ខេត្តប៉ៃលិន ៖ ប្រភេទព័ត៌មានបានឱ្យដឹងថា ៖ កាលពីថ្ងៃទី១៧-១២-២០២០
ក្រុមការងារគណកម្មាធិការអនុសាខាកាកបាទក្រហមកម្ពុជា ស្រុកសាលាក្រៅ បាននាំយកអំណោយមនុស្សធម៍ទៅចែកជូនដល់ប្រជាពលរដ្ឋដែលកំពុងតែខ្វះស្បៀងអាហារចំនួន៥២គ្រួសារ នៅក្នុងឃុំស្ទឹងកាច់ ស្រុកសាលាក្រៅ ខេត្តប៉ៃលិន ។ ប្រភពដដែលបន្តទៀតថា ក្រុមការងារក៍បានផ្សព្វផ្សាយអប់រំ ណែនាំអំពីអនាម័យខ្លួនប្រាណជាប់ជាប្រចាំ គឺត្រូវរស់នៅស្អាត ហូបស្អាត និងផឹកស្អាត ដើម្បីជៀសអោយផុតពីជំងឺរាតត្បាតកូវីដ-១៩ ដ៏កាចសាហាវមួយនេះ ។
ចំណែកប្រជាពលរដ្ឋ ដែលរស់នៅនៅក្នុងភូមិខាងលើមានការសប្បាយរីករាយក្នុងចិត្តយ៉ាងខ្លាំង បន្ទាប់ពីទទួលបានអំណោយសប្បុរសធម៌ពីអនុសាខាកាកបាទក្រហមកម្ពុជា ស្រុកសាលាក្រៅ ។
ជាមួយគ្នានោះដែរ ពួកគាត់ ក៍បានថ្លែងអំណរ អរគុណគុណយ៉ាងជ្រាលជ្រៅចំពោះលោកជំទាវបណ្ឌិត បាន ស្រីមុំ ប្រធានសាខាកាកបាទក្រហមកម្ពុជាខេត្តប៉ៃលិន ដែលតែងតែយកចិត្តទុកដាក់ចំពោះប្រជាពលរដ្ឋខ្វះខាតស្បៀងអាហារ ហើយក៏សូមជូនពរដល់លោកជំទាវ និងក្រុមគ្រួសារ ព្រមទាំងក្រុមការងារទទួលបានជោគជ័យគ្រប់ភារៈកិច្ចផងដែរ ៕
