(ភ្នំពេញ) ៖ នៅថ្ងៃ ទី០៧ ខែតុលា ឆ្នាំ២០២០ លោក សុខ ពេញវុធ អភិបាល នៃគណៈអភិបាលខណ្ឌដូនពេញ បានដឹកនាំមន្ត្រីក្រោមឱវាទ កម្លាំងប្រជាការពារខណ្ឌ និងភ្នាក់ងារអនាម័យសង្កាត់ទាំង១១ ដោយសហការជាមួយកម្លាំងរដ្ឋាករស្វយ័តគ្រប់គ្រងសំរាម និងសំណល់រឹងរាជធានីភ្នំពេញ ចុះប្រមូលសំរាមកកស្ទះតាមដេប៉ូសំរាម សំរាមកកស្ទះតាមដងផ្លូវ និងបាញ់ទឹកលាងសម្អាតក្រោយពេលប្រមូលតាមទីតាំងដេប៉ូនីមួយៗ នៅក្នុងមូលដ្ឋានខណ្ឌ ក្នុងអំឡុងពេលដែលបុគ្គលិក និងកម្មករក្រុមហ៊ុនស៊ីនទ្រីកំពុងធ្វើកូដកម្ម បានស្អាត៨០% និងជម្រុញបន្តឱ្យបានស្អាត១០០% ។
ចំពោះប្រតិបត្តិការប្រមូលសំរាមនេះ រដ្ឋបាលខណ្ឌដូនពេញ បានឧបត្ថម្ភរថយន្តសំរាមរបស់ សាលារាជធានីភ្នំពេញចំនួន ៨០.០០០៛ ក្នុងមួយឡាន មានចំនួន ០៥ឡាន ហ្សាហ្ស័រ ចំនួន ៦០.០០០រ ចំនួន ០១គ្រឿង ប្រជាការពារខណ្ឌ និងភ្នាក់ងារអនាម័យសង្កាត់ទាំង១១ ចំនួន២០.០០០៛/នាក់។
