ទាន់ហេតុការណ៍
​មេបញ្ជាការ​កងទ័ពជើងគោក​កម្ពុជា ជួប​នាយក​គោលនយោបាយ​អាស៊ី​ខាងត្បូង និង​អាស៊ី​អាគ្នេយ៍ នៃ​ក្រសួង​ការពារជាតិ​អាមេរិក​ ==> យុវជន​សេដ្ឋកិច្ច​រាជធានី​ភ្នំពេញ ថ្លែងអំណរគុណ​ចំពោះ​អភិបាល​រាជធានី​ភ្នំពេញ ដែល​តែងតែ​យកចិត្តទុកដាក់​ចំពោះ​អាជីវករ ពាណិជ្ជករ វិនិយោគិន និង​ពលរដ្ឋ ==> លោកឧត្តមសេនីយ៍ត្រី តេង ច័ន្ទណាត អញ្ជេីញចូលរួមកិច្ច​ប្រជុំផែនការ​ការពារ​ការបោះឆ្នោត​ជ្រេីសរេីស​ក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ ==> ​សម្ដេច​តេជោ ហ៊ុន សែន ទទួល​ជួប​ពិភាក្សា​ការងារ​ជាមួយ​នាយក​រដ្ឋមន្ត្រី​ឥណ្ឌា​តាម​ប្រព័ន្ធ​វីដេអូ​ ==> នាយ​ការរិយាល័យ​នគរបាល​ព្រហ្មទណ្ឌ​កម្រិត​ស្រាល​បាន​ដឹកនាំ​កម្លាំង​ក្រុម​អន្តរាគមន៍​បង្ការ​បង្ក្រាប​ចុះ ប្រតិបត្តិការ បង្ក្រាបករណីលួច​មាន​ស្ថាន​ទម្ងន់ទោស (កាត់តខ្សែភ្លើង យកម៉ូតូ) ==> ​លោក​ឧត្តមសេនីយ៍ត្រី បោ​ន ប៊ិន អញ្ជើញ ជា​អធិបតីភាព​ដ៏​ខ្ពង់ខ្ពស់ បិទ​វគ្គ ហ្វឹកហ្វឺន ការពារ​សន្តិសុខ រក្សា​សណ្តាប់ធ្នាប់ ប្រចាំ​ឆមាស​ទី​១! ==> ​អាវុធហត្ថ​រាជធានី​ភ្នំពេញ ចុះ​បង្ក្រាប​ជាក់ស្តែង ទីកន្លែង​លេង​ល្បែង​ភ្នាល់​ជល់​មាន់ ០២​ទីតាំង​បន្តបន្ទាប់​គ្នា​! ==> ​សម្តេច​អគ្គ​មហា​ពញា​ចក្រី ហេង សំរិន អញ្ជើញ​គោរព​វិញ្ញាណក្ខន្ធ​សព ឯកឧត្តម​សន្តិ​បណ្ឌិត ឌុល គឿន តំណាងរាស្ត្រ​មណ្ឌល​ខេត្ត​កណ្តាល​ ==> ​អភិបាលខេត្ត​កំពង់ចាម ៖ ធនធាន​មនុស្ស​មាន​សារៈសំខាន់​សម្រាប់​ប្រទេស​កំពុង​អភិវឌ្ឍ ដែល​អាស្រ័យ​លើ​កត្តា​សុខសន្តិភាព​ ==> ​សម្តេច​ក្រឡាហោម ស ខេង បាន​អញ្ជើញ​ជា​អធិបតី​ក្នុង​ពិធី​សំណេះសំណាល​ជាមួយ​និវត្តន៍​ជន​ស៊ីវិល​ចំនួន​១៦០៥​នាក់ និង​និវត្តន៍​ជន​អតីតយុទ្ធជន ចំនួន ១៤៤៧​នាក់ នៅ​ក្រុង​បាត់ដំបង​

​អ្នកឧកញ៉ា គិត ម៉េង ដឹកនាំ​គណៈប្រតិភូ​សភា​ពាណិជ្ជកម្ម​កម្ពុជា ជួប​សហគមន៍​ធុរកិច្ច​អាមេរិក បង្ហាញ​សក្តានុពល​វិនិយោគ​នៅ​កម្ពុជា

​អ្នកឧកញ៉ា គិត ម៉េង ដឹកនាំ​គណៈប្រតិភូ​សភា​ពាណិជ្ជកម្ម​កម្ពុជា ជួប​សហគមន៍​ធុរកិច្ច​អាមេរិក បង្ហាញ​សក្តានុពល​វិនិយោគ​នៅ​កម្ពុជា

​ដោយ ៖ គេហទំព័រ «ឆន្ទៈខ្មែរ | Chhan Tak Khmer​» | www.chk-news.com

Tel: 012 82 68 90 / 088 88 26 890 | WhatsApp=012826890

(​វ៉ាស៊ីនតោន​, អាមេរិក​)៖ អ្នកឧកញ៉ា គិត ម៉េង ប្រធានសភា​ពាណិជ្ជកម្ម​កម្ពុជា បាន​ដឹកនាំ​គណៈប្រតិភូ​សភា​ពាណិជ្ជកម្ម​កម្ពុជា ជួប​ជាមួយ​សហគមន៍​ធុរកិច្ច​អាមេរិក​ជា ដើម្បី​ស្វែងរក​ឱកាស​វិនិយោគ​រួមគ្នា និង​បង្ហាញ​សក្តានុពល​វិនិយោគ​នៅ​កម្ពុជា​។​

​ក្នុង​ពិធី​ដែល​បាន​ធ្វើឡើង​នា​ព្រឹក​ថ្ងៃទី​១២ ខែ​ឧសភា ឆ្នាំ​២០២២ នៅ​ទីក្រុង​វ៉ាស៊ីនតោន សហរដ្ឋអាមេរិក មាន​រៀបចំ​បទ​អន្តរាគមន៍​ស្ដីពី​បរិយាកាស​ធុរកិច្ច និង​សេដ្ឋកិច្ច​កម្ពុជា​ពី​សំណាក់​គណៈប្រតិភូ​សភា​ពាណិជ្ជកម្ម​កម្ពុជា ដើម្បី​បង្ហាញ​អំពី​កាលានុវត្តភាព​ធុរកិច្ច និង​ការវិនិយោគ​នៅក្នុង​ប្រទេស​កម្ពុជា​ជូន​ដល់​សហគមន៍​ធុរកិច្ច​អាមេរិក​។​

​អ្នកឧកញ៉ា គិត ម៉េង ប្រធានសភា​ពាណិជ្ជកម្ម​កម្ពុជា បាន​ថ្លែង​ប្រាប់​ដល់​សហគមន៍​ធុរកិច្ច​អាមេរិក អំពី​សក្តានុពល​ជាច្រើន ដែល​ក្រុមហ៊ុន​អាមេរិក អាច​ទៅ​វិនិយោគ​នៅ​កម្ពុជា​ឱ្យ​កាន់តែ​ច្រើន​បន្ថែមទៀត ខណៈ​រាជរដ្ឋាភិបាល​កម្ពុជា​បើកចំហរ​សេដ្ឋកិច្ច​ទទួល​អ្នក​វិនិយោគ​ជាតិ និង​អន្តរជាតិ​។​

​អ្នកឧកញ៉ា ក៏​បាន​ប្រាប់​សហគមន៍​ធុរកិច្ច​អាមេរិក​អំពី​ការខិតខំ​របស់​រាជរដ្ឋាភិបាល​កម្ពុជា អំពី​ការចាក់​ស្រោច​វ៉ាក់សាំង​នៅ​កម្ពុជា បាន ៩៣​ភាគរយ​ក្នុង​ចំនួន​ពលរដ្ឋ​សរុប​១៦​លាន​នាក់ ដែល​ជា​សញ្ញា​ល្អ​សម្រាប់​ការវិនិយោគ​នៅ​កម្ពុជា​។ ក្រៅពី​នេះ​អ្នកឧកញ៉ា គិត ម៉េង ក៏បាន​លើកឡើង​អំពី​ការធ្វើ​ពាណិជ្ជកម្ម​សេរី​រវាង​កម្ពុជា និង​ប្រទេស​ជា​មិត្ត ដែល​ជា​ឱកាស​ល្អ​សម្រាប់​អ្នកវិនិយោគ​ក្នុង​ការនាំ​ចេញ​ទំនិញ​ទៅកាន់​ពិភពលោក​។​

​អ្នកឧកញ៉ា ក៏បាន​លើកឡើង​ដែរ​ថា បច្ចុប្បន្ន​នេះ​កម្ពុជា​មាន​សុខ​សន្តិភាព​ពេញលេញ ក្រោម​ការដឹកនាំ​របស់​សម្តេច​តេជោ ហ៊ុន សែន ហើយក៏​បាន​លើក​អំពី​ទំនាក់ទំនង​សេដ្ឋកិច្ច ពាណិជ្ជកម្ម​រវាង​កម្ពុ​ជា និង​អាមេរិក មាន​ការកើនឡើង ទោះបីជា​មានកូ​វីដ​១៩​។ ក្នុង​នោះ​ទំហំ​ពាណិជ្ជកម្ម​រវាង​ប្រទេស​ទាំង​ពីរ កើនឡើង​រហូត​ដល់​ជិត ១០​ពាន់​លាន​ដុល្លារ​នៅក្នុង​ឆ្នាំ​២០២១ ដោយ​កម្ពុជា​បាន​នាំ​ទំនិញ​ទៅ​កាន់​ទីផ្សារ​អាមេរិក មាន​សម្លៀកបំពាក់​ស្បែកជើង វិស័យ​កសិកម្ម គ្រឿង​សង្ហា​រឹម​ជាដើម​។ ជាមួយគ្នា​នោះ​ក្រុមហ៊ុន​អាមេរិក​ជាច្រើន ក៏​មាន​វត្តមាន​ទៅ​វិនិយោគ​នៅ​កម្ពុជា​ផង​ដែរ​។​

​អ្នកឧកញ៉ា គិត ម៉េង ក៏​បាន​ថ្លែង​អំពី​ទំនាក់ទំនង​ការទូត​រវាង​កម្ពុជា និង​អាមេរិក ដែល​មាន​រយៈពេល ៧២​ឆ្នាំ​មកហើយ​។ ក្នុងនាម​ជា​ប្រធាន​អាស៊ាន​ឆ្នាំ​២០២២ អ្នកឧកញ៉ា គិត ម៉េង ប្រធានសភា​ពាណិជ្ជកម្ម​កម្ពុជា បាន​អញ្ជើញ​គណៈប្រតិភូ​ធុរកិច្ច​អាមេរិក​ទៅ​ទស្សនកិច្ច និង​ស្វែងយល់​ការវិនិយោគ​នៅ​កម្ពុជា​។ សភាពាណិជ្ជកម្ម​កម្ពុជា នឹង​រៀបចំ​កិច្ចប្រជុំ​កំពូល​ធុរកិច្ច និង​វិនិយោគ​អាស៊ាន ដែល​ប្រព្រឹត្ត​ទៅ​នៅ​ខែ​វិច្ឆិកា ឆ្នាំ​២០២២ ដោយ​មាន​ការចូលរួម​ពី​ថ្នាក់ដឹកនាំ​កំពូលៗ​ក្នុង​ពិភពលោក និង​តំបន់ រួម​ទាំង​មាន​អ្នកវិនិយោគ​ជាច្រើន ដែល​នឹង​ទៅកាន់​ប្រទេស​កម្ពុជា​ក្នុង​ការជួប​ពិភាក្សា​គ្នា​។​

​លោក Rubar sandi តំណាង​សហគមន៍​ធុរកិច្ច​អាមេរិក បាន​ថ្លែង​ស្វាគមន៍​ចំពោះ​គណៈប្រតិភូ​សភា​ពាណិជ្ជកម្ម​កម្ពុជា ដែល​បាន​អញ្ជើញ​មក​កាន់​អាមេរិក​នា​ពេល​នេះ ដែល​ជា​ឱកាស​ដ៏​ល្អ​សម្រាប់​វិនិយោគិន ជួប​ប្រាស្រ័យ​ទាក់ទង​គ្នា​ផ្តោត​លើ​ការវិនិយោគ វិស័យ​ហេដ្ឋារចនាសម្ព័ន្ធ វិស័យ​បច្ចេកវិទ្យា​ទឹកស្អាត វិស័យ​បច្ចេកវិទ្យា​ហិរញ្ញវត្ថុ អាជីវកម្ម​សិទ្ធ​ពិសេស វិស័យ​អចល​ទ្រព្យ និង​កម្ម​សិទ្ធ​បញ្ញា​។​ល​។​

​តំណាង​សហគមន៍​ធុរកិច្ច​អាមេរិក ក៏​បាន​ថ្លែង​បង្ហាញ​នូវ​ការចាប់អារម្មណ៍​អំពី​សក្តានុពល​វិនិយោគ​នៅ​កម្ពុជា ព្រមទាំង​មាន​បំណង​សហការ​ជាមួយ​វិនិយោគិន​កម្ពុជា ដើម្បី​ស្វែងរក​ឱកាស​វិនិយោគ​។​

​សូមបញ្ជាក់​ថា ដោយ​ទទួលបាន​ការអនុញ្ញាត​ដ៏​ខ្ពង់ខ្ពស់​ពី​សម្តេច​តេជោ ហ៊ុន សែន នាយករដ្ឋមន្ត្រី​កម្ពុជា អ្នកឧកញ៉ា គិត ម៉េង ប្រធានសភា​ពាណិជ្ជកម្ម​កម្ពុជា បាន​ដឹកនាំ​គណៈប្រតិភូ​សភា​ពាណិជ្ជកម្ម​កម្ពុជា បំពេញ​ទស្សនកិច្ច​ធុរកិច្ច​នៅ​សហរដ្ឋអាមេរិក ចាប់ពី​ថ្ងៃ​ទី​៨ ខែ​ឧសភា ដល់​ថ្ងៃ​ទី​១៥ ខែ​ឧសភា ឆ្នាំ​២០២២ និង​អមដំណើរ​សម្តេច​តេជោ ចូលរួម​កិច្ចប្រជុំ​កំពូល​ពិេស​ស​អាស៊ាន​-​អាមេរិក​៕

Filed in: ព័ត៌មានជាតិ

Bookmark and Promote!

© 2022 ឆន្ទៈខ្មែរ | Chhantak Khmer News. All rights reserved. XHTML / CSS Valid.