នៅវេលាម៉ោង ១២និង០០នាទី ថ្ងៃទី១៤ ខែកក្កដា ឆ្នាំ២០២១ ស្ថិតនៅចំនុចភូមិព្រែកព្រះស្តេច សង្កាត់ព្រែកព្រះស្តេច ក្រុង/ខេត្តបាត់ដំបង។ កម្លាំង អាវុធហត្ថខេត្តបាត់ដំបងបានឃាត់ខ្លួនជនសង្ស័យ ០១នាក់ ឈ្មោះ កៅ ពិសិដ្ឋ ភេទប្រុស អាយុ៣២ ឆ្នាំ មុខរបរ អ្នកសាព័ត៌មាន ទីលំនៅ ភូមិដូចខាងលើ។ ពីបទញុះញង់ឲ្យប្រព្រឹត្តបទឧក្រិដ្ឋជាអាទិ៍ ប្រព្រឹត្តនៅថ្ងៃទី១២ ខែកក្កដា ឆ្នាំ២០២១ បង្ហោះតាមប្រព័ន្ធបណ្តាញសង្គម (ហ្វេសបុក) ។
ក្នុងនោះ សមត្ថកិច្ចបានដកហូតវត្ថុតាង រួមមាន ៖
១- ទូរស័ព្ទចំនួន ០៣ គ្រឿង
២-ឡានចំនួន ០១ គ្រឿង
៣-បណ្ណព័ត៌មានចំនួន ០១ សន្លឹក
ជនសង្ស័យ និងវត្ថុតាងកំពុងឃាត់នៅការិយាល័យជំនាញ ដើម្បីបន្តនីតិវិធី ៕
