(ភ្នំពេញ) ÷ នៅរសៀលថ្ងៃអង្គារ៍ ៩រោច ខែអាសាឍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១៤ ខែកក្កដា ឆ្នាំ២០២០ វេលាម៉ោង ១៤,៣០នាទី លោក សុខ ពេញវុធ អភិបាល នៃគណៈអភិបាលខណ្ឌដូនពេញ បានអញ្ជើញជាគណៈអធិបតីក្នុងកិច្ចប្រជុំ ស្តីពីវិធានការទប់ស្កាត់ការប្រើប្រាស់ និង ជួញដូរគ្រឿងញៀន ក្នុងភូមិ២ និងភូមិ៣ សង្កាត់ស្រះចក ខណ្ឌដូនពេញ ក្នុងកិច្ចប្រជុំនេះក៏មានកាអញ្ជើញចូលរួមពី លោកឧត្តមសេនីយ៍ទោ ហួត ចាន់យ៉ារ៉ាន់ ស្នងការរងនគរបាលរាជធានីភ្នំពេញ ទទួលបន្ទុកការងារគ្រឿងញៀន និង លោកស្រី ឧត្តមសេនីយ៍ទោ ស៊ឹម ផាណុំ ស្នងការរងនគរបាលរាជធានីភ្នំពេញ ដោយមានការអញ្ជើញចូលរួមពី លោក អភិបាលរងខណ្ឌ លោកចៅសង្កាត់ស្រះចក មេភូមិ មន្ត្រីពាក់ព័ន្ធ និង បងប្អូនប្រជាពលរដ្ឋ ដែលរស់នៅភូមិ២ ភូមិ៣ សង្កាត់ស្រះចក ខណ្ឌដូនពេញ ផងដែរ ៕
