ខេត្តព្រៃវែង ៖ រតនា
(ព្រៃវែង) ៖ មានករណីប្លន់ប្រដាប់អាវុធបាញ់សម្លាប់បុរសម្នាក់យកម៉ូតូ០១គ្រឿងបានដោយសុវត្ថិភាពកាលពីវេលាម៉ោង១៣និង៤០នាទីរសៀលថ្ងៃទី៩ខែកក្កដាឆ្នាំ២០២០នៅ ចំណុចលេីផ្លូវជាតិលេខ៨ ចន្លោះបង្គោលគីឡូម៉ែត្រលេខ១២៥ និងគីឡូម៉ត្រលេខ១២៦ ស្ថិតក្នុងភូមិត្បូងវត្ត ឃុំក្របៅ ស្រុកកំចាយមារ ខេត្តព្រៃវែង។
សមត្ថកិច្ចស្រុកកំចាយមារបានឲ្យដឹងថាជនរងគ្រោះឈ្មោះ ប៊ុត វណ្ណា ភេទប្រុស អាយុ២៨ឆ្នាំ មុខរបរជាជ័រកៅស៊ូ ទីលំនៅប្ចុប្បន្នភូមិវត្ត ឃុំត្រោះ ស្រុករមាហែក ខេត្តស្វាយរៀង ជាម្ចាស់ម៉ូតូម៉ាកឌ្រីមសង់ស៊េរី២០១៨ ពាក់ស្លាកលេខ ព្រៃវែង 1M-5254 ។
សមត្ថកិច្ចបានបន្តថានៅមុនពេលកើតហេតុ ជនរងគ្រោះបានចេញដំណើរពីចំការកៅស៊ូមួយកន្លែងស្ថិតក្នុងភូមិសំបូ ឃុំកក់ ស្រុកពញាក្រែក ខេត្តត្បូងឃ្មុំហើយ បានប្រាប់សាច់ញាតិថាមកលាងម៉ូតូនៅផ្សារក្របៅស្ថិតក្នុងភូមិកន្លែងជ្រៅ ឃុំក្របៅ ស្រុកកំចាយមារ ខេត្តព្រៃវែង ពេលត្រឡប់មកវិញដល់ចំណុចកើតហេតុខាងលើ ត្រូវបានក្រុមជនល្មើសជាចោរដកកាំភ្លើងខ្លី បាញ់ប្រហារទៅលេីជនរងគ្រោះ០១គ្រាប់ត្រូវ ត្រង់ចង្កេះខាងឆ្វេងធ្លាយដល់ផផ្នែកខាងក្រោមពោះទឹកខាងស្ដាំ ក្រោយមកត្រូវបានកម្លាំងនគរបាលប៉ុស្ដិ៍រដ្ឋបាលក្របៅនិងប្រជាពលរដ្ឋបញ្ជូនជនរងគ្រោះទៅមន្ទីរពេទ្យបង្អែកស្រុកកំចាយមារ ក្រោយមកក្រុមគ្រូពេទ្យប្រាប់ថាជនរងគ្រោះស្លាប់បាត់ហើយ។
នៅកន្លែងកើតហេតុសមត្ថកិច្ចរកឃើញ វត្ថុតាងក្បាលគ្រាប់ចំនួន០១ នៅបៀមជាប់ជនរងគ្រោះ ប្រភេទក្បាលគ្រាប់រ៉ូឡូ ១៧គុណ៧មីលីម៉ែត្រ។
បច្ចុប្បន្ន សមត្ថកិច្ចកំពុងស្រាវជ្រាវ បន្តដើម្បីតាមចាប់ក្រុមចោរប្លន់មកផ្តន្ទាទោសទៅតាមផ្លូវច្បាប់។
