សមត្ថកិច្ចបានបង្ហើបឲ្យដឹងថា÷ ករណីចោរធ្វើសកម្មភាពលួចកាច់ម៉ូតូរបស់ប្រជាពលរដ្ឋនេះបានកើតឡើងនៅអំឡុងវេលាម៉ោង ១:០០នាទីរំលងអាធ្រាតថ្ងៃទី ២៤ ខែមីនា ឆ្នាំ ២០២១ ត្រង់ចំណុចសួនច្បារ ក្នុងសង្កាត់ព្រែកព្រះស្ដេច ក្រុងបាត់ដំបង ខេត្តបាត់ដំបង។
ប្រភពខាងលើបន្តថា÷ មុនពេលកើតហេតុគេបានឃើញក្រុមចោរមានគ្នាចំនួន ២នាក់ជិះម៉ូតូចុះឡើងៗ រហូតស្ងាត់បន្តិចក៏បានឈប់ម៉ូតូប្រមាណមួយសន្ទុះបានចូលកាច់ម៉ូតូរបស់ប្រជាពលរដ្ឋអ្នកដើរលេងយប់ដូចគ្នា ប៉ុន្តែមិនបានសម្រេចព្រោះតែម្ចាស់ឃើញទាន់ក៏ស្រែកផ្អើលឆោឡោឡើងហើយក៏នាំគ្នាដេញចាប់ប្រកៀកប្រកិតរហូតទម្លាក់ម៉ូតូចោលរត់យកតែរួចខ្លួនបាត់ស្រមោលតែម្តង។
ម៉ូតូដែលក្រុមចោរបន្សល់ទុកនៅកន្លែងកើតហេតុនេះមានម៉ាកហុងដាឌ្រីម C១២៥ ពណ៌ខ្មៅ សេរី ២០១៥ មានស្លាកលេខ កំពង់ស្ពឺ ១H-០៦៤៦។
បច្ចុប្បន្នម៉ូតូខាងលើត្រូវបានរក្សាទុកនៅអធិកានគរបាលក្រុងបាត់ដំបង៕
