ស្រុកព្រៃកប្បាស ៖ ដោយមានការយកចិត្តទុកដាក់ពីសំណាក់ឯកឧត្តមឧត្តម សេនីយ៍ទោ សុខសំណាង ស្នងការនៃស្នងការដ្ឋាននគរបាលខេត្តតាកែវ នៅព្រឹកថ្ងៃអង្គារ ១៤ កើត ខែស្រាពណ៍ ឆ្នាំជូតទោស័ក ព.ស ២៥៦៤ ត្រូវនឹងថ្ងៃទី១៨ ខែសីហា ឆ្នាំ២០២០ លោកវរសេនីយ៍ឯក ឡេង ប៊ុនឡុង អធិការ នៃអធិការដ្ឋាននគរបាលស្រុកព្រៃកប្បាស តំណាងដ៏ខ្ពង់ខ្ពស់របស់ឯកឧត្តមស្នងការនគរបាលខេត្តតាកែវ បានដឹកនាំកងកម្លាំងអធិការដ្ឋាននគរបាលស្រុកព្រៃកប្បាសចូលរួមពិធីបុណ្យសពលោកវរសេនីយ៍ត្រី អ៊ូច វិបុល នាយប៉ុស្តិ៍នគរបាលរដ្ឋបាលចំប៉ា ដែលបានទទួលមរណៈភាព នៅថ្ងៃទី១៨ ខែសីហា ឆ្នាំ២០២០ វេលាម៉ោង ១២ និង ០២ នាទី ដោយរោគាពាធ ដែលស្ថិតនៅភូមិជម្ពូព្រឹក្ស ឃុំចំប៉ា ស្រុកព្រៃកប្បាស ក្នុងនោះដែរ លោកអធិការក៏បាននាំយកថវិកា និងគ្រឿងឧបភោគបរិភោគ របស់ឯកឧត្តមស្នងការ រួមមាន ៖ ថវិការចំនួន ៥០ ម៉ឺនរៀលអង្ករមួយបេទម្ងន់៥០គីឡូក្រាម ទឹកត្រី០២យួរ ទឹកស៊ីអ៊ីវ ០២ យួរ ព្រមទាំងថវិការរបស់អធិការដ្ឋាននគរបាលស្រុកព្រៃកប្បាសចំនួន ៥០ ម៉ឺនរៀលដើម្បីចូលរួមក្នុងកម្មវិធីបុណ្យ ។
ជានិច្ចកាល ឯកឧត្តមឧត្តមសេនីយ៍ទោសុខសំណាងតែងតែយកចិត្តទុកដាក់ចំពោះសុខទុក្ខរបស់មន្ត្រីក្រោមឱវាទ។
អធិការដ្ឋាននគរបាលស្រុកព្រៃកប្បាសសូមសំដែងនូវការសោកស្តាយនិងក្រៀមក្រំបំផុត ដែល បានបាត់បង់នាយប៉ុស្តិ៍នគរបាលរដ្ឋបាលមួយរូប ដែលមានស្នាដៃល្អតែងតែយកចិត្តទុកដាក់បំរើការពារផលប្រយោជន៍ប្រជាពលរដ្ឋក្នុងមូលដ្ឋាន ដោយមិនគិតពីការនឿយហត់និងសូមបួងសួងដល់វត្ថុស័ក្កសិទ្ធិ ឲ្យដួងវិញ្ញាណក្ខន្តរបស់លោកវរសេនីយ៍ត្រី អ៊ូច វិបុល បានទៅកាន់សុគតិភព និងចាប់កំណើត នៅទីឋានដ៏ខ្ពង់ខ្ពស់កុំបីឃ្លៀងឃ្លាតឡើយ ។
