(ភ្នំពេញ)៖ នៅថ្ងៃពុធ ទី០១ ខែកញ្ញា ឆ្នាំ២០២១ ដោយអនុវត្តតាមគោលការណ៍ដឹកនាំរបស់ លោក សុខ ពេញវុធ អភិបាល នៃគណៈអភិបាលខណ្ឌដូនពេញ និងជាប្រធានគណៈបញ្ជាការឯកភាពខណ្ឌដូនពេញ លោក ប៊ុន សុភ័ក្ត្រ អភិបាលរងខណ្ឌ បានដឹកនាំកម្លាំងចុះអនុវត្តការងារដូចខាងក្រោម៖
១-ចុះរៀបចំសណ្តាប់ធ្នាប់មហាវិថី ព្រះនរោត្តម មហាវិថី ព្រះសីហនុ មហាវិថី ព្រះមុនីវង្ស តីរវិថី ព្រះស៊ីសុវត្ថិ ផ្លូវលេខ ៩០ ៩២ ៩៦ ៤៧ ១៥ ១០៦ ១០៨ ៩០០ ៩៣ ៧០ ៧២ ៥ ៤៧ ៧៤ ៧៦ ៨០ ៨៦ ផ្លូវជាតិលេខ៥ ផ្លូវបេតុងទី១ ២ ៣ ជាលទ្ធផល៖
– ចាក់សោរកង់រថយន្តទុកនៅនឹងកន្លែងចំនួន ០៨គ្រឿង
– ស្ទូចរថយន្តចំនួន ០២គ្រឿង យកទៅរក្សាទុកនៅអធិការដ្ឋាននគរបាលខណ្ឌដូនពេញ
– ឃាត់ម៉ូតូកង់បីឥណ្ឌាចំនួន ០៤គ្រឿង ម៉ូតូរ៉ឺម៉កចំនួន ០៤គ្រឿង ម៉ូតូចំនួន ០២គ្រឿង និងកង់ចំនួន ០២គ្រឿងយកមករក្សាទុកនៅសាលាខណ្ឌ។
២-ដាក់កម្លាំងល្បាត និងពួនស្ទាក់តាមគោលដៅឃាត់រថយន្តធុនធំចូលរាធានីភ្នំពេញខុសម៉ោងកំណត់ និងតាមតម្រាយផ្លូវហាមឃាត់បានចំនួន ០០គ្រឿង។
៣-ដាក់បទបញ្ជាឱ្យអធិការដ្ឋាននគរបាលខណ្ឌ បញ្ជាការដ្ឋានខណ្ឌ និងប្រជាការពារខណ្ឌ ដាក់កម្លាំងចុះល្បាត និងដាក់គោលដៅពួនស្ទាក់ចាប់ឃាត់ទុករថយន្ត ម៉ូតូ កែបំពង់សំឡេងខុសលក្ខណៈបច្ចេកទេស ដែលបណ្តាលប៉ះពាល់ដល់ការរស់នៅរបស់ប្រជាពលរដ្ឋ និងអ្នកធ្វើតាមតម្រាយផ្លូវដែលបានឆ្លងកាត់បានរថយន្តចំនួន ០២គ្រឿង ម៉ូតូចំនួន ០៦គ្រឿង យកមកអប់រំណែនាំឱ្យកែតម្រូវបំពង់សំឡេងឱ្យបានត្រឹមត្រូវទៅតាមលក្ខណៈបច្ចេកទេសរួចទើបអនុញ្ញាតឱ្យទៅវិញ។
៤-អនុវត្តច្បាប់ចរាចរណ៍ជើងគោកនៅគោលដៅវិមានឯករាជ្យឃាត់កង់បានចំនួន ០១គ្រឿង។
៥-ចុះផ្សពផ្សាយចែកសេចក្តីជូនដំណឹងស្តីពីការរៀបចំសណ្តាប់ធ្នាប់នៅតាមដងផ្លូវលេខ៥ ចាប់ពីផ្លូវលេខ១១០ ដល់ផ្លូវលេខ១៤៨ បានចំនួន ៣០ទីតាំង និងធ្វើកំណត់ហេតុបានចំនួន ០៨ទីតាំង។
៦-ប្រមូលជនអនាថាមកយកសំណាក និងធ្វើចត្តាឡីស័ក នៅវិទ្យាល័យ ហ៊ុន សែន ប៊ុន រ៉ានី វត្តភ្នំ បានចំនួន ០២នាក់
៧-ចុះផ្សព្វផ្សាយសេចក្តីសម្រេចលេខ ២៧៣/២១ សសរ ចុះថ្ងៃទី២៥ ខែសីហា ឆ្នាំ២០២១ ហាមមិនឱ្យមានការជួបជុំហាត់ប្រាណនៅលើសួន CDC សួនវិមានឯករាជ្យ សួននាគបាញ់ទឹក និងសួនមុខព្រះបរមរាជវាំង រហូតដល់សួនមុខផ្សាររាត្រី៕
