ៍ឯក ឈឿង គឹម​សុង នាយការិយាល័យ​នគរបាល​ព្រហ្មទណ្ឌ​កម្រិត​ស្រាល បាន​ដឹកនាំ​កម្លាំង​ក្រុម​អន្តរាគមន៍​បង្ការ​បង្ក្រាប​សហការ​ជាមួយ​កម្លាំង​អធិការដ្ឋាន​នគរបាល​ស្រុក​រតនៈមណ្ឌល​ចុះ​ប្រតិបត្តិការ​បង្ក្រាប​ករណី​លួច​មាន​ស្ថាន​ទម្ងន់ទោស (​កាច់​សោរ​លួច​យក​ម៉ូតូ​) ០១​ករណី និង​បាន​ធ្វើការ​នាំខ្លួន​ជនសង្ស័យ​ចំនួន​០៣​នាក់​នៅ​ចំណុច​ផ្សេង​គ្នា​មក​កាន់​ស្នងការដ្ឋាន ។​

1-​ច​ណុ​ច​ទី​០១ នៅវេលា​ម៉ោង​ប្រហែល​០៩:៣០​នាទី នៅ​ចំណុច​ភូមិភ្ជាវ​ឃុំត្រែង ស្រុក​រតនៈមណ្ឌល ខេត្ត​បាត់ដំបង កម្លាំង​យើង​បាន​ធ្វើការ​នាំខ្លួន​ជនសង្ស័យ​០១​នាក់​ឈ្មោះ​កូវ​ប៊ុនឡុច​ហៅ​ស៊ិនសេត​ភេទ​ប្រុស​អាយុ​៤១​ឆ្នាំ​មាន​ទីលំនៅ​ភូមិ​ជ្រៃ​ថ្មី​ឃុំ​ជ្រៃ​ស្រុក​ថ្មគោល​ខេត្ត​បាត់ដំបង​។​

2-​ចំណុច​ទី​២​វេលា​ម៉ោង​១៤:២២​នាទី នៅ​ចំណុច​ភូមិ​បាយ​ដំ​រាំ ឃុំ​ឈើ​ទាល ស្រុក​បាណន់ ខេត្ត​បាត់ដំបង កម្លាំង​យើង​បាន​ធ្វើការ​នាំខ្លួន​ជនសង្ស័យ​០១​នាក់​ទៀត ឈ្មោះ កូវ រិទ្ធី ហៅ​រិទ្ធ ភេទ​ប្រុស​អាយុ​៤២​ឆ្នាំ មាន​ទី​លំ នៅ​ភូមិ​ជ្រៃ​ថ្មី​ឃុំ​ជ្រៃ​ស្រុក​ថ្មគោល​ខេត្ត​បាត់ដំបង ។​

3-​ចំណុច​ទី​៣ នៅវេលា​ម៉ោង​១៩:២៦​នាទី នៅ​ចំណុច​ភូមិ​ជ្រៃ​ថ្មី ឃុំ​ជ្រៃ​ស្រុក​ថ្មគោល ខេត្ត​បាត់ដំបង កម្លាំង​យើង​បាន​ធ្វើការ​នាំខ្លួន​ជនសង្ស័យ​០១​នាក់​ទៀត ឈ្មោះ ជា សុខ​នឿន ហៅ ស មឿន ភេទ​ប្រុស​អាយុ​៣៦​ឆ្នាំ មាន​ទីលំនៅ​ភូមិ​ព្រៃ​ពង្រ សង្កាត់​ពញ្ញា​ពន់ ខណ្ឌ​ព្រែក​ព្នៅ រាជធានី​ភ្នំពេញ ។​

​តាម​ចម្លើយ​សារភាពរ​បស់​ជនសង្ស័យ​ខាងលើ​បាន​ឆ្លើយ​សារភា​ព​ថា​៖ កាលពី​ថ្ងៃ​ទី​២២ ខែ​ឧសភា ឆ្នាំ​២០២២ វេលា​ម៉ោង​ប្រហែល​១០:២០​នាទី នៅ​ចំណុច​ភូមិ​បាណង់ ឃុំ​ស្តៅ ស្រុក​រតនៈមណ្ឌល ខេត្ត​បាត់ដំបង ជនសង្ស័យ​ឈ្មោះ កូវ ប៊ុនឡុច និង​ជនសង្ស័យ​ឈ្មោះ កូវ រិទ្ធី បានធ្វើ​សកម្មភាព​ជិះ​ម៉ូតូ​០១​គ្រឿង​ម៉ាក​ហុងដា​ឃ្លីក​ពណ៌​ស ដោយ​ឈ្មោះ ឡុច ជា​អ្នក​ជិះ​ពីក្រោយ​និង​ជា​អ្នក​ចុះ​ធ្វើ​សកម្មភាព​កាច់​សោរ​លួច​យក​ម៉ូតូ​ម៉ាក​ហុងដា​ឌ្រី​ម​សេ​១២៥ ពណ៌​ខ្មៅ ស៊េរី​ឆ្នាំ​២០១៦ ពាក់​ស្លាក​បាត់ដំបង 1AA-1339 ដែល​ជា​របស់​ជនរងគ្រោះ​ឈ្មោះ ហោ ពៅ ភេទ​ប្រុស​អាយុ​២៦​ឆ្នាំ មាន​ទីលំនៅ​ភូមិ​ចំការ​ល្មុត ឃុំ​ស្តៅ ស្រុក​រតនៈមណ្ឌល ខេត្ត​បាត់ដំបង រួច​ជិះ​យក​មក​អោយ​ជនសង្ស័យ​០១​នាក់​ទៀត​ឈ្មោះ​នឿន ដើម្បី​យកទៅ​លក់​។​

​នៅ​ថ្ងៃ​ទី​១២ ខែកក្កដា ឆ្នាំ​២០២២ វេលា​ម៉ោង​ប្រហែល​០៩:៣០​នាទី នៅ​ចំណុច​ស្ទឹង​ក្រោម ទំនប់​ចិន ស្ថិតនៅក្នុង​ភូមិភ្ជាវ ឃុំ​ត្រែង ស្រុក​រតនៈមណ្ឌល ខេត្ត​បាត់ដំបង ជនសង្ស័យ​ឈ្មោះ កូវ ប៊ុនឡុច និង​ជនសង្ស័យ​ឈ្មោះ ជា សុខ​នឿន បានធ្វើ​សកម្មភាព​ជិះ​ម៉ូតូ​០១​គ្រឿង ម៉ាក​ហុងដា​ឌ្រី​ម​ពណ៌​ខ្មៅ​ដោយ​ឈ្មោះ​ឡុច​ជា​អ្នក​ជិះ​ពីក្រោយ​និង​ជា​អ្នក​ចុះ​ធ្វើ​សកម្មភាព​កាច់​សោរ​លួច​យក​ម៉ូតូ​ម៉ាក​ហុងដា​ឌ្រី​ម​សេ​១២៥​ស៊េរី​ឆ្នាំ​២០១៩​ពាក់​ស្លាក​លេខ​បាត់ដំបង​1AF-8945 ដែល​ជា​របស់​ជនរងគ្រោះ​ឈ្មោះ ឈួន សា​វ័ន ភេទ​ប្រុស​អាយុ​៣២​ឆ្នាំ មាន​ទីលំនៅ​ភូមិភ្ជាវ ឃុំ​ត្រែង ស្រុក​រតនៈមណ្ឌល ខេត្ត​បាត់ដំបង ។​

​ក្រោយ​ពី​ជនសង្ស័យ​ខាងលើ​ធ្វើ​សកម្មភាព​រួច​ជិះ​ម៉ូតូ​បាន​ប្រហែល​១០​ម៉ែត្រ ត្រូវបាន​ម្ចាស់​ម៉ូតូ​ឃើញ​ទាន់​និង​បាន​ស្រែក​អោយ​គេ​ជួយ​ដេញ​ចាប់​ចោរ រហូត​ដល់​ចំណុច​ខាងលើ ក៏​ត្រូវបាន​កម្លាំង​សមត្ថកិច្ច​យើង​ធ្វើ​ការឃាត់ខ្លួន​បាន​។​

​វត្ថុតាង​ដកហូត​រួមមាន ៖ សោរ​សម្រាប់​ដោះ​លេខ​៨​មាន​រាង​អក្សរ​L​ចំនួន​០២​ដើម ផ្លែ​តួ​ណឺ​វីស​ឆាប​រាង​សំប៉ែត​ចុង​ស្រួច​០១ ផ្លែ​ស្វាន​ឆាប​មាន​រាង​សំប៉ែត​ចំនួន​០១ ផ្លែ​តួ​ណឺ​វីស​កែច្នៃ​មាន​រាងអក្សរ​T​ចំនួន​០១ ម៉ូតូ​ម៉ាក​ហុងដា​ឃ្លីក​ពណ៌​ស​ស៊េរី​ឆ្នាំ​២០២០​ពាក់​ស្លាក​លេខ​បាត់ដំបង​1AI-1181 ចំនួន​០១​គ្រឿង ម៉ូតូ​ម៉ាក​ហុងដា​ឌ្រី​ម​សេ​១២៥​ពណ៌​ខ្មៅ​ស៊េរី​ឆ្នាំ​២០២០​ពាក់​ស្លាក​លេខ​កំពត​1Q-9479 ។​

​បច្ចុប្បន្ន ការិយាល័យ​ជំនាញ​កំពុង​ធ្វើ​ការកសាង​សំណុំរឿង ដើម្បី​បញ្ជូន​ទៅ​សាលាដំបូង​ខេត្តបាត់ដំបង​ចាត់ការ​បន្ត​តាម​នីតិវិធី ។​

​គួរបញ្ជាក់​ថា សកម្មភាព​បង្ក្រាប​ដោយ​ខាង​លើ គឺ​ដោយ​ការអនុវត្ត​តាម​ការណែនាំ​បញ្ជា​ផ្ទាល់​ពី​ឯកឧត្ដម​ឧត្តមសេនី​យ៍​ទោសាតគឹ​មសាន​ស្នងការ​នៃ​ស្នងការដ្ឋាន​នគរបាល​ខេត្ត​បាត់ដំបង​ក៏ដូចជា​លោក​វរសេនីយ៍ឯក​លឹម​ពុទ្ធីឡា​ស្នងការរង​ផែនការ​ងារ​នគរបាល​ព្រហ្មទណ្ឌ​លោក​វរសេនីយ៍ទោ​ភួង​ចន្ទ័​តារា​ស្នងការរង​ជំនួយកា​រ​ដឹកនាំ​ការិយាល័យ​នគរបាល​ព្រហ្មទណ្ឌ​កម្រិត​ស្រាល​និង​មាន​ការសម្របសម្រួល​ទៅ​លើ​នីតិវិធី​ពី ឯកឧត្ដម កែវ សុជាតិ ព្រះរាជអាជ្ញា​នៃ​អយ្យការ​អម​សាលាដំបូង​ខេត្តបាត់ដំបង ៕

Filed in: ព័ត៌មានជាតិ