ខេត្តសៀមរាប៖ កម្មករធ្វើរបងមណ្ឌល់សុខភាពកំពង់ក្តី ស្ថិតក្នុងភូមិកំពង់ក្តី ឃុំកំពង់ក្តី ស្រុកជីក្រែង ខេត្តសៀមរាប បានជីកដីធ្វើរបងក៏បានប្រទះឃើញក្បាលគ្រាប់។ ហើយបានរាយការជូនសមត្ថកិច្ចនគរបាលស្រុកជីក្រែង ភ្លាមៗនោះកម្លាំងអធិការនគរបាលស្រុកជីក្រែង បានចុះទៅដល់កន្លែងកើតហេតុ និងពិនិត្យឃើញថា ក្បាលគ្រាប់ ដែលកម្មករ ជីកប្រទះឃើញនោះ ជាប្រភេទក្បាលគ្រាប់ ធុន៨៥ មីលីម៉ែត្រ ដែលបានបន្សល់ទុកតាំងពី សម័យសង្គ្រាម នេះបើតាមការអោយដឹងពីលោកវរសេនីយ៍ត្រី សុខ សុទ្ធាវុធ អធិការនគរបាលស្តីទីស្រុកជីក្រែង។
បន្ទាប់ពីចុះទៅពិនិត្យរួចហើយ លោកអធិការនគរបាលស្តីទីស្រុក បានធ្វើការទំនាក់ទំនងទៅមន្ត្រី ស៊ីម៉ាក់ (CMAC) មកទទួលយកនៅព្រឹកថ្ងៃទី២៩ ខែមេសា ឆ្នាំ២០១៦ ដើម្បីយកទៅរក្សាទុកនៅកន្លែងមានសុវត្ថិភាព និងរង់ចាំធ្វើការកំទេចចោល ៕
ដោយ(លុចណាម)សៀមរាប
