(ខេត្តកំពត)៖ អាជ្ញាធរនិងសមត្ថកិច្ចស្រុកកំពង់ត្រាច ដឹកនាំដោយលោក អូន ខន អភិបាលស្រុកកំពង់ត្រាច នៅព្រឹកថ្ងៃទី២៩ ខែឧសភា ឆ្នាំ២០២១នេះ បានដឹកនាំកម្លាំង និងក្រុមការងារចុះទៅបិទខ្ទប់នៅបរិវេណកាសុីណូ សុខគឹមម៉េង ស្ថិតនៅច្រកទ្វារទ្វេភាគីតន់ហន់ ក្នុងឃុំព្រែកក្រឹស ស្រុកកំពង់ត្រាច ខេត្តកំពត ខណៈជំនាញបានរកឃើញអ្នកវិជ្ជមានកូវីដ១៩ ចំនួន៤នាក់នៅក្នុងកាសុីណូ សុខគឹមម៉េង(តន់ហន់) កាលពីវេលាម៉ោង៨យប់ ថ្ងៃទី២៨ ខែឧសភា ឆ្នាំ២០២១ ម្សិលមិញ ដោយអាជ្ញាធរបានបិទខ្ទប់មនុស្សក្នុងកាសុីណូដើម្បីរង់ចាំជំនាញមកពិនិត្យ។
ដោយឡែកចំពោះអ្នកពាក់ព័ន្ធជាច្រើននាក់ទៀត កម្លាំងសមត្ថកិច្ចបានយកខ្សែហ៊ុមព័ទ្ទលំនៅដ្ឋានដែលនៅក្បែរបរិវេណកាសុីណូ ដើម្បីរង់ចាំក្រុមគ្រូពេទ្យមកពិនិត្យ យកសំណាក៕ សេង ណារិទ្ធ
