ទាន់ហេតុការណ៍
ឧត្តមសេនីយ៍ឯក រ័ត្ន ស្រ៊ាង ជួប​សំណេះសំណាល ថ្លែងអំណរគុណ ដល់​កម្លាំង​អាវុធហត្ថ​ក្រោម​ឱវាទ ទូទាំង​រាជធានី​ភ្នំពេញ​!==>​អាវុធហត្ថ​រាជធានី​ភ្នំពេញ ចូលរួម​អបអរសាទរ ទិវា​អន្តរជាតិ​នារី ៨ មីនា ខួប​លើក​ទី​១១៣!==>​ក្រុមការងារ អាវុធហត្ថ​រាជធានី​ភ្នំពេញ នាំយក​អំណោយ​ចុះសួរសុខទុក្ខ​សមាជិក ដែល​ជួប​គ្រោះថ្នាក់ ផ្ទុះ​ចង្ក្រានហ្គាស ធ្វើអោយ​រលាក​ខ្លួនប្រាណ​!==>ឧត្តមសេនីយ៍ឯក រ័ត្ន ស្រ៊ាង ចាត់​ក្រុមការងារ​អាវុធហត្ថ​ខណ្ឌ​ច្បារអំពៅ នាំយក​អំណោយ​ឧបត្ថម្ភ​ដល់​សមាជិក ដែល​បាន​គ្រោះថ្នាក់​ចរាចរណ៍ ពេល​កំពុង​បំពេញ​ភារកិច្ច​!==>នាយទាហាន នាយទាហានរង នៃ​កងរាជអាវុធហត្ថ​រាជធានី​ភ្នំពេញ ចំនួន ៣៧០​នាក់ ត្រូវបាន​ប្រកាស​តែងតាំង​មុខតំណែង និង​បំពាក់​ឋានន្តរសក្តិ​ថ្មី​!==>​ឯកឧត្ដម ថោ ជេដ្ឋា​ រដ្ឋមន្ត្រី​ក្រសួង​ធនធានទឹក ទទួល​ជួប​សម្តែងការគួរសម​ និង​ពិភាក្សាការងារ​ ជាមួយ​ អ្នកសម្របសម្រួលអង្គការ សហប្រជាជាតិប្រចាំកម្ពុជា ​លោក Joseth Scheuer==>ឧបនាយករដ្ឋមន្ត្រី ស៊ុន ចាន់ថុល៖រាជរដ្ឋាភិបាល ចាត់ទុកគម្រោងសាងសង់ផ្លូវ ៥០សេ និងស្ពានវែងជាងគេប្រវែង ៣.៣០០ម៉ែត្រ តភ្ជាប់ពីកំពង់ឆ្នាំង ទៅកំពង់ធំ ជាគម្រោងអាទិភាពដ៏សំខាន់សម្រាប់ឆ្នាំ ២០២៤នេះ==>អំណោយ​ប្រចាំខែ របស់លោក​ឧត្ដមសេនីយ៍ឯក រ័ត្ន ស្រ៊ាង បាន​ប្រគល់​ដល់ដៃ​ពលរដ្ឋ​ទីទាល់ក្រ​១៧​គ្រួសារ​!==>អាជ្ញាធរខេត្តបាត់ដំបង ដកហូតកាំ​ខ្យល់​ជិត​៣០​ដើម​សម្រាប់​លេង​បាញ់​តុក្កតា នៅ​ក្នុង​កម្មវិធី​បុណ្យបញ្ចុះសីមា​នៅ​វត្ត​អូរ​ដូន​ពៅ ស្ថិត​ក្នុង​ឃុំ​ឃ្លាំង​មាស ស្រុក​ប​វេ​ល ខ្លាច​អាច​បង្ក​គ្រោះថ្នាក់​ដល់​មនុស្ស==>លើកទឹកចិត្តគម្រោងចំនួន២នៅខេត្តព្រះសីហនុ ប្រាក់វិនិយោគជិត ៦០០លានដុល្លារ ទទួលការលើកទឹកចិត្តពី ក្រុមប្រឹក្សាអភិវឌ្ឍន៍កម្ពុជា និងត្រូវបានវាយតម្លៃថា នឹងជះឥទិ្ធពលយ៉ាងវិជ្ជមានដល់សេដ្ឋកិច្ចខេត្តព្រះសីហនុទាំងមូល

​របង​ថ្ម​ដែល​គេ​ធ្វើ​ហ៊ុមព័ទ្ធ​នៅ​ចំណុច​អូរ​កញ្ឆែត ក្នុង​ភូមិសាស្ត្រ​ស្រុក​ដំណាក់​ចង្អើរ ត្រូវ​អាជ្ញាធរ បញ្ជា​ឱ្យ​វាយ​កម្ទេចចោល​ហើយ​

​ដោយ ៖ គេហទំព័រ «ស៊ី អេច ខេ ញូស៍ | CHK News»
Tel: 012 790 894 | Telegram / WhatsApp : 012 790 894

(​ខេត្ត​កែប​)៖ របង​ថ្ម​ដែល​គេ​លួច​ធ្វើ​ដោយ​ហ៊ុមព័ទ្ធ​យក​ដី​សហគមន៍ ត្រង់​ចំណុច​អូរ​កញ្ឆែត ក្នុងភូមិ​អង្កោល ឃុំ​អង្កោល ស្រុក​ដំណាក់​ចង្អើរ ខេត្ត​កែប ត្រូវបាន​លោក​ស្រី គឹម ច​ន្នី អភិបាលស្រុក​ដំណាក់​ចង្អើរ ដឹកនាំ​កម្លាំង​ទៅ​វាយ​កម្ទេចចោល​នៅ​ព្រឹក​ថ្ងៃទី​១៥ ខែ​មេសា ឆ្នាំ​២០២០​នេះ ដោយ​ការ​វាយ​របង​ថ្ម​យ៉ាង​តក់ក្រហល់​បែបនេះ ធ្វើឡើង​បន្ទាប់​ពី​មានប្រតិកម្ម​ដ៏​ពុះកញ្ជ្រោល​ពី​សំណាក់ លោក កែ​ន សត្ថា អភិបាលខេត្ត​កែប​។​

​ជុំវិញ​ការធ្វើ​របង​ដោយ​រៀប​ឥដ្ឋ​ដ៏​រឹងមាំ​ចំណុច​ដី​សហគមន៍​ក្នុង​ឃុំ​អង្កោល​នេះ បើ​តាម​ប្រភព​ពី​ប្រជាពលរដ្ឋ​រស់នៅ​ក្បែរ​នោះ​បាន​បង្ហើប​ឱ្យដឹងថា កន្លងមក​គេ​ធ្លាប់​ឃើញ​អាជ្ញាធរ​ស្រុក​ឧស្សាហ៍​ចុះមក​ទីតាំង​ដី​សហគមន៍​នេះដែរ ប៉ុន្តែ​ពួកគាត់​មិនដឹងថា អាជ្ញាធរ​ស្រុក​បាន​ដឹង ឬ​ធ្វើ​មិនដឹង​ពី​សកម្មភាព​ការធ្វើ​របង​ពី​សំណាក់​ជន​ខិលខូច​នៅ​ចំណុច​ដី​សហគមន៍​នោះទេ លុះដល់​ពេល​គេ​ធ្វើ​រួចរាល់​ទើប​នាំ​កម្លាំង​មក​វាយ​កម្ទេចចោល នេះ​ប្រហែលជា​ថ្នាក់លើ​ស្តីបន្ទោស​ក៏​មិនដឹង​។​

​ប្រភព​បាន​បន្តថា ដី​សហគមន៍​ចំណុច​អូរ​កញ្ឆែត​នេះ ត្រូវ​គេ​ធ្វើ​របង​ថ្ម​ចំនួន​៣​កន្លែង​ជាប់ៗ​គ្នា ហើយ​ការធ្វើ​របង​ហ៊ុមព័ទ្ធ​យក​ដី​ដ៏​ព្រហើន​បែបនេះ ប្រហែល​មិនមែន​ជា​ប្រជាពលរដ្ឋ​តូចតាច​ណា​ហ៊ាន​ធ្វើ​នោះ​ទេ ហើយ​ប្រហែលជា​អាជ្ញាធរ​ខេត្ត​កែប ក៏​មិន​បានដឹង​នោះដែរ​។​

​ពាក់ព័ន្ធ​នឹង​ករណី​ខាងលើ លោកស្រី គឹម ច​ន្នី អភិបាលស្រុក​ដំណាក់​ចង្អើរ បាន​ប្រាប់ កម្ពុជា​ថ្មី​ថា ករណី​មាន​គេ​ធ្វើ​របង​ដំបូង​គឺ​លោកស្រី​ក៏​ដឹង​ដែរ ដោយ​ពេល​នោះ​អាជ្ញាធរ​បា​ន​ដឹកនាំ​កម្លាំង​ទៅ​ទប់ស្កាត់​ម្តង​ជា​ពីរដង ប៉ុន្តែ​គេ​នៅតែ​លួច​ធ្វើ​ជា​បន្តបន្ទាប់ គាប់​ជួន​អាជ្ញាធរ​ជាប់រវល់​ពី​យុទ្ធនាការ បង្ការ ទប់ស្កាត់ ជំងឺ​កូវី​ដ​-១៩ ទើប​គេ​លួច​ធ្វើ​របង​បាន​សម្រេច​តែម្តងទៅ​។​

​សូមបញ្ជាក់​ថា ការ​វាយ​កម្ទេច​របង​ថ្ម​ក្នុង​ដី​សហគមន៍ ស្ថិត​ចំណុច​អូរ​កញ្ឆែត ក្នុងភូមិ​អង្កោល ឃុំ​អង្កោល ស្រុក​ដំណាក់​ចង្អើរ ខេត្ត​កែប នា​ព្រឹក​ថ្ងៃទី​១៥ ខែ​មេសា ឆ្នាំ​២០២០​នេះ ខណៈ​មាន​ប្រតិកម្ម​ពី​ប្រមុខ​ដឹកនាំ​ខេត្ត គឺ​លោក កែ​ន សត្ថា តាមរយៈ​អ្នកសារព័ត៌មាន ទើប​លោកស្រី គឹម ច​ន្នី អភិបាលស្រុក​ដំណាក់​ចង្អើរ ប្រញាប់ប្រញាល់​ដឹកនាំ​កម្លាំង​ទៅ​វាយ​កម្ទេច​របង​ថ្ម​នោះ​ចោល​តែម្តង​៕ សេង ណា​រិទ្ធ​

 

Filed in: ព័ត៌មានជាតិ