(ភ្នំពេញ) ៖ ថ្ងៃអង្គារ ៨កើត ខែបុស្ស ឆ្នាំជូត ទោស័ក ពស ២៥៦៤ ត្រូវនឹងថ្ងៃទី២២ ខែធ្នូ ឆ្នាំ២០២០វេលាម៉ោង ១០:០០នាទី លោក សុខ ពេញវុធ អភិបាល នៃគណៈអភិបាលខណ្ឌដូនពេញ បានចាត់អោយលោក យស់ យុទ្ធី អភិបាលរងខណ្ឌដូនពេញ និង លោក គឹម វុត្ថា ប្រធានប្រជាការពារ និង មន្ត្រីជំនាញពាក់ព័ន្ធ ចុះបង្ក្រាបបទល្មើស ហ្គេមហ្គេមបាញ់ត្រីខុសច្បាប់ ចំនួន០១ទីតាំង ដែលបានបើកយ៉ាងអនាធិបតេយ្យ ស្ថិតនៅផ្ទះលេខ៧ឃ២ ភូមិ១៦ សង្កាត់ស្រះចក ខណ្ឌដូនពេញ។
ជាលទ្ធផលគណៈបញ្ជាការឯកភាពរដ្ឋបាលខណ្ឌដូនពេញ បានធ្វើការដកហូតបានទូហ្គេមប្រភេទបាញ់ត្រីបានចំនួន ១ទូ ដឹកយកមករក្សាទុក នៅសាលាខណ្ឌដូនពេញ ដើម្បីអនុវត្តតាមនីតិវិធី៕
