(បាត់ដំបង) ៖ កាលពីថ្ងៃសុក្រ ទី២៨ ខែសីហា ឆ្នាំ២០២០ (ពេលថ្ងៃ) ដឹងនៅវេលាម៉ោង០៦:៣០នាទី នៅចំនុចក្រុមទី ២១ ភូមិច្រនៀង ឃុំគោកឃ្មុំ ស្រុកថ្មគោល ខេត្តបាត់ដំបង មានករណី ធ្វើអត្តឃាត (ចងកសម្លាប់ខ្លួនដោយខ្សែអង្រឹង) ។
សាកសពជនរងគ្រោះឈ្មោះ ចិន ចិន្តា ភេទប្រុស អាយុ ៣២ ឆ្នាំ មានទីលំនៅកន្លែងកើតហេតុខាងលើ មានមុខរបរជា កម្មករ ។
តាមការបំភ្លឺរបស់ឈ្មោះ ម៉ៅ រស្មី ភេទស្រី អាយុ១៧ឆ្នាំ (ត្រូវជាក្មួយ) បានបញ្ជាក់ថា ៖ នៅថ្ងៃទី២៨ ខែសីហា ឆ្នាំ ២០២០ វេលាម៉ោង ០៦និង៣០នាទី ខ្លួនកំពុងលាងចាន ហើយក្រឡេកទៅឃើញសាកសពឈ្មោះ ចិន ចិន្តា ចងកនៅដើមព្រីង រួចស្រែកហៅពុកម៉ែ អ្នកជិតខាងមកមើល ហើយក្រុមគ្រួសារបានកាត់ខ្សែអង្រឹងយកសាកសពមកដាក់នៅផ្ទះ ។
តាមការត្រួតពិនិត្យផ្នែកជំនាញ សពជនរងគ្រោះស្លាប់ដោយមានស្នាមខ្សែ (ខ្សែអង្រឹង) រឹតក ស្ទះបំពង់ខ្យល់បណ្ដាលអោយស្លាប់ ។ ជនរងគ្រោះស្លាប់ដោយធ្វើអត្តឃាត(មានវិបត្តិផ្លូវចិត្ត) ។
សាកសពបានប្រគល់អោយទៅបងបង្កើត ឈ្មោះ ចិន ចាន់ធឿន ភេទស្រី អាយុ៤៨ឆ្នាំ ភូមិច្រនៀង ឃុំគោកឃ្មុំ ស្រុកថ្មគោល ខេត្តបាត់ដំបង យកទៅធ្វើបុណ្យតាមប្រពៃណីខ្មែរ ៕
