នៅថ្ងៃទី០៩ ខែសីហា ឆ្នាំ២០២១ វេលាម៉ោង ៩:០០ នាទី លោកវរសេនីយ៍ទោ ទឹម វិឆ័យ អធិការនគរបាលស្រុក បានដឹកនាំកម្លាំងចុះសួរសុខទុក្ខតាមប៉ុស្ត៍នគរបាលរដ្ឋបាល និង កម្លាំងប្រចាំការនៅមណ្ឌលចត្តាឡីស័ក និងគោលដៅបិទខ្ទប់ព្រំប្រទល់ ព្រមទាំងបាននាំយកអំណោយដ៏ថ្លៃថ្លា របស់សម្ដេចក្រឡាហោម ស ខេង និង លោកជំទាវ ព្រមទាំងអំណោយដែលបានមកពីសប្បុរសជននានា រួមមាន៖ ទឹកសុទ្ធ អារុណា ចំនួន ១៩ កេស, ទឹកសុទ្ធ ដបតូច ចំនួន ៤៥ យួរ, មីជាតិ ចំនួន ១៩ កេស, និង ទឹកក្រូច ចំនួន ១៩ យួរ ទៅចែកជូនដល់ ប៉ុស្តិ៍នគរបាលរដ្ឋបាលទាំង០៦ ,កម្លាំងប្រចាំការនៅមណ្ឌលចត្តាឡីស័ក ចំនួន ០២ មណ្ឌល និង គោលដៅបិទខ្ទប់ព្រំប្រទល់ នៅចំណុចបឹងត្រកួន ចំនួន ០១ គោលដៅ ជាមួយគ្នានេះផងដែរ លោកបានផ្ដាំផ្ញើដល់កម្លាំងប៉ុស្តិ៍រដ្ឋបាល និង កម្លាំងប្រចាំការនៅតាមគោលដៅឲ្យខិតខំប្រឹងប្រែងយកចិត្តទុកដាក់ទទួលខុសត្រូវខ្ពស់ លើការអនុវត្តការងារប្រចាំថ្ងៃ ក៏ដូចជា ការថែរក្សាអនាម័យ និង ចូលអនុវត្តវិធានការការពារជំងឺកូវីដ១៩ របស់ក្រសួងសុខាភិបាល និង វិធានការ ៣កុំ ៣ការពារ របស់រាជរដ្ឋាភិបាលទាំងអស់គ្នា។
