ខេត្តបន្ទាយមានជ័យ ៖ នៅព្រឹកថ្ងៃអង្គារ ៦រោច ខែមាឃ ឆ្នាំឆ្លូវ ត្រីស័ក ព.ស ត្រូវនឹងថ្ងៃទី២២ ខែកុម្ភៈ ឆ្នាំ២០២២ លោកវរសេនីយ៍ទោ ប៉ែន សុគន្ធ មេបញ្ជាការ វរសេនាតូចថ្មើរជើងលេខ៥១៤ អញ្ជើញជាអធិបតីភាពបើកកិច្ចប្រជុំបូកសរុបលទ្ធផលការងារយោធាសន្តិសុខប្រចាំសប្តាហ៍ និងទិសដៅបន្ត នៅទីបញ្ជាការ វរសេនាតូចថ្មើរជើងលេខ៥១៤នៅស្រុកថ្មពួកខេត្តបន្ទាយមានជ័យ។
ក្នុងឱកាសនោះដែរ៖លោកវរសេនីយ៍ទោ ប៉ែន សុគន្ធ មេបញ្ជាការ វរសេនាតូចថ្មើរជើងលេខ៥១៤ បានផ្តាំផ្ញើរដល់កងកម្លាំងទាំងអស់ ដែលកំពុងបំពេញបេសកម្ម ប្រតិបត្តិការ នៅក្រៅអង្គភាព និងក្នុងអង្គភាព ត្រូវតែបន្តយកចិត្តទុកដាក់អោយបានខ្ពស់ និងធ្វើអនាម័យតាមការណែនាំរបស់ក្រសួងសុខាភិបាល ពិសេស អនុវត្តតាម អនុសាសន៍ របស់សម្តេចតេជោ ហ៊ុន សែន នាយករដ្ឋមន្ដ្រី នៃព្រះរាជាណាចក្រកម្ពុជា គឺវិធានការ ៣ការពារ និង ៣កុំទាំងអស់គ្នា ។
ជាចុងក្រោយ៖លោកវរសេនីយ៍ទោ ប៉ែន សុគន្ធ មេបញ្ជាការ វរសេនាតូចថ្មើរជើងលេខ ៥១៤ ក៏បានកោតសសើរគ្រប់អង្គភាព តែងតែយកចិត្តទុកដាក់ទៅលេីការងារបង្កផល-ចិញ្ចឹមសត្វ ដើម្បីធានាចូលផ្ទះបាយរួម ងាយស្រួលក្នុងការប្រមូលផ្តុំកម្លាំងត្រៀមអន្តរាគមន៍ដោះស្រាយរាល់យថាហេតុផ្សេងៗទាន់សភាពការណ៍ពេលមានបទបញ្ជាថ្នាក់លើ ៕
