ទាន់ហេតុការណ៍
រដ្ឋមន្ត្រីក្រសួង​ការងារ ឯកឧត្តម ហេង ៖ក្រសួងសួរ​ស្វាគមន៍​រាល់​កិច្ច​សហប្រតិបត្តិការ​ជាមួយ​គ្រប់​ដៃគូ​ពាក់ព័ន្ធ ជា​ពិសេស​សហជីព ដើម្បី​ផ្លាស់​ប្តូរ​បទ​ពិសោធន៍ ចំណេះដឹង មតិយោបល់ និង​ស្វែងរក​ដំណោះស្រាយ​ទាន់​ពេលវេលា==>រថយន្តក្រុង​រាជធានី​ភ្នំពេញ City Bus ដំណើការដឹកជញ្ជូនអ្នកដំណើរពី​អាកាសយានដ្ឋាន​អន្តរជាតិ​តេ​ជោ==>លោក គួ​ច ចំរើន អភិបាល ខេត្តកណ្តាល ​ដឹកនាំ​កិច្ចប្រជុំ​សម្រួល​ចរាចរណ៍ សណ្ដាប់ធ្នាប់ និង​របៀបរៀបរយ ក្នុង​អាកាសយានដ្ឋាន​តេ​ជោ​==>រដ្ឋមន្រ្តីក្រសួងសុខាភិបាល៖ប្រធាន និងថ្នាក់ដឹកនាំអង្គភាព ជាគំរូបម្រើផលប្រយោជន៍ ជូនសហភាតរៈក្នុងវិជ្ជាជីវៈ==>អ្នកសង្កេតការណ៍អន្តរកាល (IOT) ដែលមានប្រទេសចំនួន៧ ដឹកនាំដោយអនុព័ន្ធយោធាម៉ាឡេស៊ី ប្រចាំកម្ពុជាដាក់ទីស្នាក់ការនៅ ក្រុងសិរីសោភ័ណ ខេត្តបន្ទាយមានជ័យ==>លោកស្រី ម៉ាលី សុជាតា អ្នកនាំពាក្យការពារជាតិ ៖ ថៃពង្រាយគ្រាប់បែក ចង្កោមលើភ្នំខ្មោច ជាការបំពានយ៉ាងធ្ងន់ធ្ងរ លើច្បាប់អន្តរជាតិ==>ឯកឧត្តមឧបនាយករដ្ឋមន្ត្រី ស៊ុន ចាន់ថុល៖ គម្រោងព្រែកជីកហ្វូណនតេជោ គឺ ដំណើរការទៅមុខជាធម្មតា មិនថយក្រោយឡើយ ទោះបីកម្ពុជាមានជម្លោះព្រំដែនជាមួយថៃ==>រដ្ឋបាលខេត្តព្រះវិហារ កំពុងជម្លៀសពលរដ្ឋ​ មកកន្លែងសុវត្ថិភាព==>ក្រសួងប្រៃសនីយ៍កម្ពុជា បានចុះផ្តាច់ប្រព័ន្ធអ៊ីនធឺណិតចេញពីប្រទេសថៃ នៅច្រកទ្វារអន្តរជាតិប៉ោយប៉ែត==>តុលាការឃុំខ្លួនអនុប្រធាន​ការិយាល័យ​ភូមិបាល​ខណ្ឌ​សែន​សុខ​ពី​បទ​.​បើកបរ​ក្នុង​ស្ថានភាព​ស្រវឹង​​​ បង្ក​គ្រោះថ្នាក់​ចរាចរណ៍​បណ្តាល​ឲ្យ​ស្លាប់​អ្នក​ដទៃ និង​រត់គេច​ខ្លួន

រដ្ឋមន្ដ្រីក្រសួង​ព័ត៌មាន​៖បញ្ជាក់​ថា ព័ត៌មាន​ក្លែងក្លាយ​នៅ​កម្ពុជា ភាគច្រើន​ គឺ​កើត​ចេញពី​ក្រុម​ជន​អគតិ​មួយ​ចំនួន​នៅ​ក្រៅប្រទេស

រដ្ឋមន្ដ្រីក្រសួង​ព័ត៌មាន​៖បញ្ជាក់​ថា ព័ត៌មាន​ក្លែងក្លាយ​នៅ​កម្ពុជា ភាគច្រើន​ គឺ​កើត​ចេញពី​ក្រុម​ជន​អគតិ​មួយ​ចំនួន​នៅ​ក្រៅប្រទេស
​ដោយ ៖ គេហទំព័រ «ស៊ី អេច ខេ ញូស៍ | CHK News»
Tel: 012 790 894 | Telegram / WhatsApp : 012 790 894

ភ្នំពេញ ​៖​ រដ្ឋមន្ដ្រីក្រសួង​ព័ត៌មាន​ ឯកឧត្តម នេត្រ ភក្ត្រា បាន​គូសបញ្ជាក់​ថា ព័ត៌មាន​ក្លែងក្លាយ​នៅ​កម្ពុជា ភាគច្រើន​ គឺ​កើត​ចេញពី​ក្រុម​ជន​អគតិ​មួយ​ចំនួន​នៅ​ក្រៅប្រទេស ដែលមាន​ចរិត ញុះញង់ បំភ្លៃ បំភាន់ និង​បំផ្លើស ។

ឯកឧត្តម​ថា​ ចរិត ឬ​ក៏​គោលបំណង​ក្នុងកា​រប​ង្កើត​ព័ត៌មាន​ក្លែងក្លាយ​ទាំងឡាយ គឺ​ធ្វើ​យ៉ាង​ណា​បញ្ឆេះ​កំហឹង​ប្រជាជន ដើម្បី​ធ្វើ​យ៉ាងណា​បង្កើត​ឱ្យ​មានការ​ស្អប់ខ្ពើម​ជាតិ​សាសន៍ ក៏​ដូច​ជាការ​រើសអើង និង​ទម្លាក់​ជំនឿ​ទុកចិត្ត​របស់​ប្រជាជន​លើ​ការ​ដឹកនាំ​របស់​រាជរដ្ឋាភិបាល​ ។

ឯកឧត្តម នេត្រ ភក្ត្រា ​គូសបញ្ជាក់​បែប​នេះ ក្នុង​ឱកាស​អញ្ជើញ​ជា​អធិបតី​ពិធី​បើក​យុទ្ធនាការ «​និយាយ​ថា ​ទេ​! ចំពោះ​ព័ត៌មាន​ក្លែងក្លាយ – Say No to Fake News» នា​ព្រឹ​ថ្ងៃ​ទី​០១ ខែមេសា ឆ្នាំ​២០២៥ នៅ​ទីស្តីការក្រសួង​ព័ត៌មាន ដោយ​មានការ​អញ្ជើញ​ចូលរួម​ផ្ទាល់​ពី​ថ្នាក់ដឹកនាំ​ក្រសួង ព័ត៌មាន ប្រធាន​មន្ទីរ​ព័ត៌មាន រាជធានី ខេត្ត ទាំង​២៥ ថ្នាក់ដឹកនាំ​សមាគម​សារព័ត៌មាន និស្សិត​មក​ពី​ដេ​ប៉ា​តឺ​ម៉​ង់​ប្រព័ន្ធ​ផ្សព្វផ្សាយ និង​សារ​គមនាគមន៍​(DMC) នៃ​សាកលវិទ្យាល័យ​ភូមិ ន្ទ​ភ្នំពេញ និង​តាម​ប្រព័ន្ធ​វី​ដេ​អូ Zoom មាន​អភិបាលរង​រាជធានី ខេត្ត ទទួល​បន្ទុក​ព័ត៌មាន សមាជិក​អ្នកនាំពាក្យ​រាជធានី ខេត្ត និង​មន្ត្រីរាជការ​នៃ​មន្ទីរ​ព័ត៌មាន សរុប​ប្រមាណ ១,០០០ នាក់ ។

ឯកឧត្តម នេត្រ ភក្ដ្រា បាន​មាន​ប្រសាសន៍​ថា​ ៖ «​ចំពោះ​ដំណឹង​ក្លែងក្លាយ (Fake News) ត្រូវ​បាន​គេ​បង្កើត​ឡើង​ក្នុង​គោលដៅ​បំភ្លៃ បំផ្លើស បំភាន់ ជា​សាច់​រឿង​មិន​ពិ ត​ដែល​ត្រូវ​គេ​ប្រឌិត​ឡើងជា​ទម្រង់​រូបភាព អត្ថបទ វី​ដេ​អូ សំឡេង​ជាដើម ហើយ​ផ្សព្វផ្សាយ​នៅ​លើ​គ្រប់​ទម្រង់​ជា​ពិសេស​លើ​បណ្តាញ​ទំនាក់ទំនង​សង្គម និង​បណ្តាញសារព័ត៌មាន​ផ្សេង​ៗ​ក្នុង​គោលបំណង​កេង​ចំណេញ​នយោបាយ អាជីវកម្ម ឬ​ចង់​បំផ្លាញ​កេរ្តិ៍ឈ្មោះ ជំនឿ​ទុកចិត្ត​។ ករណី​សង្ស័យ​ថា ​ជា​ព័ត៌មាន​ក្លែងក្លាយ សូមកុំ​ចែករំលែក​បន្ត និង​ត្រូវ​រាយការណ៍ ទៅ​បណ្តាញ​សង្គម​ដែល​ប្រើប្រាស់​ថា​ជា False Information»​ ។

ឯកឧត្ដម​រដ្ឋមន្ដ្រី​ បាន​ថ្លែង​បញ្ជាក់​ថា យុទ្ធនាការ «​និយាយ​ថា ​ទេ ​ចំពោះ​ព័ត៌មាន​ក្លែងក្លាយ​- Say No to Fake News» ធ្វើ​ឡើង​ក្នុង​គោលបំណង​ផ្លាស់​ប្តូរ​ឥរិយាបថ របស់​ប្រជាជន ដែល​ជា​អ្នក​ប្រើ ប្រាស់​បណ្តាញ​ទំនាក់ទំនង​សង្គម និង​ប្រព័ន្ធ​ផ្សព្វផ្សាយ​ទំនើប​ដើម្បី​ទប់ស្កាត់ ការ​រីកសាយ​ភាយ​នូវ​ព័ត៌មាន​ក្លែងក្លាយ​ក្នុង​សង្គម​កម្ពុជា ​។

ជាមួយ​គ្នា​នេះ​ដែរ ឯកឧត្តមរដ្ឋមន្ត្រីក្រសួង​ព័ត៌មាន ក៏​ស្នើ​ដល់​សាធារណជន​ទូទៅ អ្នក​សារព័ត៌មាន អ្នក​ផលិត​មាតិកា​ពិសេស​យុវជន សូម​ចូលរួម​ទប់ស្កាត់​ព័ត៌មាន​ក្លែងក្លាយ​ទាំងឡាយ តាម​រយៈ​ការ​ផ្សព្វ​ព័ត៌មាន​ពិត និង​កុំ​ចែកចាយ​ព័ត៌មាន​ក្លែងក្លាយ តាម​ប្រព័ន្ធ​ឌី​ជី​ថ​ល។ រាល់ពេល​ប្រើ​បណ្តាញ​សង្គម ត្រូវ​គិតដល់​គ្រោះថ្នាក់​នៃ​ព័ត៌មាន​ក្លែងក្លាយ​ ដែល​អាច​កើតឡើង​ ។

ឯកឧត្តម នេត្រ ភក្ត្រា បាន​បញ្ជាក់​បន្ថែម​ថា យុទ្ធនាការ «​និយាយ​ថា​ទេ ចំពោះ​ព័ត៌មាន​ក្លែងក្លាយ​» ធ្វើ​ឡើង​ផ្តោត​ជា​សំខាន់​ដើម្បី​ទប់ស្កាត់ និង​ប្រយុទ្ធ​ប្រឆាំង​ព័ត៌មាន​ក្លែងក្លាយ​ដែល​កំពុង​ជ្រៀតចូល​លើ​បណ្ដាញ​ទំនាក់ ទំនង​សង្គម TikTok និង Facebook និង​ប្រព័ន្ធ​ផ្សព្វផ្សាយ​ទំនើប​ជា​ច្រើន​ផ្សេង​ទៀត ។

សូម​ជម្រាប​ជូន​ថា ក្រសួង​ព័ត៌មាន រៀបចំ​ការ​អនុវត្ត​យុទ្ធនាការ «​និយាយ​ថា​ទេ​ចំពោះ​ព័​ត៌ មាន​ក្លែងក្លាយ​- Say No to Fake News» សំដៅ​ធានា​ឱ្យ​បាន​នូវ​សុវត្ថិភាព​ព័ត៌មាន​ស​ម្រាប់​អ្នក​ប្រ​ល​ប្រាស់ និង​ធានា​សន្តិសុខ​ព័ត៌មាន ដែល​សន្តិសុខ​ព័ត៌មាន​នេះ គឺ​ក្រសួង​ព័ត៌មាន ផ្តោត​ជា​សំខាន់​ចំនួន​៣ ទី​១៖ ធានា​សិទ្ធិ​ទទួល​ព័ត៌មាន​របស់​ប្រជាពលរដ្ឋ​, ទី​២៖ គុណភាព​ព័​ត៌ មាន ផ្តល់​ជូន​ប្រជាពលរដ្ឋ និង​ទី​៣៖ សុវត្ថិភាព​ព័ត៌មាន​សម្រាប់​ប្រជាជន​ប្រើប្រាស់ ហើយ​កិច្ច ការងារ​ទាំងនេះ គឺជា​ការ​រួមចំណែក​ដល់​ការ​ពង្រឹង​សន្តិសុខ និង​ស្ថិរភាព​សង្គម ៕​

Filed in: Uncategorized, ព័ត៌មានជាតិ, ព័ត៌មានថ្មី