ទាន់ហេតុការណ៍
ឧត្តមសេនីយ៍ឯក រ័ត្ន ស្រ៊ាង ជួប​សំណេះសំណាល ថ្លែងអំណរគុណ ដល់​កម្លាំង​អាវុធហត្ថ​ក្រោម​ឱវាទ ទូទាំង​រាជធានី​ភ្នំពេញ​!==>​អាវុធហត្ថ​រាជធានី​ភ្នំពេញ ចូលរួម​អបអរសាទរ ទិវា​អន្តរជាតិ​នារី ៨ មីនា ខួប​លើក​ទី​១១៣!==>​ក្រុមការងារ អាវុធហត្ថ​រាជធានី​ភ្នំពេញ នាំយក​អំណោយ​ចុះសួរសុខទុក្ខ​សមាជិក ដែល​ជួប​គ្រោះថ្នាក់ ផ្ទុះ​ចង្ក្រានហ្គាស ធ្វើអោយ​រលាក​ខ្លួនប្រាណ​!==>ឧត្តមសេនីយ៍ឯក រ័ត្ន ស្រ៊ាង ចាត់​ក្រុមការងារ​អាវុធហត្ថ​ខណ្ឌ​ច្បារអំពៅ នាំយក​អំណោយ​ឧបត្ថម្ភ​ដល់​សមាជិក ដែល​បាន​គ្រោះថ្នាក់​ចរាចរណ៍ ពេល​កំពុង​បំពេញ​ភារកិច្ច​!==>នាយទាហាន នាយទាហានរង នៃ​កងរាជអាវុធហត្ថ​រាជធានី​ភ្នំពេញ ចំនួន ៣៧០​នាក់ ត្រូវបាន​ប្រកាស​តែងតាំង​មុខតំណែង និង​បំពាក់​ឋានន្តរសក្តិ​ថ្មី​!==>​ឯកឧត្ដម ថោ ជេដ្ឋា​ រដ្ឋមន្ត្រី​ក្រសួង​ធនធានទឹក ទទួល​ជួប​សម្តែងការគួរសម​ និង​ពិភាក្សាការងារ​ ជាមួយ​ អ្នកសម្របសម្រួលអង្គការ សហប្រជាជាតិប្រចាំកម្ពុជា ​លោក Joseth Scheuer==>ឧបនាយករដ្ឋមន្ត្រី ស៊ុន ចាន់ថុល៖រាជរដ្ឋាភិបាល ចាត់ទុកគម្រោងសាងសង់ផ្លូវ ៥០សេ និងស្ពានវែងជាងគេប្រវែង ៣.៣០០ម៉ែត្រ តភ្ជាប់ពីកំពង់ឆ្នាំង ទៅកំពង់ធំ ជាគម្រោងអាទិភាពដ៏សំខាន់សម្រាប់ឆ្នាំ ២០២៤នេះ==>អំណោយ​ប្រចាំខែ របស់លោក​ឧត្ដមសេនីយ៍ឯក រ័ត្ន ស្រ៊ាង បាន​ប្រគល់​ដល់ដៃ​ពលរដ្ឋ​ទីទាល់ក្រ​១៧​គ្រួសារ​!==>អាជ្ញាធរខេត្តបាត់ដំបង ដកហូតកាំ​ខ្យល់​ជិត​៣០​ដើម​សម្រាប់​លេង​បាញ់​តុក្កតា នៅ​ក្នុង​កម្មវិធី​បុណ្យបញ្ចុះសីមា​នៅ​វត្ត​អូរ​ដូន​ពៅ ស្ថិត​ក្នុង​ឃុំ​ឃ្លាំង​មាស ស្រុក​ប​វេ​ល ខ្លាច​អាច​បង្ក​គ្រោះថ្នាក់​ដល់​មនុស្ស==>លើកទឹកចិត្តគម្រោងចំនួន២នៅខេត្តព្រះសីហនុ ប្រាក់វិនិយោគជិត ៦០០លានដុល្លារ ទទួលការលើកទឹកចិត្តពី ក្រុមប្រឹក្សាអភិវឌ្ឍន៍កម្ពុជា និងត្រូវបានវាយតម្លៃថា នឹងជះឥទិ្ធពលយ៉ាងវិជ្ជមានដល់សេដ្ឋកិច្ចខេត្តព្រះសីហនុទាំងមូល

ល្បែងស៊ីសង អាប៉ោង​ដ៏​ធំ​ដុះ​ស្លែ នៅ​ចំ​កណ្ដាល​ក្រុង​សៀមរាប ចាក់​ចាញ់ឈ្នះ​រាប់លាន អធិការ​ក្រុង​ហាក់​រក្សា​ភាពស្ងប់ស្ងាត់​

ល្បែងស៊ីសង អាប៉ោង​ដ៏​ធំ​ដុះ​ស្លែ នៅ​ចំ​កណ្ដាល​ក្រុង​សៀមរាប ចាក់​ចាញ់ឈ្នះ​រាប់លាន អធិការ​ក្រុង​ហាក់​រក្សា​ភាពស្ងប់ស្ងាត់​
​ដោយ ៖ គេហទំព័រ «ស៊ី អេច ខេ ញូស៍ | CHK News»
Tel: 012 790 894 | Telegram / WhatsApp : 012 790 894

​ខេត្តសៀមរាប​:​សមត្ថកិច្ច​មូលដ្ឋាន​ពិសេស​អធិការ​រដ្ឋា​ន​នគរបាល​ក្រុង​សៀមរាប ហាក់​រក្សា​ភាពស្ងប់ស្ងាត់​មិនឃើញ​ចុះ​ណែនាំ​និង​បង្ក្រាប​ទាល់តែសោះ ខណៈ​ល្បែងស៊ីសង​ប្រភេទ​អាប៉ោង​ចាក់​ចាញ់ឈ្នះ​រាប់​លាន​ក្នុង​១​ដៃៗ ដែល​មាន​ទីតាំង​នៅ​ចំ​កណ្ដាល​ទីក្រុង​សៀមរាប ស្ថិតនៅក្នុង​ភូមិ​ធ្លក​អណ្តូង ឃុំ​ស្ល​ក្រាប ក្រុង​សៀមរាប ខេត្តសៀមរាប មហាជន​ដាក់​ការសង្ស័យថា ប្រហែលជា​មាន​ការ​ត្រូវរ៉ូវ​គ្នា​ហើយ​មើល​ទៅ​បាន​ជា​ទីតាំង​ខាងលើ​បើក​ដោយ​រលូន​រាប់​ខែ​ឆ្នាំ​បាន​បែបនេះ​។​

​បើ​តាម​ប្រភព​ព័ត៌មាន​ពី​ប្រជាពលរដ្ឋ​បានឲ្យដឹងថា ម្ចាស់​ទីតាំង​មានឈ្មោះ ភា ហើយ​ទីតាំង​ខាងលើ​នេះ​បើក​ឲ្យ​លេង​ជា​យូរ​ឆ្នាំ​មកហើយ ដោយ​ម្ចាស់​ទីតាំង​បានដាក់​សំណែន​សែនព្រេន​ឱ្យ​អ្នកពាក់ព័ន្ធ​ទាំងអស់ ទើបបាន​បើក​ដោយ​រលូន​រហូតមក​ដល់ពេលនេះ​។​

​ប្រភព​ដដែល​បន្តថា ទីតាំង​ខាងលើនេះ​លេង​ចាក់​ចាញ់ឈ្នះ​រាប់លាន​រៀល​ក្នុង ១​ដៃៗ ពោល​គឺ​ក្នុង ១​ដៃ ចាក់​ចាប់ពី ២ លាន​ដល់ ៤​លាន​រៀល ឯ​សង​វិញ​ចាប់ពី ៤​លាន​ដល់ ៨​លាន​រៀល​ឯណ្ណោះ​។​

​ជុំវិញ​បញ្ហា​ខាងលើ​នេះ​ដែរ​អ្នកសារព័ត៌មាន​យើង បានខ​ល​រាយការណ៍​ជូន​លោក​វរសេនីយ៍ទោ ដា ចំរើន អធិការ​នគរបាល​ក្រុង​សៀមរាប នៅ​រសៀល​ថ្ងៃ​ទី​៣០ ខែ​មេសា ឆ្នាំ​២០២២ គ្រាន់តែ​ឮ​ថា​អ្នកសារព័ត៌មាន ក៏​បាន​បិទ​ទូរ​សព្ទ​ភ្លាម ក្រោយមក​ទីតាំង​ល្បែងស៊ីសង​ខាងលើ​ក៏​បាន​បិទ​រយៈពេល​ប្រមាណ ២​ម៉ោង ផងដែរ លុះ​វេលា​ម៉ោង​ប្រមាណ​ជាង ៦​ល្ងាច ក៏​ស្រាប់តែ​បើក​លេង​ឡើងវិញ​ដោយ​រលូន​ដដែល នេះ​សបញ្ជាក់​ឲ្យឃើញ​ថា​មាន​ការឃុបឃិត​គ្នា​រវាង​លោក​អធិការ​និង​ម្ចាស់​ទីតាំង​យ៉ាង​ពិតប្រាកដ ពីព្រោះ​យោង​តាម​ប្រភព​ព័ត៌មាន​ទីតាំង​ខាងលើនេះ​បើក​ឲ្យ​លេង​ជា​ច្រើន​ខែ​ឆ្នាំ​មកហើយ មិនដែល​ឃើញ​អាជ្ញាធរ​ចុះ​បង្ក្រាប​បាន​ម្តងណា​ឡើយ​។​

​ដូច្នេះ​ស្នើឲ្យ​លោកស្នងការ​នគរបាល​ខេត្តសៀមរាប មាន​វិធានការ​ផង​ទាន​!! ដើម្បី​ឲ្យស្រប​តាម​គោលន​យោបា​យ​ភូមិ​ឃុំ​មាន​សុវត្ថិភាព​របស់​ប្រមុខ​រាជរដ្ឋាភិបាល​កម្ពុជា​ដែល​បាន​ដាក់ចេញ​។​ព្រោះថា​មាន​ល្បែងស៊ីសង​តែងតែ​កើតមាន​នូវ​បទល្មើស​ផ្សេងៗ​ដូចជា អំពើចោរកម្ម អំពើហិង្សា​ក្នុង​គ្រួសារ និង​បទល្មើស​ជួញដូរ​និង​ប្រើប្រាស់​គ្រឿងញៀន ព្រោះថា​មាន​ប្រជាពលរដ្ឋ​ខ្លះ​ចាញ់​ល្បែងស៊ីសង​លក់​អស់​ទ្រព្យសម្បត្តិ ដីធ្លី និង​ជំពាក់​បំណុល​ជុំ​ទិស បង្ក​បញ្ហា​អសន្តិសុខ​សង្គម​ជាដើម ទាំងនេះ​ធ្វើឲ្យ​ប្រជាពលរដ្ឋ​រស់នៅ​ដោយ​ភាពភ័យខ្លាច​ទៀតផង បើ​សង្ឃឹម​អាជ្ញាធរ​មូលដ្ឋាន​ចុះ​បង្ក្រាប​នោះ​មិន​អាច​ទៅរួច​នោះទេ ។​

​ពាក់ព័ន្ធ​ទៅនឹង​ការបើកឲ្យ​លេង​ល្បែងស៊ីសង​យ៉ាង​គគ្រឹកគគ្រេង​នៅ​ចំ​កណ្ដាល​ក្រុង​សៀមរាប​នេះដែរ បើ​យោង​តាម​ច្បាប់​ស្តី​អំពី​ការបង្ក្រាប​ល្បែងស៊ីសង​ជំពូក​១ មាត្រា​១ ត្រូវ​ហាមឃាត់​ជាដាច់ខាត​ការលេង​ល្បែងស៊ីសង​គ្រប់​ប្រភេទ នៅ​គ្រប់​ទីកន្លែង​ទូទាំង​ព្រះរាជាណាចក្រ​កម្ពុជា ,​ជំពូក​៣ មាត្រា​៤ ជន​ណា​លេង​ល្បែងស៊ីសង ជន​នោះ​ត្រូវ​ផ្តន្ទាទោស​ពិន័យ​ជា​ប្រាក់​ឬ​ដាក់​គុក​។​ក្នុង​ជំពូក​ដ​ដែរ មាត្រា​១១ ជន​ណា​ដែល​ចេញមុខ​ការពារ​វង់​ល្បែងស៊ីសង​ឬ​បន​ល្បែងស៊ីសង​គ្រប់​ប្រភេទ​នៅទីណា​ក៏​ដោយ​ត្រូវ​ផ្តន្ទាទោស​ដាក់​គុក​ពី​១​ឆ្នាំ ដល់​៥​ឆ្នាំ​ទៀត​ផង​។​

​ពាក់ព័ន្ធ​និង​ករណី​ខាងលើ​នេះ​អង្គភាព យើងខ្ញុំរង់ចាំ​ការបកស្រាយ​បំភ្លឺ​រាល់​ការខ្វះខាត នៅ​ចំណុច​ណាមួយ​ពី​សាមី​ពាក់ព័ន្ធ នៅពេល​ក្រោយ​រាល់​ម៉ោង​ធ្វើការ​ហើយ សូមបញ្ជាក់​ថា រាល់​ការផ្សាយ​របស់​អង្គភាព​យើងខ្ញុំ​ផ្សាយ​ក្នុង​ន័យ​រិះគន់​ដើម្បី​ស្ថាបនា មិន​មាន​ចេតនា​ណាមួយ រិះគន់​ដើម្បី​ជាន់ពន្លិច​ទៅលើ​មន្ត្រី​សាធារណៈ​ណាមួយ​ឡើយ​៕

Filed in: ព័ត៌មានជាតិ