(អរគុណសន្តិភាព !)
ចូលរួមគោរពច្បាប់ចរាចរណ៍ផ្លូវគោក គឺដើម្បីការពារជីវិតរបស់យើងនិងជីវិតអ្នកដទៃ
នៅព្រឹកថ្ងៃ ច័ន្ទ ៦រោច ខែ ស្រាពណ៍ ឆ្នាំជូតទោស័ក ព.ស. ២៥៦៤ ត្រូវនឹងថ្ងៃទី ១០ ខែ សីហា ឆ្នាំ២០២០ អនុវត្តតាមមតិណែនាំរបស់ឯកឧត្តម ឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង លោកវរសេនីយ៍ឯក កោ ស៊ុនកាំង អធិការនគរបាលស្រុកសំឡូត បានដឹកនាំប្រជុំផ្សព្វផ្សាយលទ្ធផលការងារកិច្ចប្រតិបត្តិការខែ កក្កដា និងលើកទិសដៅផែនការអនុវត្តបន្តសម្រាប់ខែ សីហា ឆ្នាំ ២០២០ ។
ចូលរួមក្នុងកិច្ចប្រជុំ នេះមាន អធិការ អធិការរង នាយ នាយរងផែ្នក នាយ នាយរងប៉ុស្តិ៍នគរបាលរដ្ឋបាល ព្រមទាំងមន្ត្រីនគរបាលជាច្រើនរូប។
ជាមួយនឹងផែនការសម្រាប់អនុវត្តបន្តនោះភារកិច្ចសំខាន់របស់កងកម្លាំងនគរបាលគឺកិច្ចការពាររក្សាសន្តិសុខ សុ វត្ថិភាព និងសណ្តាប់ធ្នាប់សង្គមនៅក្នុងមូលដ្ឋាន នាឱកាសនៃថ្ងៃឈប់សម្រាករបស់ប្រជាពលរដ្ឋដែលនឹងចាប់ផ្តើមពីថ្ងៃទី ១៧ ខែសីហាឆ្នាំ២០២០នេះតទៅ ព្រោះប្រជាពលរដ្ឋលោកនឹងធ្វើដំណើរកំសាន្តសប្បាយនៅតាមទីរមណីយដ្ឋាននានានៅតាមបណ្តាខេត្ត ហើយក្នុងនោះមូលដ្ឋានស្រុកសំឡូតក៏ជាតំបន់ទេសចរណ៍ដែលកំពុងទទួលបាននូវការចាប់អារម្មណ៍និងទាក់ទាញពីអ្នកទេសចរណ៍ជិតឆ្ងាយផងដែរ ៕
