(ភ្នំពេញ)៖ នៅថ្ងៃចន្ទ ទី១៦ ខែសីហា ឆ្នាំ២០២១ ដោយអនុវត្តតាមគោលការណ៍ដឹកនាំរបស់ លោក សុខ ពេញវុធ អភិបាល នៃគណៈអភិបាលខណ្ឌដូនពេញ និងជាប្រធានគណៈបញ្ជាការឯកភាពខណ្ឌដូនពេញ បានចុះអនុវត្តការងារដូចខាងក្រោម÷៖
១/.កម្លាំងគណៈបញ្ជាការឯកភាពខណ្ឌ ដឹកនាំដោយលោក ប៊ុន សុភ័ក្ត្រ អភិបាលរងខណ្ឌ លោក ជួន វិចិត្រ អធិការរងខណ្ឌ លោក នី សាមិត្ត ប្រធានការិយាល័យ សាធារណការ ដឹកជញ្ជូន អនាម័យ បរិស្ថាន និងសណ្តាប់ធ្នាប់សាធារណៈខណ្ឌ លោក កែម ហេង ប្រធានផ្នែកស្តីទីប្រជាការពារខណ្ឌ បានចុះរៀបចំសណ្តាប់ធ្នាប់តាមដងផ្លូវមានដូចជា មហាវិថីព្រះមុនីវង្ស មហាវិថីព្រះនរោត្តម មហាវិថីព្រះសីហនុ មហាវិថីព្រះស៊ីសុវត្ថិ មហាវិថីព្រះសុរាម្រិត ផ្លូវលេខ ៩០០ ៩៣ ១០៦ ១០៨ ១៣០ ១៣៦ ៧០ ៨៨ ៤៧ ១៤៤ ១៤៨ ៥ ជាលទ្ធផល៖
-ចុះត្រួតពិនិត្យសន្តិសុខ អនាម័យ បរិស្ថាន តាមតម្រាយផ្លូវ ព្រះករុណា និងសម្តេចតេជោ ឆ្លងកាត់។
– ចុះធ្វើកំណត់ហេតុកាត់សំយ៉ាបផ្លូវលេខ ៩០០ ភូម ១៩ សង្កាត់ស្រះចក បានចំនួន ២៨ ទីតាំង និងចូលរួមកាត់ដោយស្ម័គ្រចិត្តចំនួន ០៤ទីតាំង។
– ចាក់សោរកង់រថយន្តទុកនៅនឹងកន្លែងចំនួន ០៤គ្រឿង។
– ឃាត់ម៉ូតូរ៉ឺម៉កបានចំនួន ០១គ្រឿង ម៉ូតូកង់បីឥណ្ឌាចំនួន ០២គ្រឿង ម៉ូតូចំនួន ០២គ្រឿង កង់ចំនួន ០៣គ្រឿង យកមករក្សាទុកនៅសាលាខណ្ឌ។
– បន្តការផ្សព្វផ្សាយហាមការលក់ដូរនៅលើចិញ្ចើមផ្លូវសាធារណៈ៕
