ខេត្តសៀមរាប៖ ដោយមានការចង្អុលណែនាំពីសំណាក់ឯកឧត្តមបណ្ឌិត ឃឹម ប៊ុនសុង អភិបាល នៃគណៈអភិបាលខេត្តសៀមរាប ក៏ដូចជាលោកឧត្តមសេនីយ៍ទោ សត ណាឌី ស្នងកានគរបាលខេត្តសៀមរាប តែងតែប្រជុំដាសតឿនក្រើនរំលឹកដល់កងកម្លាំងនគរបាលទាំងអស់ត្រូវចុះជួយដោះស្រាយជូនប្រជាពលរដ្ឋ ដែលមានទុក្ខលំបាក ជាក់ស្តែងកាលពីថ្ងៃទី២៨ ខែមេសា ឆ្នាំ២០១៦ នៅក្នុងស្រុកវ៉ារិន មានករណីខ្យល់កន្ត្រាក់ លាយឡំជាមួយភ្លៀងផ្គរ បានធ្វើអោយផ្ទះប្រជាពលរដ្ឋចំនួន២៥៩ខ្នងផ្ទះ រងការខូចខាត ជាក់ស្តែងនៅថ្ងៃទី២៩ ខែមេសា ឆ្នាំ២០១៦ កម្លាំងការិយាល័យនគរបាលការពារអន្តរាគមន៍ នៃស្នងការដ្ឋាននគរបាលខេត្តសៀមរាប និងកម្លាំងនគរបាល នៃអធិការដ្ឋាននគរបាលស្រុកវ៉ារិន បានចុះជួយប្រជាពលរដ្ឋដែលរងនូវផលប៉ះពាល់ដោយសារខ្យល់កន្ត្រាក់មានដូចខាងក្រោម៖
១-ជូយរុះរើរៀបចំឥវ៉ានជូនប្រជាពលរដ្ឋបានចំនួន២៥គ្រួសារ ក្នុងនោះមានរថយន្តចំនួន០២គ្រឿង។
២-ជួយជុសជុល និងប្រកដំបូលជូនប្រជាពលរដ្ឋបានចំនួន១៨គ្រួសារ។
៣-ជួយរុះរើឈើ ផ្ទះដែលដួលរលំ ដើម្បីរៀបចំទុកសាងសង់ឡើងវិញបានចំនួន០៣គ្រួសារ និងមានទិសដៅបន្តទៀត សំរាប់ប្រជាពលរដ្ឋដែលទទួលរងផលប៉ះពាល់ ក្នុងស្រុកវ៉ារិនរហូតទល់តែរួចជាស្ថាពរ។
នេះសបញ្ជាក់អោយឃើញពីទឹកចិត្តរបស់កងកម្លាំងនគរបាលជាតិកម្ពុជា ដែលតែងតែយកចិត្តទុកដាក់ចំពោះបងប្អូនប្រជាពលរដ្ឋដែលមានបញ្ហាប្រឈមនានា ៕
ដោយ លុចណាម សៀមរាប
