ទាន់ហេតុការណ៍
លោកឧត្តមសេ​នីយ៍ត្រី ជុំ សេដ្ឋា ដាក់​បទបញ្ជាដ​ល់​មេបញ្ជាការ តាមបណ្តា​កងឯ​កភាព​ទាំងអស់​ចំណុះកងពល បន្តពង្រឹងប​ន្ថែមទៀត​ចំពោះ​ការ​ងារបង្កបង្កើ​ន-ចិញ្ចឹមសត្វទៅតាម​ដំណាក់​កាល​និមួយៗ ==> តើលោកទូ ​សាភឿត រៀបគ​ម្រោងវាស់​ដីធ្វើប្លង់​បើ​ទោះជាបង់លុយអោយ ម្ចាស់ដីមិ​នគ្រប់​ក៏ដោយ…..! ==> រដ្ឋមន្រ្តីវេង សាខុន និងថ្នាក់ដឹកនាំក្រសួងបានចូល រួមប្រជុំការពារ សេចក្តីព្រាងច្បាប់ស្តីពី”ការអ នុម័តយ​ល់ព្រមលើ​ពិធីសារធ្វើវិសោធនកម្មកិច្ចព្រមព្រៀងអាស៊ានបូកបីស្តីពី ការត្រៀមបម្រុង អង្ករ​សង្គ្រោះ បន្ទាន់”នៅទីស្តីកា​រក្រសួងកសិកម្ម រុក្ខាប្រមាញ់ និងនេសាទ ==> យោធាថៃឃាត់ខ្លួនពលរដ្ឋខ្មែរ៨នាក់ ដែលបម្រុងឆ្លងដែនទៅប្រទេសថៃខុសច្បាប់, ពួកគេចំណាយលុយឲ្យមេខ្យល់ម្នាក់ៗ ៣ ទៅ ៤ ពាន់បាត ==> អតីតសិស្សសាលាបាក់ទូក មួយក្រុម បានសម្តែងការក្តុកក្តួល និងចូលរួមរំលែកមរណៈទុក្ខ ដល់អតីតសាស្ត្រាចារ្យបរិញ្ញាប័ត្រភាសាខ្មែរ នាទសវត្សឆ្នាំ១៩៦០! ==> បញ្ជូនមេ​ខ្យល់​ នាំម​នុស្សឆ្លងដែ​នខុសច្បាប់​ ទៅរក​កា​រងាធ្វើ​នៅប្រ​ទេសថៃ ​​ចំនួន៦នាក់ ទៅសា​លាដំបូង​ខេត្តបន្ទាយមានជ័យ ==> ស្នងការនគរបាលខេត្តបន្ទាយមានជ័យ បញ្ជូនមន្ត្រីនគរបាល៤១នាក់ ​ទៅរៀនពីវិធីយកសំណាក យកចំណេះ​មក​អនុវត្តក្នុង​អង្គភាព ==> អភិបាលខេត្តប៉ៃលិន បើកយុទ្ធនា​ការចាក់វ៉ាក់សាំង​ប្រឆាំងកូវីដ១៩ ជូនដល់​កុមារអាយុចាប់ពី ០៦ឆ្នាំ ដល់អា​យុក្រោម ១២ឆ្នាំចំនួន៤ទីតាំង ==> ឯកឧត្តម អ៊ូច ភា អភិបាលខេត្តតាកែវ អញ្ជើញដាំកូ​នឈើនៅ​សួនច្បា​រសម្ដេច​វិបុលបញ្ញា សុខអាន ក្នុង​ក្រុ​ងដូន​កែវ ==> រដ្ឋបាលក្រុង​ប៉ោ​យប៉ែត ​នាំយក​ទេ​យ្យទាន ទេយ្យវត្ថុ និង​បច្ច័យមួយ​ចំនួន របស់ឯកឧត្តម​នា​យ​ឧត្តម​សេនីយ៍ ឧបនាយករដ្ឋមន្ត្រី ​កែ គឺមយ៉ាន ​និងលោ​កជំទា​វ ប្រគេន​ដល់ព្រះស​ង្ឃចំ​នួន​២​១វត្ត នៅក្រុង​ភូមិ​សាស្ត្រក្រុងប៉ោយប៉ែតទាំ​ងមូល

អាវុធហត្ថ​រាជធានី​ភ្នំពេញ បង្ក្រាប​ជនសង្ស័យ ដែល​ជាប់​ពាក់ព័ន្ធ​បទល្មើស​ច្រើន​ជាប់​ខ្លួន​!

អាវុធហត្ថ​រាជធានី​ភ្នំពេញ បង្ក្រាប​ជនសង្ស័យ ដែល​ជាប់​ពាក់ព័ន្ធ​បទល្មើស​ច្រើន​ជាប់​ខ្លួន​!

​ដោយ ៖ គេហទំព័រ «ឆន្ទៈខ្មែរ | Chhan Tak Khmer​» | www.chk-news.com

Tel: 012 82 68 90 / 088 88 26 890 | WhatsApp=012826890

នា​រសៀល​ថ្ងៃ​ទី​១០ ខែ​កញ្ញា ឆ្នាំ​២០២១ សមត្ថកិច្ច​ជំនាញ​នៃ​ការិយាល័យ​ប្រឆាំង​ការជួញដូរ​មនុស្ស​និង​ការពារ​អ​និតិ​ជន កងរាជអាវុធហត្ថ​រាជធានី​ភ្នំពេញ បាន​បញ្ជូន​ជនសង្ស័យ​ម្នាក់​ទៅ​តុលាការ ដើម្បី​ផ្តន្ទាទោស​តាមច្បាប់ ពាក់ព័ន្ធ​ករណី ហិង្សា​ក្នុង​គ្រួសារ​, បង្ខាំង​មនុស្ស​ដោយ​ចេតនា​ទុច្ចរិត ក្នុង​គោលដៅ​គំរាម​ទារ​ប្រាក់​ពី​ប្រពន្ធ​របស់​ខ្លួន​, កាន់កាប់​អាវុធ ដោយ​ខុសច្បាប់ និង រំលោភ​សេពសន្ថវៈ​ទៅលើ​កូនស្រី​ចុង ដោយ​គំរាមកំហែង​ថា​នឹង​សម្លាប់​។ លើសពីនេះទៅទៀត ជនសង្ស័យ​រូបនេះ ក៏​ជា​បុគ្គល​ដែល​ល្បី​សំបូរ​រឿងក្តី មិនចេះចប់ ក្នុង​រយៈកាល​កន្លងមក ទាំង​នៅ​តាម​បណ្តា​ខេត្ត​និង​រាជធានី​។​

ជនសង្ស័យ​ឈ្មោះ ឡេង ប៊ុន​ស្រ៊ី ភេទ​ប្រុស អាយុ​៥៦​ឆ្នាំ មាន​ស្រុកកំណើត ឃុំ​ស្វាយ​ឃ្លាំង ស្រុក​ក្រូចឆ្មា ខេត្ត​កំពង់ចាម បាន​ចាប់ដៃ​គ្នា​ជា​ប្តី​ប្រពន្ធ ជាមួយ​ស្ត្រី​ម្នាក់​មេម៉ាយ​កូន​០៥ កាលពី​ចុងឆ្នាំ​២០១១​លុះដល់​ចុង​ឆ្នាំ​២០១៩ ជនសង្ស័យ​បាន​ដាក់​ពាក្យបណ្តឹង​នៅ​តុលាការ ដើម្បី​សុំ​លែងលះ​ប្រពន្ធ​និង​ចែក​ទ្រព្យសម្បត្តិ​គ្នា ប៉ុន្តែ​ជនសង្ស័យ​បែរ​ជា​ប្រាប់ ប្រពន្ធ​ថា ខ្លួន​បាន​ដាក់​បណ្តឹង​ព្រហ្មទណ្ឌ​ឲ្យ​តុលាកា​រចាប់​ប្រពន្ធ​ដាក់គុក បើ​ប្រពន្ធ​ចង់​រួច​បណ្តឹង​ត្រូវធ្វើ​កិច្ច​ព្រមព្រៀង លែងលះ​គ្នា​ដោយ​ស្ម័គ្រចិត្ត ចែក​ទ្រព្យសម្បត្តិ​គ្នា​ពាក់កណ្តាល​រួមមាន​ដីធ្លី​នៅ​អង្គស្នួល​០២​កន្លែង​និង​ផ្ទះ​នៅ​អូរ​បែកក្អម ០១​កន្លែង ព្រមទាំង​ត្រូវ​សង​លុយ​ឲ្យ​ជនសង្ស័យ ១៨​ម៉ឺន​ដុល្លារ​នៅពេលណា​ដែល លក់​ដី​ដែល​ជា​ទ្រព្យ​ផ្ទាល់​របស់​ប្រពន្ធ នៅឯ​ខេត្ត​សៀមរាប​ដាច់​។
ស្រាប់តែ​ពេល​ប្រពន្ធ​ចូលដល់​តុលាការ ទើប​ដឹង​ថា​ប្តី​ខ្លួន​ប្តឹង​លែងលះ​ទៅវិញ ពុំមែន​ប្តឹង​រឿង ព្រហ្មទណ្ឌ​ដើម្បី​ចាប់ខ្លួន​ដាក់គុក​ដូច​ការ​គម្រាម​របស់​ប្តី​ឡើយ ដូច្នេះ ប្រពន្ធ​ក៏​មិន​ព្រម​យក​កិច្ចព្រមព្រៀង​បែងចែក​ទ្រព្យ​និង សង​លុយ​ឲ្យ​ជនសង្ស័យ​នោះ ប្រគល់​ទៅឲ្យ​តុលាការ​ទេ ក្រោយ​មក​ជនសង្ស័យ​ដែល​ជា​ប្ដី បាន​ហៅ​ប្រពន្ធ​មក​គំរាម ដោយ​ដាក់​កាំភ្លើង​លើ​តុ​ហើយ​គំរាម​ថា​បើ​មិន​យក​កិច្ចព្រមព្រៀង​នេះ​ទៅ​ដាក់​ឲ្យ​តុលាការ​ទេ​ប្រយ័ត្ន កូនកំព្រា​អត់​ម្ដាយ ។ តែ​ដោយ​ពួក​ខ្លួន​រស់នៅ​ជាមួយគ្នា ពុំ​មាន​អេតាស៊ី​វិល តុលាការ​បាន​លើកចោល​ការទាមទារ​សុំ​ឈប់​រស់នៅ​ជា​អ​និតិ​សង្វាស របស់​ដើមចោទ តែ​ឲ្យ​អនុវត្ត​កិច្ច​ព្រមព្រៀង​ដែល​ប្តី​បាន​បង្ខំ​ឲ្យ​ប្រពន្ធ​ធ្វើ​មុន​ចូល​តុលាការ​ទៅ​វិញ​។ នៅ​ខែ​ឧសភា ឆ្នាំ​២០២០ ជនសង្ស័យ​បាន​សុំ​ប្រពន្ធ ត្រូវ​រូ​វ​គ្នា​វិញ និង​បាន​ចុះ​អេតាស៊ី​វិល​ជាមួយ​គ្នា​ដើម្បី​បញ្ជាក់​ចិត្ត​ស្មោះ​។ លុះ​នៅ​ថ្ងៃទី​០៥ ខែ​កញ្ញា ឆ្នាំ​២០២១ ជនសង្ស័យ បាន​បង្ខំ​ឲ្យ​ប្រពន្ធរ​ក​លុយ​មកឲ្យ​ខ្លួន​១៨​ម៉ឺន​ដុល្លារ តាម​កិច្ចព្រមព្រៀង​ដែល​ខ្លួន​បាន​ធ្វើ​ជាមួយគ្នា មុន​ពេល​ចុះ​អេតាស៊ី​វិល តែ​ប្រពន្ធ​មិន​ព្រម​ឲ្យ​លុយ​នោះ ក៏​បង្ក​ជា​ជម្លោះ​ឈានទៅដល់​ការប្រើ​ហិង្សា ហើយ​ជនសង្ស័យ ក៏​បាន​ដេញ​ប្រពន្ធ​ចេញពីផ្ទះ ប្រពន្ធ​ក៏​បាន​មក​ដាក់​ពាក្យបណ្តឹង​នៅ​បញ្ជាការដ្ឋាន កងរាជអាវុធហត្ថ​រាជធានី​ភ្នំពេញ​។

​នៅ​ថ្ងៃ​ទី ០៧ ខែ​កញ្ញា ឆ្នាំ​២០២១ សមត្ថកិច្ច​ទទួលបាន​ការសុំ​អន្តរាគមន៍​ពី​ដើមបណ្តឹង​បន្ថែមថា កូន​របស់​គាត់​០២​នាក់ ត្រូវ​បា​ជនសង្ស័យ​បង្ខាំង​ទុក​ក្នុងផ្ទះ សូម​ឲ្យ​សមត្ថកិច្ច​ជួយ​រំដោះ​កូន​គាត់​ផង​។ មន្ត្រី​ជំនាញ​នៃ​កងរាជអាវុធហត្ថ រាជធានី​ភ្នំពេញ បាន​ចុះ​អនុវត្ត​ជាក់ស្តែង នៅ​ចំណុច ផ្ទះ​លេខ​៤៩ ផ្លូវលំ ភូមិ​ត្រពាំង​ឈូក សង្កាត់​អូរ​បែកក្អម ខណ្ឌ​សែន​សុខ រាជធានី​ភ្នំពេញ រកឃើញថា ជនសង្ស័យ​ពិតជា​ចាក់សោរ​បង្ខាំង​មនុស្ស​០២​នាក់​ខុសច្បាប់ ដែល​ត្រូវជា​កូនចុង​របស់ ជនសង្ស័យ (​ក្នុងនោះ​មាន​អ​និតិ​ជន​ម្នាក់​) ពិតមែន ហើយ​ជនសង្ស័យ​បាន​គេចខ្លួន ពេល​បាន​ឃើញ​កម្លាំង​សមត្ថកិច្ច​។ សមត្ថកិច្ច​ព្រមទាំង​អាជ្ញាធរ​ភូមិ បាន​ធ្វើ​ការអន្តរាគមន៍​កាត់​សោ​ផ្ទះ រំដោះ​កូន​ទាំង​ពីរ​នាក់​នោះ​មក​វិញ​។​

ក្រោយពេល​មន្ត្រី​ជំនាញ តាមរក​ជនសង្ស័យ​ឃើញ​នា​ព្រលប់​ថ្ងៃទី ០៧ ខែ​កញ្ញា ឆ្នាំ​២០២១ ក៏​បាន​ហៅ​ជនសង្ស័យ មកកាន់​ការិយាល័យ​ដើម្បី​បំភ្លឺ ស្រាប់តែ​កូនស្រី​ចុង​របស់​ជនសង្ស័យ បាន​បង្ហើប​ថា​នាង​ក៏​ជា ជនរងគ្រោះ ធ្លាប់​ត្រូវបាន ជនសង្ស័យ​ដែល​ជា​ឪពុកចុង ចាប់រំលោភ​ផងដែរ​តែ​នាង​មិន​ហ៊ាន​ប្រាប់​អ្នកណា​ទេ ព្រោះ​ជនសង្ស័យ​បាន​គម្រាម​ថា នឹង សម្លាប់ចោល ម្យ៉ាង​ជនសង្ស័យ​ធ្លាប់មាន​ប្រវត្តិ​ជាប់គុក​០៦​ឆ្នាំ​ព្រោះ​សម្លាប់​មនុស្ស​ពីមុនមក និង​តែងតែ​បង្ក អំពើហិង្សា​ក្នុង​គ្រួសារ ជារឿយៗ ព្រមទាំង​មាន​កាំភ្លើងខ្លី​មួយ​ដើម​ទៀត ហើយ​សមត្ថកិច្ច ក៏​បាន​ដកហូត កាំភ្លើង​ហ្គាស​បាញ់​គ្រាប់កង់ ០១​ដើម​ពី​ផ្ទះ​ជនសង្ស័យ​ផងដែរ​។ រឹតតែ​ភ្ញាក់ផ្អើល​ទៅទៀត​នោះ ជនសង្ស័យ ឡេង ប៊ុន​ស្រ៊ី នេះ ក៏​ធ្លាប់​មាន​រឿងអាស្រូវ​ជាច្រើន​នៅ​តាម​ខេត្ត​ទៀត​ផង​៕


Filed in: ព័ត៌មានជាតិ

Bookmark and Promote!

© 2021 ឆន្ទៈខ្មែរ | Chhantak Khmer News. All rights reserved. XHTML / CSS Valid.