(បាត់ដំបង) ៖ នៅព្រឹកថ្ងៃ ចន្ទ ៣រោច ខែ ជេស្ឋឆ្នាំជូតទោស័កព.ស.២៥៦៤ត្រូវនឹងថ្ងៃទី០៨ ខែ មិថុនាឆ្នាំ២០២០ ឯកឧត្តម ឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង បានអញ្ជើញជាអធិបតីក្នុងពិធីប្រកាសផ្ទេរភារកិច្ច តែងតាំងមុខតំណែង និងបំពាក់ឋានន្តរសក្តិ ជូនមន្ត្រីនគរបាលជាតិចំណុះស្នងការដ្ឋាននគរបាលខេត្តបាត់ដំបង ដែលពិធីនេះរៀបចំធ្វើនៅសាល ប្រជុំអាគាE ក្នុងបរិវេណរដ្ឋបាលខេត្តបាត់ដំបង ។
ពិធីនាពេលនេះមានការអញ្ជើញចូលរួមពី លោក លោកស្រីស្នងការរង នាយ នាយរងការិយាល័យជំនាញ មេបញ្ជាការវរសេនាតូចនគរបាលការពារព្រំដែនគោកនិងអធិការ អធិការរងនគរ បាលក្រុង ស្រុកព្រមទាំងកងកម្លាំងនគរបាលជាច្រើនរូប។
មន្ត្រីដែលត្រូវធ្វេីពិធីនាពេលនេះសរុបមានចំនួន ៣៤៧នាក់ក្នុងនោះនគរបាលនារីចំនួន៦៤នាក់ ដែលចំនួននេះមានមន្ត្រីនគរបាលទេីបប្រកាសតាំងស៊ុបថ្មីមានចំនួន១០០នាក់នគរបាលនារីចំនួន ៣៣នាក់ផងដែរ។
មន្ត្រីនគរបាលដែលត្រូវបានប្រកាសនិងបំពាក់ក្នុងនោះមាន៖
-ថ្នាក់ស្នងការរងចំនួន០១នាក់(ប្រកាសភារកិច្ច)
បំពាក់ឋានន្តរសក្តិ៖
-ថ្នាក់វរសេនីយ៍ទោចំនួន០២នាក់
-ថ្នាក់វរសេនីយ៍ត្រីចំនួន១៤នាក់
-ថ្នាក់អនុសេនីយ៍ឯកចំនួន១០៦នាក់
-ថ្នាក់អនុសេនីយ៍ទោចំនួន ៤១នាក់
-ថ្នាក់អនុសេនីយ៍ត្រីចំនួន ៧៧នាក់
-ថ្នាក់ព្រិន្ទបាលឯកចំនួន ១៧នាក់
-ថ្នាក់ព្រិន្ទបាលទោចំនួន៤៩នាក់
-ថ្នាក់ពលបាលទោចំនួន០១នាក់
មានប្រសាសន៍ក្នុងឱកាសនេះឯកឧត្តម ឧត្តម សេនីយ៍ទោ អ៊ុច សុខុន បានពាំនាំនូវការផ្តាំផ្ញេីសាកសួរសុខទុក្ខពីសំណាក់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហា ផ្ទៃ ពីសំណាក់ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិព្រមទាំងឯកឧត្តម ងួន រតន:អភិបាល នៃគណៈអភិបាលខេត្តបាត់ដំបង ដែលសម្តេចព្រមទាំងឯកឧត្តម ក៏ដូចជាថ្នាក់ដឹកនាំផ្សេងទៀតតែងតែ បានគឹតគូរជាប់ជាប្រចាំអំពីសុខទុក្ខរបស់កងកម្លាំងនគរបាលជាតិ។
ជាមួយនេះ ឯកឧត្តមលើកឡើងអំពីស្នាដៃ សមិទ្ធិផលជាច្រើនដែលមន្ត្រីនគរបាលបានចូលរួមអនុ វត្ត ក្នុងបុព្វហេតុ ការពារជាតិ ការពារបូរណភាពទឹកដី រក្សាសន្តិសុខសណ្តាប់ធ្នាប់សង្គមផ្តល់នូវភាពសុខសាន្តជូនប្រជាពលរដ្ឋ។
ឯកឧត្តមបានណែនាំផ្តាំផ្ញើដល់កងកម្លាំងនគរបាលទាំងអស់ដែលទើបទទួលបាននូវការប្រកា សផ្ទេរភារកិច្ច តែងតាំងមុខតំណែង និងបំពាក់ឋានន្តរសក្តិនាពេលនេះ ជាពិសេសមន្ត្រីនគរបាលដែលទេីបប្រកាសតាំងស៊ុបទាំងអស់ត្រូវខិតខំបំពេញភារកិច្ច បម្រើជាតិ បម្រើប្រជាពលរដ្ឋឱ្យបានល្អប្រសើរបំផុត ត្រូវគោរពវិន័យរបស់កងកម្លាំងនគរបាលជាតិ មានសីលធ៌ម អាកប្បកិរិយាស្លូតបូត សុភាពរាបសារល្អសក្តិសមជាអ្នកបម្រើប្រជាពលរដ្ឋ ។
មន្ត្រីនគរបាលត្រូវតស៊ូប្រឆាំងនិងបង្ក្រាបរាល់បទល្មើសគ្រប់ប្រភេទនៅក្នុងមូលដ្ឋានក៏ដូចជាក្នុងដែនសមត្ថកិច្ចទទួលខុសត្រូវរបស់ខ្លួន ក្នុងនោះត្រូវអនុវត្តនិងផ្សព្វផ្សាយគោលនយោបាយស្តីពីភូមិ ឃុំមានសុវត្ថិភាពដោយផ្តោតសំខាន់លេីករណីយុទ្ធភ័ណ្ឌមិនទាន់ផ្ទុះ ករណីគ្រឿងញៀន ករណីចរាចរណ៍ផ្លូវគោក និងករណីអគ្គិភ័យ ក្នុងនោះមន្ត្រីនគរបាលមិនត្រូវយកខ្លួនទៅប្រឡូកប្រឡាក់ឬពាក់ព័ន្ធជាមួយអំពើល្មើសច្បាប់ឬពួកជនប្រព្រឹត្តបទល្មើសផ្សេងៗឡើយ សំខាន់គឺត្រូវធ្វេីនូវអំពេីល្អគ្រប់ពេលវេលា។
ឯកឧត្តមបានបន្តថានគរបាលត្រូវមានសាមគ្គីភាពផ្ទៃក្នុងៗអង្គភាព មានសាមគ្គីភាពជាមួយអាជ្ញាធរមូលដ្ឋានភូមិ ឃុំ ក្រុង ស្រុកក៏ដូចអាជ្ញាធរមានសមត្ថកិច្ចពាក់ព័ន្ធក្នុងមូលដ្ឋានឬភូមិសាស្ត្រទទួលខុសត្រូវរបស់ខ្លួន។
ជាចុងក្រោយឯកឧត្តមស្នើដល់មន្ត្រីនគរបាលជាតិទាំងអស់ត្រូវបន្តចូលរួមបង្ការ ការពារខ្លួនឯងផ្ទាល់ក៏ដូចជាក្រុមគ្រួសារ ចំពោះករណីឆ្លងជម្ងឺCovid-19 ក្រៅពីនោះមន្ត្រីនគរបាលត្រូវបន្តបំផុសផ្សព្វផ្សាយដល់ប្រជាពលរដ្ឋបានយល់ដឹងនិងចូលរួមគោរពច្បាប់ស្តីពីចរាចរណ៍ផ្លូវគោកទាំងអស់គ្នា ដែលក្នុងនោះមន្ត្រីនគរបាលត្រូវធ្វើជាគំរូល្អដល់ប្រជាពលរដ្ឋលើបញ្ហានេះចៀសវាងនូវការរិះគន់ឬទិទៀនពីមហាជនចំពោះកំហុសឆ្គងរបស់មន្ត្រីនគរបាលយើងមួយចំនួនតូចមិនគោរពច្បាប់ហើយជះឥទ្ធិពលមិនល្អដល់មន្ត្រីនគរបាលជាតិទាំងមូល ឯកឧត្តមស្នេីដល់មន្ត្រីនគរបាលចរាចរណ៍នៅតាមគោលដៅ ត្រូវតែអនុវត្តតាមផ្លូវច្បាប់ចំពោះមន្ត្រីនគរបាលជាតិរូបណាដែលប្រព្រឹត្តល្មើសច្បាប់ចរាចរណ៍ផ្លូវគោកដោយមិនលើកលែង ហើយស្នើធ្វើរបាយការណ៍មកថ្នាក់ដឹកនាំស្នងការពិនិត្យអំពីបញ្ហាវិន័យចំពោះមន្ត្រីរូបនោះស្របតាមអនុសាសន៍ណែនាំរបស់ឯកឧត្តម នាយឧត្តមសេនីយ៍ សន្តិបណ្ឌិត អគ្គស្នងការនគរបាលជាតិ នេតសាវឿន ៕
