ទាន់ហេតុការណ៍
អាវុធហត្ថ​រាជធានី​ភ្នំពេញ បើក​កិច្ចប្រជុំ​ត្រៀម​បំពេញបេសកកម្ម ក្នុង​ដំណើរការ​ឃោសនា​និង​បោះឆ្នោត​ជ្រើសតាំង តំណាងរាស្ត្រ នីតិកាល​ទី​៧! ==> សមត្ថកិច្ច​ចាប់ខ្លួន​ស្ដ្រី​រកស៉ី​ចងការ​លុយ និង​មេ​តុង​ទីន ពាក់ព័ន្ធ​រឿង​ចេញ​សែក​ស្អុយ​២០​ម៉ឺន​ដុល្លារ ==> ឆក់​ទូរស័ព្ទ​ភ្លាម រត់​ឡើង​ម៉ូតូ​គេចខ្លួន​ភ្លាម ក៏​ត្រូវបាន អាវុធហត្ថ ឃាត់ខ្លួន​ភ្លែត​! ==> ប្រសាសន៍សំខាន់ៗរបស់សម្តេចតេជោ ហ៊ុន សែន ឱកាសអញ្ជើញសម្ពោធដាក់ឱ្យប្រើប្រាស់អគារបណ្ឌិត្យសភាភូមិន្ទយុត្តិធម៌កម្ពុជា និងប្រគល់សញ្ញាបត្រជូនសិស្សវិជ្ជាជីវៈតុលាការ ==> ឯកឧត្តម រ័ត្ន ស្រ៊ាង អញ្ជើញ​សំណេះសំណាល​ជាមួយ​មេ​គ្រួសារ​បក្ស នៃ​គណបក្ស​ប្រជាជន​កម្ពុជា ក្នុង​ភូមិ​ដំណាក់​សង្កែ និង​ភូមិ​ព្រែក​រទាំង សង្កាត់​ព្រែក​កំពឹស ខណ្ឌដង្កោ​! ==> លោក​បណ្ឌិត ហ៊ុន ម៉ា​ណែ​ត ផ្តល់​អំណោយ​ជូន​ដល់​និវត្ត​ជន និង​គ្រួសារ​កងទ័ព​ជួប​ការលំបាក ៧៦​គ្រួសារ ==> សម្ដេច​តេជោ ហ៊ុន សែន អញ្ជើញ​សំណេះសំណាល​ជាមួយ​បងប្អូន​កម្មករ​កម្មការិនី នៅ​ក្នុង​សួន​ឧស្សាហកម្ម​ខេ​ម​តុ​ន (CAMTON INDUSTRIAL PARK) ក្នុង​ខេត្ត​កណ្ដាល ==> អំណោយប្រចាំខែ របស់លោកឧត្ដមសេនីយ៍ឯក រ័ត្ន ស្រ៊ាង បានប្រគល់ដល់ដៃពលរដ្ឋទីទាល់ក្រ១៧គ្រួសារ! ==> ធាក់​ប្លន់​ម៉ូតូ​នៅ​ទឹកដី ស្រុក​គងពិសី ខេត្ត​កំពង់ស្ពឺ ត្រូវបាន​អាវុធហត្ថ​រាជធានី​ភ្នំពេញ រក​ឃើញ​ម៉ូតូ​វិញ នៅ​ទឹកដី​ខណ្ឌដង្កោ និង​ឃាត់ខ្លួន​អ្នកពាក់ព័ន្ធ​ម្នាក់ បញ្ជូនទៅ​តុលាការ​! ==> ឆក់​កាបូប​បានសម្រេច គេចខ្លួន​បាន​១០​ថ្ងៃ ចុងក្រោយ ក៏​ត្រូវ​អាវុធហត្ថ​រាជធានី​ភ្នំពេញ តាម​ចាប់បាន​ដដែល​!

សម្តេច​តេជោ ហ៊ុន សែន និង​គណៈប្រតិភូ​ជាន់ខ្ពស់​កម្ពុជា អញ្ជើញ​ទៅ​ដល់​រដ្ឋធានី​វ៉ា​ស៊ិន​តោន សហរដ្ឋអាមេរិក ប្រកប​ដោយ​សុ​វត្តិភាព​

សម្តេច​តេជោ ហ៊ុន សែន និង​គណៈប្រតិភូ​ជាន់ខ្ពស់​កម្ពុជា អញ្ជើញ​ទៅ​ដល់​រដ្ឋធានី​វ៉ា​ស៊ិន​តោន សហរដ្ឋអាមេរិក ប្រកប​ដោយ​សុ​វត្តិភាព​

​ដោយ ៖ គេហទំព័រ «ឆន្ទៈខ្មែរ | Chhan Tak Khmer​» | www.chk-news.com

Tel: 012 82 68 90 / 088 88 26 890 | WhatsApp=012826890

​នៅវេលា​ម៉ោង​១៧ និង​៣៣​នាទី​ល្ងាច​ថ្ងៃទី​១០ ខែ​ឧសភា (​ម៉ោង​នៅ​រដ្ឋធានី​វ៉ា​ស៊ិន​តោន​) ត្រូវ​នឹង ម៉ោង​៦​និង​៣៣​នាទី​ព្រឹក ថ្ងៃទី​១១ ខែ​ឧសភា ឆ្នាំ​២០២២(​ម៉ោង​នៅ​រាជធានី​ភ្នំពេញ​) សម្តេច​អគ្គមហាសេនាបតី​តេជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា និង​ជា​ប្រធាន​អាស៊ាន បាន​អញ្ជើញ​ទៅដល់​រដ្ឋធានី​វ៉ា​ស៊ិន​តោន សហរដ្ឋអាមេរិក ប្រកប​ដោយ​សុ​វត្តិភាព ដើម្បី​អញ្ជើញ​ចូលរួម​កិច្ចប្រជុំ​កំពូល​ពិសេស​អាស៊ាន​-​សហរដ្ឋអាមេរិក ដែល​នឹង​ប្រារព្វ​ធ្វើឡើង​នៅ​ថ្ងៃ​ទី​១២-១៣ ខែ​ឧសភា ឆ្នាំ​២០២២​នេះ​។

​នៅ​អាកាសយានដ្ឋាន​អន្តរជាតិ Joint Base Andrews រដ្ឋធានី​វ៉ា​ស៊ិន​តោន សហរដ្ឋអាមេរិក វត្តមាន​នៃ​ការអញ្ជើញ​ដល់​របស់ សម្តេច​តេជោ​នាយករដ្ឋមន្ត្រី និង​គណៈប្រតិភូ​ជាន់ខ្ពស់​រាជរដ្ឋាភិបាល​កម្ពុជា ត្រូវ​បាន​ការ​ធ្វើ​គារវកិច្ច​ស្វាគមន៍​យ៉ាង​ស្និទ្ធស្នាល​បំផុត ពី​ឥស្សរជន​ជាន់ខ្ពស់ ពិធីការ​ក្រសួង ការបរទេស​សហរដ្ឋ​អាមេរិក ឯកឧត្តម កែវ ជា ឯកអគ្គរាជទូត​វិសាមញ និង​ពេញ​សមត្ថភាព នៃ​ព្រះរាជាណាចក្រ​កម្ពុជា ប្រចាំ​សហរដ្ឋអាមេរិក ព្រមទាំង​វត្តមាន ឯកឧត្តម លោកជំទាវ ជា​ឥស្សរជន​ជាន់ខ្ពស់​សហរដ្ឋអាមេរិក និង​ឥស្សរជន​ការទូត​របស់​ព្រះរាជាណាចក្រ​កម្ពុជា ប្រចាំ​រដ្ឋធានី​វ៉ា​ស៊ិន​តោន ជាច្រើនរូប​។

​សូម​បញ្ជាក់​ដែរ​ថា តាម​កម្មវិធី​ដែល​បាន​គ្រោងទុក ក្រៅពី​ការអញ្ជើញ​ចូលរួម​កិច្ចប្រជុំ​កំពូល ពិសេស​អាស៊ាន​-​សហរដ្ឋអាមេរិក នា​ថ្ងៃ​ទី​១២-១៣​ឧសភា សម្តេច​តេជោ​នាយករដ្ឋមន្ត្រី ក្នុងនាម​ជា​ប្រធាន​អាស៊ាន និង​ជា​សហប្រធាន​នៃ​កិច្ចប្រជុំ​កំពូល​ពិសេស​អាស៊ាន​-​សហរដ្ឋអាមេរិក មាន​គម្រោង​ជួបពិភាក្សា​ទ្វេភាគី​ជាមួយ ឯកឧត្តម ផាម មិញ​ជី​ញ នាយករដ្ឋមន្ត្រី​វៀតណាម និង​បណ្តា​មេដឹកនាំ​អាស៊ាន សហរដ្ឋអាមេរិក ជាច្រើនរូប ពិសេស​ជួប​សន្ទនា​ដោយ​ផ្ទាល់​ជាមួយ សហគមន៍​ខ្មែរ​ប្រមាណ ១​ពាន់​នាក់ រស់នៅ​សហរដ្ឋអាមេរិក​។​

​ចំពោះ​ព័ត៌មាន​ពិស្តារ​ស្តីពី​សកម្មភាព សម្តេច​តេជោ​នាយករដ្ឋមន្ត្រី អញ្ជើញ​ចូលរួម​កិច្ចប្រជុំ​កំពូល ពិសេស​អាស៊ាន​-​សហរដ្ឋអាមេរិក ដែល​ប្រារព្វ​ធ្វើឡើង​នៅ​ថ្ងៃទី​១២-១៣ ឧសភា និង​ពិធី​សំណេះសំណាល ដោយផ្ទាល់​រវាង សម្តេច​តេជោ​នាយករដ្ឋមន្ត្រី ជាមួយនឹង​សហគមន៍​ខ្មែរ​រស់នៅ​សហរដ្ឋអាមេរិក នឹង​ធ្វើការ​ផ្សព្វផ្សាយ​ជូន​ទស្សនា​ដោយ​ផ្ទាល់ ពី​រដ្ឋធានី​វ៉ា​ស៊ិន​តោន សហរដ្ឋអាមេរិក ទៅកាន់​ព្រះរាជាណាចក្រ​កម្ពុជា​៕

Filed in: ព័ត៌មានជាតិ

Bookmark and Promote!

© 2023 ឆន្ទៈខ្មែរ | Chhantak Khmer News. All rights reserved. XHTML / CSS Valid.