ក្រុងប៉ោយប៉ែត ៖ នាព្រឹកថ្ងៃអង្គារ ១រោច ខែបុស្ស ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១៨ខែមករាឆ្នាំ២០២២ ដោយមានការយកចិត្តទុកដាក់ពីលោកវរសេនីយ៍ឯក សៅ សារឿន អធិការនគរបាលក្រុងប៉ោយប៉ែត ដឹកនាំដោយលោកវរសេនីយ៍ទោ ឈឿន ប៊ុនថា ឋានៈអធិការរង ផែនការងារចរាចរណ៍នៃអធិការរដ្ឋាននគរបាលក្រុងប៉ោយប៉ែតនឹងលោកវរសេនីយ៍ត្រី បោន ភក្ត្រា ឋានៈនាយផ្នែក,នាយរងផ្នែក និងមន្ត្រីចុះបំពេញភារកិច្ចប្រចាំថ្ងៃដូចជាការរៀបចំសណ្តាប់ធ្នាប់,សម្រួលចរាចរណ៌ដល់សិស្ស,ចែកម៉ាស់,បិតស្ទីកខ័រលើថ្មចែកទ្រូងផ្លូវដែលងាយបង្ករគ្រោះថ្នាក់,អប់រំបងប្អូនរត់តាក់សុីបញ្ឈប់ការចតលើទ្រូងផ្លូវ។ល។
លោកវរសេនីយ៍ទោ ឈឿន ប៊ុនថា ឋានៈអធិការរង ផែនការងារចរាចរណ៍នៃអធិការរដ្ឋាននគរបាលក្រុងប៉ោយប៉ែតក៏បានអំពាវនាវដល់បងប្អូនប្រជាពលរដ្ឋទាំងអស់ នៅក្នុងក្រុងប៉ោយប៉ែតសូមចូលរួមគោរពច្បាប់ចរាចរណ៍ទាំងអស់គ្នា) កុំភ្លេច(៣កុំ ៣ការពារ)។
