ឧត្តមសេនីយ៍ឯក រ័ត្ន ស៊្រាង រួមសាមគ្គីគ្នានឹងឧត្ដមសេនីយ៍ត្រី ម៉ក់ សាវុទ្ធី បាននាំយកថវិកា និងទេយ្យវត្ថុប្រគេនដល់ព្រះសង្ឃ គង់នៅវត្តព្រះបារមីវង្គដ្ឋបុរីកបិលភ័ស្តុ

(ភ្នំពេញ)៖ នាព្រឹកថ្ងៃទី២៨ ខែកញ្ញា ឆ្នាំ២០២១ ដែលជាថ្ងៃកាន់បិណ្ឌទី៧ លោកឧត្តមសេនីយ៍ឯក រ័ត្ន ស៊្រាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការកងរាជអាវុធហត្ថរាជធានីភ្នំពេញ ដែលមាន លោកឧត្ដមសេនីយ៍ត្រី ម៉ក់ សាវុទ្ធី មេបញ្ជាការរង កងរាជអាវុធហត្ថរាជធានីភ្នំពេញបាននាំយក បច្ច័យ ចំនួន ១០លានរៀល និងទេយ្យវត្ថុ មួយចំនួន ប្រគេនព្រះសង្ឃគង់ចាំព្រះវស្សា នៅក្នុងឱកាសភ្ជុំបិណ្ឌ វត្ត ព្រះបារមីវង្គដ្ឋបុរីកបិលភ័ស្តុក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ។

រួមមាន ÷អង្ករចំនួន២០បាវ ស្មើនឹង០១តោន,ទឹកសុទ្ធចំនួន៤០កេស,ទឹកក្រូច២០កេស,ទឹកដោះគោបឺត១០កេស,មី២០កេស,ទឹកត្រីទឹកស៊ីអ៊ីវ២០យួរ,ត្រីខកំប៉ុង០២កេស,ស្ករគ្រាប់០២កេស ប្រគេនដល់ព្រះសង្ឃដែលគង់នៅវត្តព្រះបារមីវង្គដ្ឋបុរីកបិលភ័ស្តុ ក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ។

ព្រោះតែបញ្ហាកូវីដ១៩ បានធ្វើឲ្យពិធីកាន់បិណ្ឌ នៅតាមវត្តអារាមក្នុងឆ្នាំនេះ ត្រូវបានរឹតត្បិត ដោយមិនមានការជួបជុំ ឈរលើគោលការណ៍ «៣ការពារ និង៣កុំ» ទើបលោកឧត្តមសេនីយ៍ឯក រ័ត្ន ស្រ៊ាង មិនបានអញ្ជើញទៅវត្ត ដើម្បីកាន់បិណ្ឌដោយផ្ទាល់ ទើបលោក សហការ សាមគ្គី ស្រុះស្រួលសាមគ្គីគ្នា ចាត់តំណាង ក្រុមការងារ នាំយកថវិកា និងទេយ្យវត្ថុទៅប្រគេនព្រះសង្ឃតាមវត្តនីមួយៗក្នុងរាជធានីភ្នំពេញ៕