ទាន់ហេតុការណ៍
ឧត្តមសេនីយ៍ឯក រ័ត្ន ស្រ៊ាង ជួប​សំណេះសំណាល ថ្លែងអំណរគុណ ដល់​កម្លាំង​អាវុធហត្ថ​ក្រោម​ឱវាទ ទូទាំង​រាជធានី​ភ្នំពេញ​!==>​អាវុធហត្ថ​រាជធានី​ភ្នំពេញ ចូលរួម​អបអរសាទរ ទិវា​អន្តរជាតិ​នារី ៨ មីនា ខួប​លើក​ទី​១១៣!==>​ក្រុមការងារ អាវុធហត្ថ​រាជធានី​ភ្នំពេញ នាំយក​អំណោយ​ចុះសួរសុខទុក្ខ​សមាជិក ដែល​ជួប​គ្រោះថ្នាក់ ផ្ទុះ​ចង្ក្រានហ្គាស ធ្វើអោយ​រលាក​ខ្លួនប្រាណ​!==>ឧត្តមសេនីយ៍ឯក រ័ត្ន ស្រ៊ាង ចាត់​ក្រុមការងារ​អាវុធហត្ថ​ខណ្ឌ​ច្បារអំពៅ នាំយក​អំណោយ​ឧបត្ថម្ភ​ដល់​សមាជិក ដែល​បាន​គ្រោះថ្នាក់​ចរាចរណ៍ ពេល​កំពុង​បំពេញ​ភារកិច្ច​!==>នាយទាហាន នាយទាហានរង នៃ​កងរាជអាវុធហត្ថ​រាជធានី​ភ្នំពេញ ចំនួន ៣៧០​នាក់ ត្រូវបាន​ប្រកាស​តែងតាំង​មុខតំណែង និង​បំពាក់​ឋានន្តរសក្តិ​ថ្មី​!==>​ឯកឧត្ដម ថោ ជេដ្ឋា​ រដ្ឋមន្ត្រី​ក្រសួង​ធនធានទឹក ទទួល​ជួប​សម្តែងការគួរសម​ និង​ពិភាក្សាការងារ​ ជាមួយ​ អ្នកសម្របសម្រួលអង្គការ សហប្រជាជាតិប្រចាំកម្ពុជា ​លោក Joseth Scheuer==>ឧបនាយករដ្ឋមន្ត្រី ស៊ុន ចាន់ថុល៖រាជរដ្ឋាភិបាល ចាត់ទុកគម្រោងសាងសង់ផ្លូវ ៥០សេ និងស្ពានវែងជាងគេប្រវែង ៣.៣០០ម៉ែត្រ តភ្ជាប់ពីកំពង់ឆ្នាំង ទៅកំពង់ធំ ជាគម្រោងអាទិភាពដ៏សំខាន់សម្រាប់ឆ្នាំ ២០២៤នេះ==>អំណោយ​ប្រចាំខែ របស់លោក​ឧត្ដមសេនីយ៍ឯក រ័ត្ន ស្រ៊ាង បាន​ប្រគល់​ដល់ដៃ​ពលរដ្ឋ​ទីទាល់ក្រ​១៧​គ្រួសារ​!==>អាជ្ញាធរខេត្តបាត់ដំបង ដកហូតកាំ​ខ្យល់​ជិត​៣០​ដើម​សម្រាប់​លេង​បាញ់​តុក្កតា នៅ​ក្នុង​កម្មវិធី​បុណ្យបញ្ចុះសីមា​នៅ​វត្ត​អូរ​ដូន​ពៅ ស្ថិត​ក្នុង​ឃុំ​ឃ្លាំង​មាស ស្រុក​ប​វេ​ល ខ្លាច​អាច​បង្ក​គ្រោះថ្នាក់​ដល់​មនុស្ស==>លើកទឹកចិត្តគម្រោងចំនួន២នៅខេត្តព្រះសីហនុ ប្រាក់វិនិយោគជិត ៦០០លានដុល្លារ ទទួលការលើកទឹកចិត្តពី ក្រុមប្រឹក្សាអភិវឌ្ឍន៍កម្ពុជា និងត្រូវបានវាយតម្លៃថា នឹងជះឥទិ្ធពលយ៉ាងវិជ្ជមានដល់សេដ្ឋកិច្ចខេត្តព្រះសីហនុទាំងមូល

​ពុ​ទ្ធោ ! សមត្ថកិច្ច​បង្ក្រាប​គ្រឿង​ញៀន​២​កន្លែង​ប្រមូល​បាន​គ្រឿងញៀន ៨៦​គីឡូក្រាម និង​ឃាត់ខ្លួន​ជនជាតិ​ចិន ៣ នាក់​

​ពុ​ទ្ធោ ! សមត្ថកិច្ច​បង្ក្រាប​គ្រឿង​ញៀន​២​កន្លែង​ប្រមូល​បាន​គ្រឿងញៀន ៨៦​គីឡូក្រាម និង​ឃាត់ខ្លួន​ជនជាតិ​ចិន ៣ នាក់​
​ដោយ ៖ គេហទំព័រ «ស៊ី អេច ខេ ញូស៍ | CHK News»
Tel: 012 790 894 | Telegram / WhatsApp : 012 790 894

(​ភ្នំពេញ​)៖ គ្រឿងញៀន​ទម្ងន់ ៨៦​គីឡូក្រាម ត្រូវបាន​កម្លាំង​សមត្ថកិច្ច​នៃ​មន្ទីរ​ប្រឆាំង​បទល្មើស​គ្រឿងញៀន​ដែល​ដឹកនាំ​ដោយ​លោក​ឧត្តមសេនីយ៍ទោ ឃឹង សារ៉ាត់ នាយករង​មន្ទីរ​ប្រឆាំង​បទល្មើស​គ្រឿងញៀន ចុះបង្ក្រាប​ដល់​ទីតាំង ក្រោម​ការចង្អុលបង្ហាញ​ពី ឯកឧត្តម នាយ​ឧត្តមសេនីយ៍ ម៉ក់ ជី​តូ អគ្គស្នងការ​រង​នគរបាលជាតិ​និង​ជា​អគ្គលេខាធិការ​នៃ​អាជ្ញាធរ​ជាតិ​ប្រយុទ្ធ​ប្រឆាំង​គ្រឿងញៀន​។​

​គ្រឿងញៀន ៨៦​គីឡូក្រាម ត្រូវបាន​សមត្ថកិច្ច​នៃ​មន្ទីរ​ប្រឆាំង​គ្រឿងញៀន​ធ្វើ​សន្និសីទកាសែត​បង្ហាញ​សាធារណជន​នៅ​ព្រឹក​ថ្ងៃ​ទី​២៤ ខែ​ឧសភា ឆ្នាំ​២០២២ ដោយ​មន្ត្រី​នៃ​មន្ទីរ​ប្រឆាំង​គ្រឿងញៀន​ដឹកនាំ​ដោយ​លោក​ឧត្តមសេនីយ៍ទោ ឃី​ង សារ៉ាត់​។ ក្នុង​ប្រតិបត្តិការ​ចុះ​បង្ក្រាប​កន្លែង​ស្តុក​សារធាតុ​ញៀន​ចំនួន​២​កន្លែង​ដែល​ដឹកនាំ​ដោយ​ឧត្តមសេនីយ៍ទោ ឃឹង សារ៉ាត់ នាយករង​មន្ទីរ​ប្រឆាំង​បទល្មើស​គ្រឿងញៀន នៃ​អគ្គស្នងការដ្ឋាន​នគរ​បាល​ជាតិ គឺ​មាន​ទីតាំង​ឋិត​នៅផ្ទះ លេខ​៨១ ភូមិ​ក្តី​តាកុយ សង្កាត់​វាល​ស្បូវ រាជធានី​ភ្នំពេញ និង​មួយ​កន្លែង​ទៀត​មាន​ទីតាំង​ឋិត​នៅ​សណ្ឋាគារ​សមុទ្រ​ខៀវ បន្ទប់​១៦០៨ ស្ថិតនៅក្នុង​ភូមិ​១ សង្កាត់​លេខ​៣ ក្រុងព្រះសីហនុ ខេត្ត​ព្រះសីហនុ ដែល​ទីតាំង​ទាំង​ពីរ​កន្លែង​នេះ​ជា​ករណី​ពាក់ព័ន្ធ​គ្នា​។​

​នៅ​ក្នុង​ប្រតិបត្តិការ​ចុះ​បង្ក្រាប​ទីតាំង​កែច្នៃ​ទាំង​ពីរ​កន្លែង​ខាងលើនេះ សមត្ថកិច្ច​នៃ​មន្ទីរ​ប្រឆាំង​បទល្មើស​គ្រឿងញៀន ដែល​ដឹកនាំ​ដោយ​លោក​ឧត្តមសេនីយ៍​ទោឃឹង សារ៉ាត់ នាយករង​មន្ទីរ​ប្រឆាំង​បទល្មើស​គ្រឿង​បាន​រឹបអូស​វត្ថុតាង​ជា​សារធាតុ​ញៀន​ទម្ងន់​៨៦​គីឡូក្រាម ឧបករណ៍​កែច្នៃ​បាន​មួយ​ចំនួន និង​ឃាត់ខ្លួន​ជនសង្ស័យ​ជនជាតិ​ចិន​ចំនួន ០៣​នាក់​៖
​ទី​១-​ឈ្មោះ ជូ ស៊ី ជៀ ភេទ​ប្រុស ជា​ជនជាតិ​ចិនតៃវ៉ាន់​ទី​២-​ឈ្មោះ លី ជឺ ភេទ​ប្រុស ជា​ជនជាតិ​ចិន​
​ទី​៣-​ឈ្មោះ ផឹង ជិង​ឈឹង ភេទ​ប្រុស ជា​ជនជាតិ​ចិន​។​

​លោក​ឧត្តមសេនីយ៍ទោ ឃឹង សារ៉ាត់ បាន​មានប្រសាសន៍​បញ្ជាក់​ថា យោងតាម​ប្រសាសន៍​ដ៏​ខ្ពង់ខ្ពស់​របស់​សម្តេច​អគ្គមហាសេនាបតី​តេជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា បាន​ណែនាំ​ឱ្យ​លើកកម្ពស់​សកម្មភាព ប្រតិបត្តិ​ការទប់ស្កាត់ និង​បង្ក្រាប​បទល្មើស​គ្រឿងញៀន​ដែល​នាំចូល​ពី​ក្រៅ​ប្រទេស ដោយ​ខិតខំ​ពន្លាត​នីតិវិធី​ស្រាវជ្រាវ​រក​ខ្សែរយៈ​ឧក្រិដ្ឋជន​ជួញដូរ​គ្រឿងញៀន​ធំៗ ដើម្បី​បង្ក្រាប​ឱ្យ​ដល់​ឫសគល់​កាលពី​ពេល​ថ្មីៗ​នេះ ទើប​កម្លាំង​នៃ​មន្ទីរ​ប្រឆាំង​បទល្មើស​គ្រឿងញៀន ខិតខំ​ស្រាវជ្រាវ​រហូតដល់​ការចុះ​បង្ក្រាប​ដល់​ទីតាំង​ទាំង​២​កន្លែង​ខាងលើ​។​

​លោក​ឧត្តមសេនីយ៍ទោ ឃឹង សារ៉ាត់ ក៏បាន​សំណូមពរ​ដល់​បងប្អូន​ប្រជាពលរដ្ឋ ជា​ពិសេស​យុវជន​ត្រូវ​ចៀស​ឱ្យ​ឆ្ងាយ​ពី​គ្រឿងញៀន ព្រោះ​គ្រឿងញៀន​បាន​បំផ្លាញ​អនាគត​របស់​យើង គ្រួសារ​យើង ជា​ពិសេស​សង្គម​ជាតិរ​បស់​យើង​ទាំងមូល​។​

​សូមបញ្ជាក់​ថា ការបង្ក្រាប​ទីតាំង​ស្តុក​គ្រឿងញៀន​ទាំង​២​កន្លែង ដែល​រឹបអូស​បាន​សារធាតុ​ញៀន​ប្រមាណ ៨៦ គីឡូក្រាម និង​មនុស្ស​ចំនួន ៣​នាក់ ជា​ជនជាតិ​ចិន​នេះ ត្រូវបាន​មន្ទីរ​ប្រឆាំង​បទល្មើស​គ្រឿងញៀន​កសាង​សំណុំរឿង បញ្ជូនទៅ​តុលាការ​ដើម្បី​អនុវត្ត​តាម​នីតិវិធី​៕

Filed in: ព័ត៌មានជាតិ