ទាន់ហេតុការណ៍
ឧត្តមសេនីយ៍ឯក រ័ត្ន ស្រ៊ាង ជួប​សំណេះសំណាល ថ្លែងអំណរគុណ ដល់​កម្លាំង​អាវុធហត្ថ​ក្រោម​ឱវាទ ទូទាំង​រាជធានី​ភ្នំពេញ​!==>​អាវុធហត្ថ​រាជធានី​ភ្នំពេញ ចូលរួម​អបអរសាទរ ទិវា​អន្តរជាតិ​នារី ៨ មីនា ខួប​លើក​ទី​១១៣!==>​ក្រុមការងារ អាវុធហត្ថ​រាជធានី​ភ្នំពេញ នាំយក​អំណោយ​ចុះសួរសុខទុក្ខ​សមាជិក ដែល​ជួប​គ្រោះថ្នាក់ ផ្ទុះ​ចង្ក្រានហ្គាស ធ្វើអោយ​រលាក​ខ្លួនប្រាណ​!==>ឧត្តមសេនីយ៍ឯក រ័ត្ន ស្រ៊ាង ចាត់​ក្រុមការងារ​អាវុធហត្ថ​ខណ្ឌ​ច្បារអំពៅ នាំយក​អំណោយ​ឧបត្ថម្ភ​ដល់​សមាជិក ដែល​បាន​គ្រោះថ្នាក់​ចរាចរណ៍ ពេល​កំពុង​បំពេញ​ភារកិច្ច​!==>នាយទាហាន នាយទាហានរង នៃ​កងរាជអាវុធហត្ថ​រាជធានី​ភ្នំពេញ ចំនួន ៣៧០​នាក់ ត្រូវបាន​ប្រកាស​តែងតាំង​មុខតំណែង និង​បំពាក់​ឋានន្តរសក្តិ​ថ្មី​!==>​ឯកឧត្ដម ថោ ជេដ្ឋា​ រដ្ឋមន្ត្រី​ក្រសួង​ធនធានទឹក ទទួល​ជួប​សម្តែងការគួរសម​ និង​ពិភាក្សាការងារ​ ជាមួយ​ អ្នកសម្របសម្រួលអង្គការ សហប្រជាជាតិប្រចាំកម្ពុជា ​លោក Joseth Scheuer==>ឧបនាយករដ្ឋមន្ត្រី ស៊ុន ចាន់ថុល៖រាជរដ្ឋាភិបាល ចាត់ទុកគម្រោងសាងសង់ផ្លូវ ៥០សេ និងស្ពានវែងជាងគេប្រវែង ៣.៣០០ម៉ែត្រ តភ្ជាប់ពីកំពង់ឆ្នាំង ទៅកំពង់ធំ ជាគម្រោងអាទិភាពដ៏សំខាន់សម្រាប់ឆ្នាំ ២០២៤នេះ==>អំណោយ​ប្រចាំខែ របស់លោក​ឧត្ដមសេនីយ៍ឯក រ័ត្ន ស្រ៊ាង បាន​ប្រគល់​ដល់ដៃ​ពលរដ្ឋ​ទីទាល់ក្រ​១៧​គ្រួសារ​!==>អាជ្ញាធរខេត្តបាត់ដំបង ដកហូតកាំ​ខ្យល់​ជិត​៣០​ដើម​សម្រាប់​លេង​បាញ់​តុក្កតា នៅ​ក្នុង​កម្មវិធី​បុណ្យបញ្ចុះសីមា​នៅ​វត្ត​អូរ​ដូន​ពៅ ស្ថិត​ក្នុង​ឃុំ​ឃ្លាំង​មាស ស្រុក​ប​វេ​ល ខ្លាច​អាច​បង្ក​គ្រោះថ្នាក់​ដល់​មនុស្ស==>លើកទឹកចិត្តគម្រោងចំនួន២នៅខេត្តព្រះសីហនុ ប្រាក់វិនិយោគជិត ៦០០លានដុល្លារ ទទួលការលើកទឹកចិត្តពី ក្រុមប្រឹក្សាអភិវឌ្ឍន៍កម្ពុជា និងត្រូវបានវាយតម្លៃថា នឹងជះឥទិ្ធពលយ៉ាងវិជ្ជមានដល់សេដ្ឋកិច្ចខេត្តព្រះសីហនុទាំងមូល

ឯកឧត្តម រដ្ឋមន្ត្រីក្រសួង​ព័ត៌មាន​ ៖ ដើម្បី​ក្លាយខ្លួនជា​អ្នកកាសែត​ដ៏​ល្អ ទាមទារ​ចំណេះ​យល់ដឹង ចំណេះធ្វើ និង​ចំណេះ​គិតពិចារណា​

​ដោយ ៖ គេហទំព័រ «ស៊ី អេច ខេ ញូស៍ | CHK News»
Tel: 012 790 894 | Telegram / WhatsApp : 012 790 894

ភ្នំពេញ​ ៖ ឯកឧត្តម ខៀវ កាញារីទ្ធ រដ្ឋមន្ត្រីក្រសួង​ព័ត៌មាន​បាន​រំលឹក​ដូច្នេះ​នៅក្នុង​វេទិកា​ស្តីពី​អ្នកសារព័ត៌មាន  និង​អ្នកព័ត៌មាន​ពលរដ្ឋ​រួមចំណែក​លើកកម្ពស់​អភិបាលកិច្ច​ល្អ ក្រោម​កិច្ច​សហការ​រៀបចំ​ដោយ​អង្គការ​ក្រុមការងារ ដើម្បី​ដោះស្រាយ​ទំនាស់ ជាមួយ​អង្គការ​អប់រំ​យុវជន​ដើម្បី​អភិវឌ្ឍន៍ និង​សន្តិភាព និង​ក្លឹប​អ្នកកាសែត​ឯករាជ្យ ព្រឹក​ថ្ងៃ​ទី​២៩ ខែ​មេសា​នេះ នៅ​ភោជនីយដ្ឋាន​ទន្លេបាសាក់​មួយ រាជធានី​ភ្នំពេញ ក្នុង​គោលបំណង​រំលឹក​ពី​សេរីភាព​ក្នុង​ការ​បញ្ចោ​ញ​មតិ​និង​ឆ្លុះបញ្ចាំង​ពី គុណភាព ឯករាជ្យភាព នៃ​សារព័ត៌មាន​នៅ​កម្ពុជា​នឹង​បញ្ហា​ប្រឈម ក្នុង​ការលើកកម្ពស់​អភិបាលកិច្ច​ល្អ​ក្នុង​ប្រព័ន្ធ​ផ្សព្វផ្សាយ​។ ហើយ ឯកឧត្តម រដ្ឋមន្ត្រីក្រសួង​ព័ត៌មាន បាន​រំលឹក​ដល់​អ្នកកាសែត​ថា ដើម្បី​ក្លាយខ្លួនជា​អ្នកកាសែត​ដ៏​ល្អ ទាមទារ​ចំណេះ​យល់ដឹង ចំណេះធ្វើ និង​ចំណេះ​គិត​។​

​ឯកឧត្តម រដ្ឋមន្ត្រី​ក៏​បាន​លើកឡើង​ពី​សិទ្ធិ​របស់​ប្រជាពលរដ្ឋ​កម្ពុជា​ក្នុង​វិស័យ​ព័ត៌មាន ត្រូវបាន​បើក​ទូលាយ ហើយ​ប្រជាពលរដ្ឋ​ណា​ក៏​មាន​សិទ្ធិ​ធ្វើ​ជា​អ្នកសារព័ត៌មាន​បានដែរ​។  ដូច​ច្បាប់​ស្តី​ពី​សារព័ត៌មាន​របស់​យើង​បានចែង​ចំណុច​សំខាន់​ចំនួន​៣ គឺ​ទី​១-​សារព័ត៌មាន ដែល​ត្រួតពិនិត្យ​ជាមុន ជា​ការ​ខុស​ច្បាប់​ព្រោះ​ថា​នៅ​ប្រទេស​យើង សារព័ត៌មាន​ចេញផ្សាយ​អត់​មាន​ការត្រួតពិនិត្យ​ជាមុន​ទេ​។
​ទី​២-​អ្នក​ណា​ក៏ដោយ​ក៏​អាច​ធ្វើ​កាសែត​បាន​ដែរ​ទាំង​ខ្មែរ ទាំង​បរទេស ខុស​ពី​ស្រុក​គេ​ឥត​ធ្វើ​អញ្ចឹង​បានទេ នេះ​ជា​ចំណុច​ធំ​ណាស់ ហើយ​អ្នក​បើក​កាសែត​ក៏​ឥត​កំណត់​ពី​សញ្ញាបត្រ​បញ្ជាក់​ពី​កម្រិត​សមត្ថភាព​ដែរ ។ ហេតុនេះហើយ​បានជា​កន្លងមក​មាន​ចាងហ្វាង​កាសែត​ខ្លះ​សរសេរ​អក្សរ​មិនត្រូវ​ផង ប៉ុន្តែ​គាត់​យល់​អាង​លើ​សិទ្ធិ​សេរីភាព​របស់​គាត់​ថា ប្រជាពលរដ្ឋ​ណា​ក៏​អាច​ធ្វើជា​អ្នកកាសែត​បាន​ដែរ​។  និង​ទី​៣-​ការសម្តែង​មតិ​ឥត​មាន​ជាប់គុក​បានទេ កុំឲ្យ​តែ​ការសរសេរ​នោះ​ជាប់ពា​ក់​ព័ន្ធ​នឹង​បទ​បរិហារកេរ្តិ៍​។

​ឯកឧត្តម រដ្ឋមន្ត្រី​បន្ថែម​ថា ដូច​កន្លងមក​បើ​ពិនិត្យមើល​កាសែត​ស្រុក​ខ្មែរ​ទាំងអស់​ជាង ៧០០ និង​មាន​សមាគម​អ្នកកាសែត​ចំនួន​៣៣ ប៉ុន្តែ​មាន​ចាងហ្វាង​កាសែត​ខ្លះ​ឥត​ទាន់​ជាប់​បាក់​ឌុប ចាងហ្វាង​កាសែត​ខ្លះ​សរសេរ​អក្សរ​មិន​ត្រង់​ជួរ​ផង បើសិនជា​យើង​កំណត់​ពី​ការបើក​កាសែត ត្រូវមាន​ចំណេះដឹង​ត្រឹម​ជាប់​បាក់​ឌុប​ក៏​គ្រាន់បើ​ដែរ​។ ឯកឧត្តម រដ្ឋមន្ត្រី​បាន​រំលឹកថា នៅក្នុង​សង្គម​ប្រជាធិបតេយ្យ ការដណ្តើមយក​បេះដូង​សំខាន់​ណាស់ អញ្ចឹង​ការសរសេរ​ត្រូវ​មាន​បទពិសោធន៍​វិជ្ជាជីវៈ ត្រូវមាន​ការប្រុងប្រយ័ត្ន ឧទាហរណ៍​ថា​«​ការសរសេរ​ចោទ​គេ​ថា​ក្បត់ជាតិ​ទាក់ទង​នឹង​ការបោះឆ្នោត​» អាហ្នឹង​គេ​ប្តឹង​យើង​ហើយ ដែល​នេះ​ការសរសេរ​យើង​ត្រូវ​យល់​និយមន័យ​ពាក្យ​បរិហារកេរ្តិ៍ និង​ការសម្តែង​មតិ​វា​ខុសគ្នា នេះ​ជា​ការកំណត់​មួយ ដែល​ច្បាប់​បានចែង​។ ដូច្នេះ​ដើម្បី​ក្លាយខ្លួន​ជា​អ្នកកាសែត​មួយ​ដ៏​ល្អ​បាន អ្នកកាសែត​ទាមទារ​នូវ​ចំណេះដឹង​៣​សំខាន់ គឺ​ចំណេះ​យល់ដឹង ចំណេះធ្វើ និង​ចំណេះ​គិត ក្នុងនោះ​ចំណេះ​គិត​សំខាន់​ណាស់ ចំណែក​ចំណេះ​មុខ​ជំនាញ​ជា​រឿង​មួយ​ដែរ​។ ដូច្នេះ​ដើម្បី​ក្លាយ​ជា​អ្នកកាសែត​មួយ​ដ៏​ល្អ​បាន​ត្រូវ​យកចិត្តទុកដាក់​ប្រឹងប្រែង​រៀនសូត្រ រៀន​ដោយ​ខ្លួន​យើង រៀន​ជាមួយ​មិត្ត​ភ័ក្តិ ហើយ​កុំ​គិត​ថា​ខ្លួន​អន់​ឱ្យសោះ​។​

​ឯកឧត្តម រដ្ឋមន្ត្រី ក៏​បាន​ជម្រាបជូន​ថា រាជរដ្ឋាភិបាល​យើង​ក៏​បាន​យកចិត្តទុកដាក់​ពី​អ្នកកាសែត​ដែរ  ហើយ​សម្តេច​នាយករដ្ឋមន្ត្រី​លោក​ក៏​បាន​សន្យាថា ក្នុង​មួយ​ឆ្នាំ​នឹង​ជួប​សំណេះសំណាល​សប្បាយ​ជាមួយ​អ្នកកាសែត​ម្តង ប៉ុន្តែ​យើង​មិន​ទាន់​កំណត់​ថ្ងៃ យើង​កំពុងតែ​ជ្រើសរើស​ថ្ងៃ​ល្អ​។ ឯកឧត្តម បញ្ជាក់ថា សព្វថ្ងៃ​លោក​មើលឃើញថា អ្នកសារព័ត៌មាន​យើង​មាន​ការរីកចម្រើន​ច្រើន តែ​យើង​នៅ​មាន​កម្រិត​នៅឡើយ ដូច​ប្រសាសន៍​លោក​រដ្ឋមន្ត្រី​ក្រសួង​ព័ត៌មាន​បាន​លើក​ហើយ​ថា មាន​ចាងហ្វាង​កាសែត​ខ្លះ​មានចំណេះដឹង​រៀន​មិនទាន់​ជាប់​បាក់ឌុប​ផង ហើយ​អ្នកសារព័ត៌មាន​យើង​មួយចំនួន​ក៏​នៅមានកម្រិត​វិជ្ជាជីវៈ​ទាប ដោយសារ​ពួក​គាត់​អត់​បាន​ឆ្លងកាត់​សាលា ចំណេះដឹង​ខ្សោយ​គ្រាន់​តែ​ចេះ​សរសេរ មូល​ហេតុនេះហើយ​ទើប​មាន​អ្នកកាសែត​យើង​មួយចំនួន ស្ថិតនៅក្រោម​ឥទ្ធិពល​នយោបាយ ស្ថិតនៅ​ក្រោម​ឥទ្ធិពល​ហិរញ្ញវត្ថុ ដែល​ធ្វើឱ្យ​អ្នកកាសែត​ខ្លះ​គាត់​ធ្វើការ​ដោយ​លំអៀង​។ ដើម្បី​ពង្រឹង​វិជ្ជាជីវៈ​របស់​យើង​ឱ្យ​រឹងមាំ​ថែម​ទៀត ទី​១-​អ្នកកាសែត​ត្រូវ​ពង្រឹងសមត្ថភាព​អាជីព​របស់​ខ្លួន​ឱ្យ​ខ្លាំង ជាពិសេស​នៅក្នុង​ក្របខ័ណ្ឌ​នៃ​សមាហរណកម្ម​អាស៊ាន យើង​មិន​ត្រឹមតែ​ជា​អ្នកកាសែត​មានលទ្ធភាព​ធ្វើការ​ក្នុងស្រុក​នោះ​ទេ  យើង​អាច​ចេញ​ទៅ​ប្រទេស​ជិតខាង​បំពេញ​ការងារ​យក​ព័ត៌មាន​ក្នុង​ប្រទេស​ជិតខាង​ណា​ក៏​បាន  ទី​២-​អ្នកកាសែត​ត្រូវ​លើកកម្ពស់​ក្រមសីលធម៌​វិជ្ជាជីវៈ​ធ្វើ​ម៉េច​ឱ្យ​អាជីព​របស់​យើង​មាន​តម្លៃ​មាន​គេ​ទទួលស្គាល់​ច្រើន​។ សំខាន់​ព័ត៌មាន​ពិត ផ្សាយ​ទៅហើយ​មាន​គេ​ទទួលយកបាន​។ ទី​៣-​នៅពេល​ផ្សាយ​ព័ត៌មាន​ទៅ​មាន​បញ្ហា​ណាមួយ​កើតឡើង  យើង​ត្រូវតែរ​ស៊ូ​មតិ​ធ្វើ​តាម​ផ្លូវ​ណា​ក៏​ដោយ ដើម្បី​ការពារ​អាជីព​រប​សើ​យើង​កុំឱ្យ​បាត់​ពី​ការរំលោភបំពាន ទី​៤-​ធ្វើ​ជា​អ្នកកាសែត​សូម​ឱ្យ​ផ្តាច់ខ្លួន​ពី​វេទិកា​នយោបាយ ឬ​ក៏​ស្ថិត​ក្រោម​ឥទ្ធិពល​ហិរញ្ញវត្ថុ​ណាមួយ​ដែល​ធ្វើឱ្យ​យើង​លំអៀង​។​

​ទន្ទឹមនឹងនេះ លោក​ក៏​បាន​សំណូមពរ​ដល់ អាជ្ញាធរ​រដ្ឋាភិបាល ជួយ​ផ្តល់​តម្លៃ​ដល់​អ្នកសារព័ត៌មាន ទទួលស្គាល់​អ្នកសារព័ត៌មាន​ថា ជា​តួនាទី​មួយ ដែល​រួមចំណែក​ធ្វើឱ្យ មាន​ប្រជាធិបតេយ្យ មាន​អភិបាលកិច្ច​ល្អ​នៅក្នុង​សង្គម ជា​ប្រយោជន៍​របស់​ប្រជាជន​ទូទៅ ជា​ប្រយោជន៍​ដល់​រាជរដ្ឋាភិបាល​ផងដែរ ៕

 

IMG-20160430-WA0011 IMG-20160430-WA0009 IMG-20160430-WA0010

Filed in: ព័ត៌មានជាតិ