(ប៉ៃលិន) ៖ ដើម្បីសម្រួលដល់ការខ្វះខាតរបស់យុវជនម្នាក់ ដែលជាសមាជិករបស់ខ្លួនទើបលោកជំទាវបណ្ឌិត បាន ស្រីមុំ ប្រធាន ស.ស.យ.កខេត្ត នៅរសៀលថ្ងៃទី១២ ខែធ្នូ ឆ្នាំ២០២០នេះ តាមរយៈ ឯកឧត្តម សៅ សារ៉ាត់ ប្រធានក្រុមប្រឹក្សាខេត្ត បាននាំយកថវិកាចំនួន2.000.000៛(ពីរលានរៀល) ប្រគល់ឲ្យ លោក នីម អឿន ប្រធានយុវជន ស.ស.យ.ក សង្កាត់ប៉ៃលិន ដើម្បីយកទៅឲ្យយុវជន សុគន្ធា រស់នៅភូមិទួលខៀវ សង្កាត់ប៉ៃលិនក្រុងប៉ៃលិន ដែលខ្វះខាត និងត្រូវការប្រាក់ដើម្បីជួសជុលផ្ទះសារជាថ្មី ។
ក្នុងឱកាសនោះ លោក នីម អឿន ក៍បានសម្តែងនូវការគោរពនិងដឹងគុណយ៉ាងជ្រាលជ្រៅចំពោះទឹកចិត្តដ៍ប្រសើរថ្លៃថ្លា មិនអាចកាត់ថ្លៃបាន របស់លោកជំទាវ បណ្ឌិត ប្រធានស.ស.យ.កខេត្ត ដែលជានិច្ចកាល លោកជំទាវតែងតែជួយឧបត្ថម្ភ និងរួមសុខរួមទុក្ខជួយដល់ពលរដ្ឋនៅក្នុងខេត្តប៉ៃលិន ជាពិសេសគឺយុវជនខ្សត់ខ្សោយខាងថវិកាគ្រប់ៗ រូប។
ជាមួយគ្នាលោក នឹម អឿន ក៍បានថ្លែងអំណរអរគុណ និងបានគោរពជូនពរ លោកជំទាវ ព្រមទាំងក្រុមគ្រួសារមានសុខភាពល្អ ជួបនូវជ័យជម្នះកុំបីឃ្លៀងឃ្លាតឡើយ ៕
