(ភ្នំពេញ) ៖ នៅព្រឹកថ្ងៃទី២៣ ខែកញ្ញា ឆ្នាំ២០២០នេះ នាយឧត្តមសេនីយ៍ សន្ដិបណ្ឌិត នេត សាវឿន អគ្គស្នងការនគរបាលជាតិ និងលោក ងួន រតនៈ អភិបាលខេត្តបាត់ដំបង បានអញ្ជើញជាអធិបតីភាព ក្នុងពិធីផ្លាស់ប្ដូរស្នងការនគរបាលខេត្តបាត់ដំបង ។
ដោយលោកឧត្តមសេនីយ៍ត្រី សាត គឹមសាន ត្រូវបានតែងតាំងជា ស្នងការ នៃស្នងការដ្ឋាននគរបាលខេត្តបាត់ដំបង ។ ចំណែកលោកឧត្តមសេនីយ៍ទោ អ៊ុច សុខុន ដែលត្រូវចូលនិវត្តន៍។
ពិធីប្រកាសចូលកាន់តំណែងថ្មីនេះ ក៏មានការអញ្ជើញចូលរួមពីមន្ត្រីពាក់ព័ន្ធជាច្រើននាក់ទៀតផងដែរ ។
គួរជម្រាបថា លោកឧត្តមសេនីយ៍ទោ អ៊ុច សុខុន ត្រូវបានព្រះមហាក្សត្រ ចេញព្រះរាជក្រឹត្យដាក់ឲ្យចូលនិវត្តន៍ ហើយលោកឧត្តមសេនីយ៍ត្រី សាត គឹមសាន ស្នងការរងខេត្តបាត់ដំបង ត្រូវឡើងជាស្នងការជំនួស៕
