ភ្នំពេញ ៖ ថ្ងៃអង្គារ ១២ រោច ខែមាឃ ឆ្នាំជូត ទោស័ក ពស ២៥៦៤ ត្រូវនឹងថ្ងៃទី០៩ ខែកុម្ភៈ ឆ្នាំ២០២១ វេលាម៉ោង ១៥:០០នាទី លោក សុខ ពេញវុធ អភិបាល នៃគណៈអភិបាលខណ្ឌដូនពេញ និងជាប្រធានកិត្តិយសអនុសាខាកាកបាទក្រហមកម្ពុជាខណ្ឌដូនពេញ និង ភរិយា បានអញ្ជើញ នាំយកអំណោយ មនុស្សធម៌ របស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ចែកជូនប្រជាពលរដ្ឋ ខ្វះខាត់ ក្នុងសង្កាត់ចតុមុខ ខណ្ឌដូនពេញ ចំនួន១៦ គ្រួសារ ។
អំណោយដ៏សប្បុរសធម៌ ទាំងនោះ រួមមាន ថវិកាចំនួន ៦០,០០០រៀល, អង្ករ ០១បាវ ស្មើរ ២៤គីឡូក្រាម, ថ្នាំដុះ ០១យួរ ទឹកត្រី១យួរ និង សំភារះផ្ទះបាយមួយចំនួន ។ ក្នុងនោះ លោកប្រធានបាន ឧបត្ថម្ភ ជូនអ៊ុស្រីម្នាក់ដែលជួបគ្រោះថ្នាក់ របួសដៃ ថវិកាចំនួន១៣ម៉ឺនរៀល និង ឧបត្ថម្ភ ជូន លោកគ្រូអ្នកគ្រូ សាលាមតេយ្យ៨មិនា សរុបចំនួន៧០ម៉ឺនរៀល ។
