នារសៀលថ្ងៃទី២១ ខែមេសា ឆ្នាំ២០២២ លោកវរសេនីយ៍ឯក ហែម រិទ្ធី មេបញ្ជាការអាវុធហត្ថខណ្ឌមានជ័យ បានចាត់ក្រុមការងារ ជាតំណាង ចុះសួរសុខទុក្ខ គ្រួសារ លោកអនុសេនីយ៍ត្រី កែន ពន្លឺ ជំនួយការ អាវុធហត្ថខណ្ឌមានជ័យ ដែលមានប្រពន្ធទើបសម្រាលកូន ស្នាក់នៅបន្ទប់ជួល ភូមិទួលរការ សង្កាត់ចាក់អង្រែក្រោម ខណ្ឌមានជ័យ។
ក្នុងឱកាសនោះក្រុមការងារបាននាំយកថវិកាចំនួន ៤០០,០០០រៀល (សែសិបម៉ឺនរៀល), ទឹកសុទ្ធ០២កេស, ភេសជ្ជៈ០១កេស, ត្រីខកំប៉ុង០១យួរ, ម៉ាស០១ប្រអប់ ជាអំណោយសួរសុខទុក្ខ និងទុកជាការចែករំលែកសម្រាលបន្ទុកក្នុងក្រុមគ្រួសារផងដែរ៕
