ទាន់ហេតុការណ៍
ឧត្តមសេនីយ៍ឯក រ័ត្ន ស្រ៊ាង ជួប​សំណេះសំណាល ថ្លែងអំណរគុណ ដល់​កម្លាំង​អាវុធហត្ថ​ក្រោម​ឱវាទ ទូទាំង​រាជធានី​ភ្នំពេញ​!==>​អាវុធហត្ថ​រាជធានី​ភ្នំពេញ ចូលរួម​អបអរសាទរ ទិវា​អន្តរជាតិ​នារី ៨ មីនា ខួប​លើក​ទី​១១៣!==>​ក្រុមការងារ អាវុធហត្ថ​រាជធានី​ភ្នំពេញ នាំយក​អំណោយ​ចុះសួរសុខទុក្ខ​សមាជិក ដែល​ជួប​គ្រោះថ្នាក់ ផ្ទុះ​ចង្ក្រានហ្គាស ធ្វើអោយ​រលាក​ខ្លួនប្រាណ​!==>ឧត្តមសេនីយ៍ឯក រ័ត្ន ស្រ៊ាង ចាត់​ក្រុមការងារ​អាវុធហត្ថ​ខណ្ឌ​ច្បារអំពៅ នាំយក​អំណោយ​ឧបត្ថម្ភ​ដល់​សមាជិក ដែល​បាន​គ្រោះថ្នាក់​ចរាចរណ៍ ពេល​កំពុង​បំពេញ​ភារកិច្ច​!==>នាយទាហាន នាយទាហានរង នៃ​កងរាជអាវុធហត្ថ​រាជធានី​ភ្នំពេញ ចំនួន ៣៧០​នាក់ ត្រូវបាន​ប្រកាស​តែងតាំង​មុខតំណែង និង​បំពាក់​ឋានន្តរសក្តិ​ថ្មី​!==>​ឯកឧត្ដម ថោ ជេដ្ឋា​ រដ្ឋមន្ត្រី​ក្រសួង​ធនធានទឹក ទទួល​ជួប​សម្តែងការគួរសម​ និង​ពិភាក្សាការងារ​ ជាមួយ​ អ្នកសម្របសម្រួលអង្គការ សហប្រជាជាតិប្រចាំកម្ពុជា ​លោក Joseth Scheuer==>ឧបនាយករដ្ឋមន្ត្រី ស៊ុន ចាន់ថុល៖រាជរដ្ឋាភិបាល ចាត់ទុកគម្រោងសាងសង់ផ្លូវ ៥០សេ និងស្ពានវែងជាងគេប្រវែង ៣.៣០០ម៉ែត្រ តភ្ជាប់ពីកំពង់ឆ្នាំង ទៅកំពង់ធំ ជាគម្រោងអាទិភាពដ៏សំខាន់សម្រាប់ឆ្នាំ ២០២៤នេះ==>អំណោយ​ប្រចាំខែ របស់លោក​ឧត្ដមសេនីយ៍ឯក រ័ត្ន ស្រ៊ាង បាន​ប្រគល់​ដល់ដៃ​ពលរដ្ឋ​ទីទាល់ក្រ​១៧​គ្រួសារ​!==>អាជ្ញាធរខេត្តបាត់ដំបង ដកហូតកាំ​ខ្យល់​ជិត​៣០​ដើម​សម្រាប់​លេង​បាញ់​តុក្កតា នៅ​ក្នុង​កម្មវិធី​បុណ្យបញ្ចុះសីមា​នៅ​វត្ត​អូរ​ដូន​ពៅ ស្ថិត​ក្នុង​ឃុំ​ឃ្លាំង​មាស ស្រុក​ប​វេ​ល ខ្លាច​អាច​បង្ក​គ្រោះថ្នាក់​ដល់​មនុស្ស==>លើកទឹកចិត្តគម្រោងចំនួន២នៅខេត្តព្រះសីហនុ ប្រាក់វិនិយោគជិត ៦០០លានដុល្លារ ទទួលការលើកទឹកចិត្តពី ក្រុមប្រឹក្សាអភិវឌ្ឍន៍កម្ពុជា និងត្រូវបានវាយតម្លៃថា នឹងជះឥទិ្ធពលយ៉ាងវិជ្ជមានដល់សេដ្ឋកិច្ចខេត្តព្រះសីហនុទាំងមូល

​លោក ឃួ​ង ស្រេង ផ្ដល់​ថវិកា​៥​លាន​រៀល តាមរយៈ​អភិបាល​ខណ្ឌ​ពោធិ៍​សែន​ជ័យ ចូល​បុណ្យ​សព​ក្មេងប្រុស​ដែល​ត្រូវ​ឃាតក​សម្លាប់​ច្រក​កា​រ៉ុង​

​លោក ឃួ​ង ស្រេង ផ្ដល់​ថវិកា​៥​លាន​រៀល តាមរយៈ​អភិបាល​ខណ្ឌ​ពោធិ៍​សែន​ជ័យ ចូល​បុណ្យ​សព​ក្មេងប្រុស​ដែល​ត្រូវ​ឃាតក​សម្លាប់​ច្រក​កា​រ៉ុង​
​ដោយ ៖ គេហទំព័រ «ស៊ី អេច ខេ ញូស៍ | CHK News»
Tel: 012 790 894 | Telegram / WhatsApp : 012 790 894

(​ភ្នំពេញ​)៖ លោក ឃួ​ង ស្រេង អភិបាល​រាជធានី​ភ្នំពេញ បាន​ផ្ដល់​ថវិកា​ចំនួន ៥​លាន​រៀល តាមរយៈ​អភិបាល​ខណ្ឌ​ពោធិ៍​សែន​ជ័យ លោក ហែម ដា​រិទ្ធិ ចូលរួម​បុណ្យសព​ក្មេងប្រុស​ម្នាក់​ដែល​ត្រូវ​ឃាតក​សម្លាប់​ច្រក​កា​រ៉ុង​ដាក់​ក្នុង​បន្ទប់ទឹក​ផ្ទះជួល​មួយកន្លែង​កាលពី​២​ថ្ងៃមុន នៅ​ភូមិ​ត្រពាំង​ក្រសាំង សង្កាត់​ត្រពាំង​ក្រសាំង ខណ្ឌ​ពោធិ៍​សែន​ជ័យ​។​

​លោក ហែម ដា​រិទ្ធិ បាន​ចាត់​តំណាង​ឲ្យ​នាំយក​ថវិកា ៥​លាន​រៀល​នោះ ទៅ​ប្រគល់ជូន​ក្រុមគ្រួសារ​សព​ដល់​ទូ​កន្លែង​ធ្វើបុណ្យ ស្ថិតនៅ​ក្នុង​វត្ត​ស្នរ ជាប់​ជើងភ្នំ​ស្នរ ភូមិ​តា​នួន ឃុំ​ព្រះ​ផុស ស្រុក​គាស់​ក្រ​ទ្ប ខេត្ត​បាត់ដំបង នា​វេលា​រសៀល​ថ្ងៃទី​២៨ ខែ​សីហា ឆ្នាំ​២០២១ ដើម្បី​ចូលរួម​រំលែក​ទុក្ខ​ជាមួយ​ក្រុម​គ្រួសារ​នៃ​សព​។​

​បើ​តាម​តំណាង​លោក ហែម ដា​រិទ្ធិ បាន​ប្រាប់​បណ្ដាញសារព័ត៌មាន Kap-News ឲ្យដឹងថា ពិត​ជា​គួរឲ្យ​សង្វេគ​ខ្លាំងណាស់ ស្ថានភាព​ជាក់ស្ដែង​គ្រួសារ​មួយ​នេះ គឺមាន​ជីវភាព​ក្រីក្រ​លំបាក​ខ្លាំងណាស់​។ ស្ត្រី​ជា​ម្ដាយ គឺជា​ស្ត្រី​មេម៉ាយ​រស់​នៅក្នុង​ខ្ទម​មួយនា​តំបន់​ដាច់ស្រយាល ហើយ​បាន​នាំ​កូន​ប្រុស​ចាក​ចេញ​មក​រា​ជ​ធានី​ភ្នំពេញ​ធ្វើជា​កម្មការិនី​រោងចក្រ ទីបំផុត បាន​ជួប​គ្រោះ​អកុសល​ដែល​ពុំ​នឹកស្មាន​ដល់​បែបនេះ​ទៅ​វិញ​។​

​សូម​រំឭកថា ក្មេងប្រុស​រងគ្រោះ​ខាងលើ​មានឈ្មោះ គឿន តារា អាយុ​១២​ឆ្នាំ មាន​បងស្រី​ម្នាក់​ឈ្មោះ គឿន ស៊ីណា អាយុ​១៣​ឆ្នាំ មាន​ម្ដាយ​ឈ្មោះ ចំនេញ អាយុ​៣០​ឆ្នាំ ជា​ស្ត្រី​មេម៉ាយ មុខរបរ​ជា​កម្មការិនី​រោងចក្រ​។ មាន​ស្រុកកំណើត​រស់នៅ​ភូមិ​តា​ព្រេច ឃុំ​គាស់ក្រឡ ស្រុក​គាស់ក្រឡ និង​បាន​មក​ស្នាក់នៅ​ក្នុង​បន្ទប់​ជួល​លេខ​៧ ភូមិ​ត្រពាំង​ក្រសាំង សង្កាត់​ត្រពាំង​ក្រសាំង ខណ្ឌ​ពោធិ៍​សែន​ជ័យ​។ ត្រូវបាន​ឃាតក​សម្លាប់​ច្រកចូល​កា​រ៉ុង​ដាក់​នៅក្នុង​បន្ទប់ទឹក​ផ្ទះជួល​ខាងលើ ហើយ​ត្រូវបាន​ស្ត្រី​ជា​ម្ដាយ​ប្រទះឃើញ បង្ក​ឲ្យមាន​ការភ្ញាក់ផ្អើ​ល​កាលពី​វេលា​ម៉ោង ៨​យប់ ថ្ងៃទី​២៦ ខែ​សីហា ឆ្នាំ​២០២១​។​

​ប្រភព​ព័ត៌មាន​បានឲ្យដឹងថា នៅ​វេលា​ព្រឹក​ថ្ងៃ​កើតហេតុ​ស្ត្រី​ជា​ម្ដាយ​បាន​ចេញ​ទៅ​ធ្វើការ​រោងចក្រ ដោយ​ទុក​ឲ្យ​កូនប្រុស​នៅ​ក្នុង​បន្ទប់​ជួល​ម្នាក់ឯង​។ លុះដល់​វេលា​ល្ងាច ថ្ងៃ​ដដែល​ក្រោយ​ពេល​ត្រឡប់​មកពី​ធ្វើការ​ដល់​បន្ទប់​ជួល​វិញ​ពុំ​ឃើញ​កូនប្រុស​ក៏​បាន​ដើរ​រក​មើល បាន​ប្រះ​ឃើញ​មានកា​រ៉ុង​មួយ​នៅក្នុង​បន្ទប់ទឹក​។​

​ប្រភព​ដដែល​បាន​បន្តថា ភ្លាម​នោះ​ស្ត្រី​ជា​ម្ដាយ​បាន​ស្រាយ​មាត់​កា​រ៉ុង​មើល ស្រាប់តែ​ប្រទះឃើញ​សព​កូនប្រុស​របស់​គាត់​ត្រូវ​ជា​ឃាតក​សម្លាប់ ហើយ​បាត់បង់​ខ្សែក​ប្លាទី​ន ១​ខ្សែ ទម្ងន់ ២​ជី ដែល​កូនប្រុស​ពាក់​ជាប់​នឹង​ខ្លួន ព្រមទាំង​លុយ​ដែល​សន្សំទុក​ក្នុង​កូនជ្រូក​ដី​ផង​ដែរ​។ ក្រោយមក ស្ត្រី​រូប​នេះ​បាន​រាយការណ៍​ជូន​សមត្ថកិច្ច​ឲ្យ​ចុះ​ទៅ​ត្រួតពិនិត្យ និង​កោសល្យវិច័យ ដើម្បី​ស្រាវជ្រាវ​ចាប់ខ្លួន​ជនដៃដល់​ចាត់ការ​តាមច្បាប់​៕

Filed in: ព័ត៌មានជាតិ