បាត់ដំបង ៖ កាលពីថ្ងៃទី២១ ខែធ្នូ ឆ្នាំ២០២១ វេលាម៉ោង១០និង០០នាទី នៅចំណុចវាលស្រែ ស្ថិតក្នុងភូមិអណ្តូងត្រាច ឃុំកំពង់ព្រះ ស្រុកសង្កែ ខេត្តបាត់ដំបង អនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង រួមនឹងយោបល់លោកវរសេនីយ៍ឯក លឹម ពុទ្ធីឡា ស្នងការរងផែនការងារនគរបាលព្រហ្មទ័ណ្ឌ លោកវរសេនីយ៍ឯក ឈឿង គឹមសុង នាយការិយាល័យនគរបាលព្រហ្មទណ្ឌកម្រិតស្រាលបានដឹកនាំកម្លាំងការិយាល័យជំនាញនិងក្រុមអន្តរាគមន៍បង្ការបង្ក្រាបបានសហការជាមួយកម្លាំងនគរបាលការិយាល័យព្រហ្មទណ្ឌកម្រិតធ្ងន់ ដឹកនាំដោយលោកវរសេនីយ៍ទោ វ៉ាន់ តារា ជានាយរងការិយាល័យ និងកម្លាំងអធិការដ្ឋាននគរបាលស្រុកសង្កែ ដែលមានលោកវរសេនីយ៍ឯក ស៊ុន សុវណ្ណ ជាអធិការចុះប្រតិបត្តិការបង្ក្រាបករណីលួចមានស្ថានទម្ងន់ទោស(កាច់សោយកម៉ូតូ) ចំនួន០១ករណី និងបានធ្វើការនាំខ្លួនជនសង្ស័យ ០១ នាក់ ឈ្មោះ លី សុខឡេង (ហៅពៅផល្លាហៅម៉ាប់) ភេទប្រុសអាយុ៣៩ឆ្នាំ មានទីលំនៅមិនពិតប្រាកដ (ជាអ្នកធ្វើសកម្មភាព) មកកាន់ស្នងការដ្ឋាននគរបាលខេត្តបាត់ដំបង ដើម្បីធ្វើការសាកសួរស្រាវជ្រាវ ។
សូមជម្រាបជូនថា មូលហេតុដែលឈានដល់ការឃាត់ខ្លួននេះ គឺនៅព្រឹកថ្ងៃកើតហេតុ នៅចំណុចវាលស្រែ ស្ថិតក្នុងភូមិអណ្តូងត្រាច ឃុំកំពង់ព្រះ ស្រុកសង្កែ ខេត្តបាត់ដំបង ជនសង្ស័យខាងលើ រួមនឹងបក្សពួកបានធ្វើសកម្មភាពកាច់សោរយកម៉ូតូ០១គ្រឿងម៉ាកហុងដាឌ្រីមសេ១២៥ពណ៌ខ្មៅស៊េរីឆ្នាំ២០២១លេខតួ-ម៉ាស៊ីន៥៩០៨៥០៩ពាក់ស្លាកលេខបាត់ដំបង1AM-8879ដែលជារបស់ជនរងគ្រោះឈ្មោះវ៉ាត់មុំភេទប្រុសអាយុ២៤ឆ្នាំមានទីលំនៅភូមិអណ្តូងត្រាចឃុំកំពង់ព្រះស្រុកសង្កែខេត្តបាត់ដំបង ។ ផ្តើមពីសកម្មភាពនេះនឹងទទួលបាននូវព័ត៌មានពីជនរងគ្រោះ ទើបសមត្ថកិច្ចឈានទៅដល់ការបង្ក្រាបនិងឃាត់ខ្លួនបានមុខសញ្ញាម្នាក់រីឯបក្សពួកផ្សេងទៀតបានរត់គេចខ្លួន ។
ឆ្លងតាមរយៈការស្រាវជ្រាវពីជនសង្ស័យរូបនេះ និងដោយបានការសម្របសម្រួល លើនីតិវិធីពីឯកឧត្តម កែវ សុជាតិ ព្រះរាជអាជ្ញា នៃអយ្យការអមសាលាដំបូង ខេត្តបាត់ដំបង នៅថ្ងៃទី២២ ខែធ្នូ ឆ្នាំ២០២១ វេលាម៉ោង១៥និង១២នាទី នៅចំណុចភូមិរហាលទិល ឃុំតាលោ ស្រុកតាលោសែនជ័យ ខេត្តពោធិ៍សាត់ សមត្ថកិច្ចនគរបាលខេត្តបាត់ដំបងបានសហការជាមួយកម្លាំងអធិការដ្ឋាននគរបាលស្រុកតាលោសែនជ័យ នៃស្នងការដ្ឋាននគរបាលខេត្តពោធិសាត់ ដែលដឹកនាំដោយលោកវរសេនីយ៍ទោ អ៊ុល ហៃ ជាអធិការបានធ្វើការនាំខ្លួនជនសង្ស័យ០១នាក់ទៀត ឈ្មោះ ប៉ាល់ ស៊ីនឿន (ហៅគឿតព្រីងហៅស្វិត) ភេទប្រុស អាយុ៥០ឆ្នាំ មានទីលំនៅភូមិពុកឆ្មា ឃុំអន្លង់វិល ស្រុកសង្កែ ខេត្តបាត់ដំបង (ជាអ្នកសមគំនិត) ជាមួយជនសង្ស័យខាងលើមកកាន់ស្នងការដ្ឋាននគរបាលខេត្តបាត់ដំបង។
-*ក្នុងកិច្ចប្រតិបត្តិការនេះសមត្ថកិច្ចដកហូតវត្ថុតាងរួមមាន៖
-រថយន្ត០១គ្រឿងម៉ាកTOYOTALandCruiserពណ៌សស៊េរីឆ្នាំ២០០៩ពាក់ស្លាកលេខភ្នំពេញ2BA-8668
-ម៉ូតូម៉ាកហុងដាឌ្រីមសេ១២៥ពណ៌ខ្មៅស៊េរីឆ្នាំ២០១៧បិតតែមស៊េរីឆ្នាំ២០២០លេខតួ-ម៉ាស៊ីន៩៧៦០១០២ពាក់ស្លាកលេខភ្នំពេញ1FO-1911(ជាមធ្យោបាយជិះធ្វើសកម្មភាព)
-ម៉ូតូម៉ាកហុងដាឌ្រីមសេ១២៥ពណ៌ខ្មៅស៊េរីឆ្នាំ២០១៨បិតតែមស៊េរីឆ្នាំ២០២១ពាក់ស្លាកលេខកំពត1M-5905មួយគ្រឿង
-ដង្កាប់មានដងពណ៌លឿងចំនួន០១
-កូនសោរសម្រាប់ដោះគ្រឿងម៉ូតូចំនួន០២
-តួណឺវីសមានដងពណ៌ខ្មៅចំនួន០១ដេីម
-កូនសោរមានរាងអក្សរអិល(L)០១ដេីម
-ដែកពណ៌សមានរាង៦ជ្រុងសំលៀងមុខរាងសំប៉ែតចុងស្រួចសម្រាប់កាច់សោរម៉ូតូមានប្រវែង៨០សង់ទីម៉ែត្រចំនួន០៣
-ទូរស័ព្ទដៃសេរីចាស់០១គ្រឿង
-ស្រោមដៃចំនួន០១គូរ
-កន្ត្រកម៉ូតូចំនួន០៣
បច្ចុប្បន្ន ការិយាល័យជំនាញកំពុងធ្វើការកសាសំណុំរឿង ដើម្បីបញ្ជូនទៅសាលាដំបូងខេត្តបាត់ដំបងចាត់ការបន្តតាមនីតិវិធីច្បាប់៕
