ខេត្តបន្ទាយមានជ័យ ៖ នៅព្រឹក ថ្ងៃច័ន្ទ ១០ កើត ខែកត្តិក ឆ្នាំជូត ទោស័ក ពស ២៥៦៤ត្រូវនឹងថ្ងៃទី ២៦ ខែតុលា ឆ្នាំ ២០២០
លោក ឧត្តមសេនីយ៍ត្រី សិទ្ធិ ឡោះ ស្នងការនគរបាលខេត្តបន្ទាយមានជ័យ បានអញ្ជើញដឹកនាំកម្លាំងស្នងការដ្ឋានក៏ដូចជាកម្លាំងចំណុះរបស់ស្នងការនគរបាលខេត្ត គោរពទង់ជាតិនៃព្រះរាជាណាចក្រកម្ពុជា ក្រោយពីគោរពចប់ក្នុងឱកាសនោះ លោក ឧត្តមសេនីយ៍ស្នងការ បានចែកស្បៀង មានជាអង្ករ មី ដែលជាអំណោយដ៏ថ្លៃថ្លា របស់ ឯកឧត្តម នាយឧត្តមសេនីយ៍ សន្តិបណ្ឧិត នេត សាវឿន អគ្គស្នងការនគរបាលជាតិ ចែកជូនកងកម្លាំងដែលបំពេញភារកិច្ចកន្លងមក។
ក្នុងនោះដែរលោក ឧត្តមសេនីយ៍ស្នងការ មានមតិផ្តាំផ្ញើដល់កងកម្លាំងទាំងអស់ ត្រូវអនុវត្តនូវវិន័យ០០៦របស់កងកម្លាំង គោរពបទបញ្ជារបស់ថ្នាក់ដឹកនាំ មានសាមគ្គីភាពអោយបានរឹងមាំ និងបន្តទ្រោលសភាពការណ៍ផ្សេងៗលើ២៤/២៤ បន្ថែមទៀតអោយបានល្អ ៕
